ZKIZ Archives


馮仁昭四圍超:Juno執導搵番自我

1 : GS(14)@2016-06-06 03:03:22

麥浚龍(Juno)最近為護膚品牌拍宣傳短片,佢受訪時提起第一年參加頒獎禮:「當時喺台上,我感受到全場唔係拍掌、歡呼,而係噓聲,感覺觀眾想我死。」
Juno覺得跌落人生最低點,跟住變到唔識同人相處:「我希望透過創作音樂同電影,搵番自我。」終於喺2012年執導電影《殭屍》贏得口碑,事隔4年佢準備開新戲《風林火山》,Juno自豪咁話:「命運係自己創造。」撰文:馮仁昭





來源: http://hk.apple.nextmedia.com/entertainment/art/20160602/19637122
PermaLink: https://articles.zkiz.com/?id=301976

栢芝媽:想搵番個伴

1 : GS(14)@2016-08-14 14:29:24

張栢芝媽媽戴莎莉首次擔正做女主角的靈異電影《魕異》,前晚在新蒲崗舉行試映會,栢芝媽一身鮮黃短裙與潘紹聰等出席。問栢芝媽終於等到試映會是否心情興奮時,她說:「係呀,真係期待咗好耐。」她指前晚栢芝有事未能前來,但自己一定會叫女兒欣賞。首次拍戲的栢芝媽,揚言今次之後對電影興趣十分濃厚,並笑謂:「我成日都諗,個女都拍到戲,點解我唔得呀。我都有同栢芝分享拍戲經驗同感受,佢好支持阿媽。」對於有傳聞指栢芝有新歡,栢芝媽說:「總之開心就得啦,不如你哋問吓我啦,我都好想搵番個伴。」採訪、攝影:盧妹




來源: http://hk.apple.nextmedia.com/entertainment/art/20160814/19735306
PermaLink: https://articles.zkiz.com/?id=305803

張秀賢走出抑鬱低谷:搵番希望

1 : GS(14)@2016-09-01 06:15:47

【本報訊】學民思潮前發言人、中大學生會前會長張秀賢,3年前患上嚴重抑鬱及焦慮,曾因情緒爆煲萌生自殺念頭,現已康復走出低谷。他促政府由教育制度做起,改變社會功利、冷漠氣氛。他批評政府忽視學生聲音,「勇敢地講現實有乜問題」才有望治本。


稱教局措施「冇乜用」


張秀賢3年前擔任學民發言人時,因自我要求高,加上學業、朋友離世等因素下出現情緒困擾,「一時會覺得好鬱悶,試過連床都落唔到,但一時狀態、情緒又好高漲,連續廿幾個鐘唔瞓」。情況持續近兩個月,張憶述爆煲一夜更打算「死咗佢算」,「記得喺半夜嚟,我爆喊,覺得唞唔到氣,好辛苦,真係崩潰到想死」,最終靠理智撐過,「講都唔信,當時諗嘅係『邊種自殺方式唔會影響到人』,諗諗吓發現冇,於是就打消咗念頭」,最後張到精神科求診。張分享過來人抵抗情緒病的經驗,「人人唔同,我自己後來學識咗時間管理,同埋了解自己極限,即係知自己就嚟爆,就真係去唞」。尋死前更應想清楚,「始終最明你嘅係你自己,諗清楚會唔會影響到人,自己仲有乜未做同好想做;就算係好虛無嘅都冇所謂,要搵番個希望,搵番自己繼續生存嘅動力」。張直言教育局宣揚正能量、提高抗壓力等措施「冇乜用」,未能針對包括學業壓力、前景憂慮等問題;張現就讀中大政政系4年級,慨嘆校園氣氛亦日趨功利,「老師要兼顧行政、教學、研究,冇時間接觸學生;學生就要追GPA(成績)換嚟實習、出國交流機會,成個校園嘅人際關係同氣氛都變得好冷漠」。■記者葉偉東




來源: http://hk.apple.nextmedia.com/news/art/20160901/19756404
PermaLink: https://articles.zkiz.com/?id=306958

阿仔支持搵番個伴八両金:有需要咪請個護士

1 : GS(14)@2017-04-22 10:22:31

■八両金親身示範指導囝囝擺甫,還教路要送飛吻。



八両金大爆囝囝怕他年老多病時沒人照顧,不時催他覓第二春,八両金卻說:「將來有需要咪請個護士照顧。」八両金當年離婚,其實可再婚再生,他說:「我咁嘅年紀,唔係冇生殖能力,但我係要為下一代着想,你搵咗個女人生,冇可能睇到子女大。」八両金反而想跟前妻破冰:「有朝一日佢肯回來,大門從來冇關上。我同囝囝講,佢阿媽只有一個,佢冇嫁畀人都要照顧佢終老。」



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170420/19995866
PermaLink: https://articles.zkiz.com/?id=331063

Next Page

ZKIZ Archives @ 2019