ZKIZ Archives


劉小麗,唔該搵個CFA睇睇你個proposal先 中環客

來源: http://hkcitizensmedia.com/2016/08/29/%e5%8a%89%e5%b0%8f%e9%ba%97%ef%bc%8c%e5%94%94%e8%a9%b2%e6%90%b5%e5%80%8bcfa%e7%9d%87%e7%9d%87%e4%bd%a0%e5%80%8bproposal%e5%85%88/

九龍西冒起得好快嘅候選人劉小麗,關於全民退保言論激親有一位喺新加坡教緊書嘅學者,引發大筆戰。成棚劉小麗啲fans走去學者個page度開火,唔係個個就鍾意開片,特別新加坡啲大學有名係論文工廠,做research少一陣都教席不保,果位學者急急收番啲文,費時同劉小姐啲fans開片。只不過,由於佢嘅文傳得太勁,結果果位學者個page依家被人煩到抽筋。

我中環客連學者都唔係,只係個粗鄙,讀過嚇CFA課程嘅塘邊鶴。但劉小姐竟然可以吹到有百分之五回報,我相信連新加坡政府都想知道究竟劉小麗有乜絕招,做到新加坡中央積金局都做唔到嘅嘢。

新加坡中央公積金,係唔少人夢想嘅退休保障模型,新加坡嘅公積金,供組屋又得,俾醫療費又得,用嚟投資都得。新加坡中央公積金,係全部投資喺由新加坡政府包底嘅特別新加坡政府債券(SSGS)上面,由於新加坡立法規定必須平衡預算,所以新加坡政府債券所借唔可以用喺政府日常開支,而係必須用嚟投資上。呢筆錢,正係新加坡淡馬錫控股,以及政府投資公司(GIC)嘅資金來源。

新加坡淡馬錫控股,同埋政府投資公司,喺主權基金嚟講,算係做得唔錯。但新加坡依家中央公積金一般戶口嘅年淨回報都係3%,特別同醫療戶口,以及退休人士戶口,喺政府公帑加持下至做到5%,仲要自一九八五年以嚟,新加坡中央公積金年回報都未試過5%。

而新加坡政府喺公布中央公積金年回報果陣,係俾埋主要銀行一年定期利率,同埋十年期新加坡政府債券coupon rate你參考,而一般淨回報就係十年期新加坡政府債券coupon rate + 1%。唔好講到蒙地卡羅模擬呢啲數佬係小學雞嘢,但對大眾係火星文嘅嘢(雖然CFA實要考)。請問小麗老師,點推算出一個仲高過新加坡政府債券好多嘅回報率,唔怪得被人串係雷曼迷債喇。

用今年七月嘅香港政府十年機構債券投標結果,中環客更加唔知劉小麗筆數由石頭邊度爆出嚟。政府公報嘅結果係1.68%,就算學新加坡 +1%,都係2.68%咁大把。

所以我奉勸劉老師,提任何方案前,搵個CFA睇睇先。或者問問港島人力同樣姓劉嘅劉嘉鴻,至少佢真係做退休計劃呢行出身,中環客都唔多同意佢對退休保障問題嘅睇法,但劉生嘅睇法至少喺行內,未至於不被認同。

中環客

PermaLink: https://articles.zkiz.com/?id=213303

無限想像沒法發揮搵個開發者就無問題

1 : GS(14)@2016-02-18 23:32:12

充滿想像力但無實現的方法?產品有雛形但遇上「樽頸位」?三藩市的開發者周(Developer Week)或者幫到你。駐三藩市記者:王欣儀開發者周(Developer Week)由上周五開始至本周四(12日至18日),邀請各類提供科技服務的產業佼佼者,例如微軟(Microsoft)、第一資本金融(Capital One)、著名航拍品牌大疆(DJI)等駐館,提供開發者交流、學習的平台。今年的重點是大數據(Big Data)、金融科技(FinTech),以及API(應用程式介面)的應用和程式撰寫。一眾開發者除可參加論壇和會議,更可直接與駐場的廠商交換意見,甚至有機會在招攬人才大會(Hiring Mixer)中被選中。
Yodlee公司整合多間銀行資料,提供消費者線上金融服務。總監Jeanine Jue就建議有意進入金融科技領域的開發者,善用已經存在的應用程式介面,不要浪費大量時間及精力來開發全新系統。她舉例指,Avant和Betterment等小額創業公司,都在兩三年內利用既有的API技術「彈起」;又指台灣的科技人應先了解台灣金融的生態和消費者需求,例如債務管理、借貸等。從事IT工作的台裔軟件開發工程師連賴瑞(Larry Lein)則稱,其團隊已研發一套類似API的系統介面,運用WiFi,讓附近的使用者可以在線上組成群組聯絡。他強調,這個技術解決了一般交友網站的私隱暴露問題,例如Tinder以GPS定位,會暴露使用者的位置。他說技術已研發成功,目前正積極找尋需要該技術的開發商。他表示,「我們很期待把這樣的技術提供給需要的人使用。Developer Week這樣的平台,提供管道讓我們將資訊散佈出去。我(跟與會者)正在討論如何將我的技術,融入金融科技的領域。」





來源: http://hk.apple.nextmedia.com/international/art/20160218/19495822
PermaLink: https://articles.zkiz.com/?id=296215

馮仁昭四圍超:珊姐52歲搵個伴

1 : GS(14)@2016-05-21 18:29:57

黎燕珊(左)今日52歲生日,一對仔女之後會同珊姐旅行慶祝,所以珊姐一班好友提前開生日會。珊姐喺生日蛋糕前許願,希望自己、家人同朋友都身體健康,事業上可以有更多新嘗試,珊姐話佢兩個仔女已經長大,可以放低大半個包袱,所以係時候諗吓自已未來,或者搵個另一半陪佢共度餘生,不過佢都唔會強求。撰文:馮仁昭





來源: http://hk.apple.nextmedia.com/entertainment/art/20160520/19619289
PermaLink: https://articles.zkiz.com/?id=300879

稱前妻法拉係「朋友」薛世恆想搵個伴生仔

1 : GS(14)@2016-11-16 05:47:56

陳法拉大前年同Neway太子爺薛世恆離婚,仲離開埋大台,今年喺事業同愛情都有新發展,好似之前佢就同黃子華合演咗舞台劇《前度》,今年8月仲傳佢有新戀情,話佢同法國駐日外交官Emmanuel Straschnov拍拖。法拉發展如意,薛世恆亦唔輸蝕,先後同梁雨恩、廖碧兒同朱璇傳緋聞,而一直唔願回應嘅薛家大少爺,最近接受周刊訪問,講到前妻,佢依然冇正面回應二人嘅關係,只話唔想影響到朋友,佢用朋友來形容陳法拉。薛世恆同陳法拉一直都冇釐清過二人嘅關係,但外界一般都會話佢哋係離婚,專訪中,薛世恆依然冇正面回應,只係一笑置之,仲話唔想提及,因為唔想影響朋友,口中嘅朋友就係法拉。但係薛家大少爺就講到,一段感情去到呢個地步,佢自己都有反省過自己,覺得自己唔識溝通,同埋太自我,當中佢學會揀對象時,係唔好要求人哋點點點,而係要求咗先。但薛世恆就話新戀情,就要隨緣,佢坦言經常一支公出席活動,都希望有個伴陪吓自己,亦都好想有小朋友,仔女都冇所謂。至於緋聞同爭產,薛世恆先後同梁雨恩、廖碧兒同朱璇傳緋聞,薛世恆解釋好多都係朋友,佢舉例,有次報道話佢同六十個女仔一齊過生日,但其實當時仲有六十個男仔,但報道就唔提;有次同女教友傾偈,就話佢媾中女,搞到佢好唔好意思。緋聞冇個真,咁爭產佢又點解畫呢?薛世恆重申自己同細佬薛嘉麟感情好,由細玩到大,仲話老竇係在生,點會爭產。至於失勢,佢自己13歲就移民去咗澳洲,讀完中學返香港,喺香港科技大學修讀電腦系學士及碩士課程,之後再取後特許金融分析師(CFA)資格,03年就開漿到爸爸嘅印刷廠同Neway工作,之後爸爸就話想到澳洲深造,所以就由佢暫幫手睇住間公司,08年,爸爸話有啲時間睇番盤生意,所以佢就發展自己嘅事業,創立咗一間投資公司,專做投資、股票同物業生意。佢仲笑話,唔知細佬做緊乜,咁講又好似真係如報道講,好不和咁,哈哈!




來源: http://hk.apple.nextmedia.com/entertainment/art/20161116/19834952
PermaLink: https://articles.zkiz.com/?id=315823

Next Page

ZKIZ Archives @ 2019