ZKIZ Archives


Wyman借Juno搞喊人

1 : GS(14)@2015-07-23 08:40:13

■麥浚龍與謝安琪的《羅生門》搞喊樂迷,Wyman亦指久未試過。


麥浚龍(Juno)繼11年前推出歌曲《耿耿於懷》後,今年先後推出續集《念念不忘》和《羅生門》,前日《羅》面世後在網上被洗版狂loop,不少網友聽到喊,填詞的黃偉文(Wyman)昨在電話說:「好耐冇試過,我都喊咗成晚!十萬個人問我點解咁殘忍,摧毀佢哋十年嚟嘅夢?而家你鬧我狠,但三五七年後,你醒咗會多謝我。」


Wyman 資料圖片


至於將跟Juno合唱外傳《雷克雅未克》的周國賢,就在電話中透露:「其實我只係唱最尾幾句。Juno叫我寫一首好癲嘅歌畀佢,我將畢生功力放入歌,出嚟超難唱。」採訪:皓騫





來源: http://hk.apple.nextmedia.com/entertainment/art/20150723/19228609
PermaLink: https://articles.zkiz.com/?id=291818

葉昇瓚爆搞喊黃紫盈內幕始作俑者係袁志偉

1 : GS(14)@2015-10-21 17:59:19

仲記唔記得前無綫主播黃紫盈報新聞流淚事件?2013年6月27日,紫盈BB傍晚近6時,於互動新聞台報道新聞時眼紅流淚於人前。件事嘅原因,版本眾多,有說原本下晝五點半嘅新聞報道由男主播葉昇瓚負責,但因新聞部高層袁志偉不滿葉昇瓚個髮型,下令換人。當日黃紫盈及張文采同當值,高層先召黃紫盈頂替,但黃紫盈話未必趕得切,於是改為要求張文采頂替報,張文采都應承嘅。但當黃紫盈5點20分錄影完,剛升職嘅張文采就話:「你依家得閒,點解你唔去讀要我讀?」黃紫盈反駁張文采係應承咗喎,但張文采只係話:「我係senior,我負責編邊個讀。」更以上司身份施壓:「依家唔係你話得唔得,係我叫你去做!」黃紫盈惟有抱住委屈心情上陣,卒之落淚人前。件事過咗咁耐,網民「花生」完喇,已為人淡忘。不過,31歲嘅男神主播葉昇瓚離開大台,轉行做財經公關公司,忽然又令人諗起黃紫盈事件。昨日有周刊登咗葉昇瓚篇訪問,第一個問題當然就係黃紫盈喊嗰單嘢。係咪關葉昇瓚事?葉昇瓚話,係老闆唔鍾意男仔髮型有層次一支支,要貼服,「老闆喺電視度見到,message我哋,叫我出返嚟,去廁所整下個髮型。」呢個「老闆」,就係無綫新聞及資料部總監袁志偉。傳聞話,花哥袁志偉個髮型,十年如一日都係咁,所以對葉昇瓚呢個「一支支有層次」嘅髮型不滿,而之後發生嘅事,如上。但葉昇瓚於訪問中強調,唔係佢搞喊黃紫盈,又話唔知點解黃紫盈會喊:「可能黃紫盈突然間諗起啲傷心事。」葉昇瓚指都有問過黃紫盈係唔係唔想幫佢讀,所以喊,但黃紫盈當時就話唔係,而事後葉昇瓚都冇再追問落去。





來源: http://hk.apple.nextmedia.com/entertainment/art/20151021/19341084
PermaLink: https://articles.zkiz.com/?id=293380

小愛最後錄影搞喊觀眾

1 : GS(14)@2016-03-05 01:27:00

韓國大熱綜藝節目《超人回來了》的秋小愛和父親秋成勳早前宣佈退出節目,前日兩父女在江南一家咖啡店進行最後一集錄影,預計於月中播出。節目組得知不少粉絲都不捨得小愛,所以專登安排逾百位觀眾一齊送別小愛父女,小愛的媽媽矢野志保都有到場,一家三口與觀眾道別。據知在現場的觀眾和工作人員都流露出不捨心情,眾人都忍不住爆喊,場面感人。


■頭上插了花的大發在爸爸李同國的懷中大賣萌樣。


另外,同樣演出《超人回來了》的國腳李同國囝囝大發亦大受觀眾歡迎,大發媽咪李秀珍前日於Instagram上載大發新照,只見大發頭上插了花,並於爸爸的懷裏流露出撒嬌的眼神,大賣萌樣。撰文:施洛冰





來源: http://hk.apple.nextmedia.com/entertainment/art/20160304/19515248
PermaLink: https://articles.zkiz.com/?id=296839

校長搞喊顧芮寧

1 : GS(14)@2016-03-14 01:43:56

顧芮寧前晚在九展舉行音樂會,獲校長譚詠麟全力支持,顧芮寧性感低胸背心彈結他,透視上衣又唱又跳,還即場彈琵琶騷音樂造詣。校長更大讚她道:「大家好,我一早喺後面睇到晒,睇到中國後生版嘅Tina Turner,佢應該唔識琵琶,搖滾能文能舞,唱歌就一般,代表新一代歌手,同唔同領域嘅愛好者。」之後校長唱出《癡心當玩偶》,由顧芮寧結他伴奏,但她唱到中途一度感動落淚,甩了歌詞。完騷後,校長與顧芮寧接受訪問,顧芮寧表示校長支持令她感動落淚,校長說:「佢出嚟唔係好多年,獨當一面都係年幾,人緣好,香港DJ對佢好好,做咗一次訪問,不過聲線唔夠,作歌就好好,可以同唔同人合作,東南亞冇呢啲歌。」採訪:盧妹攝影:仇志德





來源: http://hk.apple.nextmedia.com/entertainment/art/20160313/19527338
PermaLink: https://articles.zkiz.com/?id=297822

何韻詩下周搞喊高皓正

1 : GS(14)@2016-05-08 01:44:10

ViuTV真人騷《跟住矛盾去旅行》下周一再重磅出擊,安排無論在性向及宗教信仰上都充滿矛盾的何韻詩和高皓正,孖住到訪史上第一個透過人民公投通過同性婚姻的天主教國家愛爾蘭。其實在ViuTV早前公佈的預告片中,兩人已經多次提及對婚姻和宗教問題,各有不同的價值觀念,而旅程上亦發生不少意料之外的突發事情。在周二播出的節目上,何韻詩與高皓正更因為對方的情深說話激動落淚,其後在柏林街頭受音樂氣氛影響,二人不吝嗇大展所長,當眾產生矛盾,直到行程尾聲,兩人去了camping,為化解矛盾保留一線生機。撰文:唐琛悠





來源: http://hk.apple.nextmedia.com/entertainment/art/20160506/19599425
PermaLink: https://articles.zkiz.com/?id=299756

惠英紅新片搞喊觀眾

1 : GS(14)@2016-09-07 21:46:20

惠英紅、陳家樂和吳業坤等,昨晚在九展出席電影《幸運是我》慈善首映。小紅姐在戲中扮演腦退化症病人,其母也患有此病,她說:「阿媽去唔到戲院睇啦,等出碟,我買番屋企放畀佢睇。」電影優先場口碑不錯,令觀眾催淚,小紅姐說:「好多觀眾睇到喊,佢哋同我講睇完即刻返去攬住阿媽。」提到票房,她續說:「唔成問題,最重要演員有努力同進步。」



■衛詩雅在大馬拍戲時睇中單位,有意置業。

入行十年的陳家樂終於在《幸》片擔正做男主角,他說:「今日父母同女友都嚟支持,80歲嫲嫲怕醜冇嚟,佢一直喺精神同金錢上支持我。」同場的衛詩雅表示早前在大馬拍電影《聖女奇緣》時,睇中有海景兼私人泳池的單位,有意扑槌置業。採訪:張俊銘攝影:仇志德




來源: http://hk.apple.nextmedia.com/entertainment/art/20160907/19762443
PermaLink: https://articles.zkiz.com/?id=308006

胡歌捧獎搞喊林依晨

1 : GS(14)@2016-10-18 08:15:35

內地男星胡歌前晚在長沙出席金鷹節頒獎典禮,憑《琅琊榜》奪得觀眾喜愛的男演員及最具人氣男演員兩獎,拍檔劉濤也獲人氣女演員。鄭曉龍憑《羋月傳》獲最佳導演獎,前晚恰巧是趙麗穎29歲生日,她憑《花千骨》得觀眾喜愛的女演員獎,獲全場為她慶祝。現時胡歌在內地人氣強勁,他上台領獎時提到自己很幸運,比起許多人更早知道怎麼樣的演員才是真正的演員,他說:「我要感謝林依晨,她曾對我說過兩句話,演戲是一個探索人性的過程,是在用生命演戲,我會記住一輩子。」台下的林依晨聽見即感動得掩面落淚。撰文:鍾國仁




來源: http://hk.apple.nextmedia.com/entertainment/art/20161018/19804073
PermaLink: https://articles.zkiz.com/?id=312590

梁榮忠搞喊Gin Lee

1 : GS(14)@2016-11-27 14:27:50

梁榮忠自導自演的微電影《流星飛過後許願前的一秒》昨日在奧海城舉行首映禮,同場還有李幸倪(Gin Lee)、張惠雅等。飾演梁榮忠女友的Gin Lee表示在片中有場喊戲,為了入戲,梁榮忠向她分享一件慘事,她說:「我一聽就喊,所以都幾難忘。」梁榮忠透露拍攝完畢後,最痛苦的是將片長80多分鐘剪成60分鐘內的電影,他說:「第一個就係剪走自己。」




來源: http://hk.apple.nextmedia.com/entertainment/art/20161127/19846609
PermaLink: https://articles.zkiz.com/?id=317238

【馮仁昭四圍超】蔡少芬開工搞喊女

1 : GS(14)@2016-12-07 07:41:21

蔡少芬(左二)、張文慈(中)等噚日為劇集《老表,畢業喇!》拍外景,過往《老表》系列都以搞笑為主,蔡少芬話今次同郭晉安都有好多冷笑話,辛苦在一邊拍劇,一邊要照顧兩個女,佢話:「佢哋一放學就叫媽媽,我出去開工就問我點解要走,仲喊住叫媽咪唔好走。」講到聖誕節,蔡少芬未知道有冇假放,老公張晉亦要開工,佢希望放到半日假已經好開心。撰文:馮仁昭




來源: http://hk.apple.nextmedia.com/entertainment/art/20161206/19856050
PermaLink: https://articles.zkiz.com/?id=318529

【馮仁昭四圍超】陳國邦不問自取搞喊女

1 : GS(14)@2017-01-05 08:01:09

羅敏莊前晚喺facebook放咗段片,話老公陳國邦食咗留畀個女陳禛啲車厘子,搞到陳禛嬲豬。片中陳禛摸住爸爸塊面問:「你食咗我啲cherry!」阿邦就好委屈咁話啲車厘子擺喺廚房,唔知係留畀陳禛,所以不知者不罪。羅敏莊噚日同馮仁昭話段片係叫兩父女案件重演,案發時陳禛真係喊晒好唔開心,好在最後老公陪個女跳咗成晚彈床先至?番掂個女。撰文:馮仁昭




來源: http://hk.apple.nextmedia.com/entertainment/art/20170103/19884526
PermaLink: https://articles.zkiz.com/?id=321247

Next Page

ZKIZ Archives @ 2019