中環在線：百變朗廸俄羅斯掘煤 李華華
|
|
朗廸國際（1142）年頭至轉型拓展內地數碼電視，效益有幾大，仲要等埋全年業績出咗先知。不過，公司已經急不及待，上個月宣佈打算開多一瓣新業務，就係走去俄羅斯掘煤。
年頭拓數碼電視
兩 瓣業務可以話係風馬牛不相及，大纜都扯唔埋。擔任朗廸執董年幾、兩個月前做埋代理主席嘅李永生噚日就話，最緊要係公司業務夠多元化，可以分散風險，對股東 嚟講係好事。而朗廸喺俄國買煤礦係由朋友介紹，純屬機緣巧合，就算近排煤價回落咗啲，都冇諗住縮沙。朗廸揸住現金1500萬左右（截至9月底），而搞煤礦 嘅前期使費郁吓都幾千萬上落，但公司似乎好淡定有錢剩咁款。李永生話，等到單刁完成咗之後自有公佈，估計最快下個月會向股東寄發通函，順利嘅話，最快可以 喺出年7月搞掂晒單刁。
|
Next Page