梁安排訪發展局被指博連任
1 :
GS(14)@2016-05-21 13:00:34【本報訊】虎視下屆特首的梁振英，趁掌管港澳事務的張德江來港機會，昨日即安排張到政府總部視察發展局工作。連同盛傳張今日參觀科學園了解創新科技，梁安排的參觀項目差不多全是他親信主理的政策，有議員批評梁想在張面前自吹自擂博連任，質疑梁何不帶張參觀劏房。
李卓人：點解唔睇劏房？
張德江來港首天，梁振英便和「梁粉」陳茂波帶張在下午視察發展局，又發新聞稿及相片公開行程。政府新聞稿稱，張德江聽取陳介紹整體土地供應、大嶼山發展藍圖等工作，並與在場前線公務員交談。新聞片中，陳茂波向張德江交代香港最新建設情況，聲稱土地供應增加，建屋量又創新高；又稱部份郊野土地發展因有環保界朋友有意見而受阻。盛傳張今日會到另一「梁粉基地」科學園，預料梁將偕同另一親信、創科局長楊偉雄陪同張參觀，工黨立法會議員李卓人批評梁帶張參觀發展局，明顯是要帶張到其「地頭」自吹自擂，圖博取連任：「點解梁振英唔帶張德江去睇劏房？佢（梁振英）點解唔話畀張德江聽，輪候公屋由佢上任等3年，變成而家等4年？佢明顯騎劫張德江，令佢根本睇唔到真實嘅情況，搞到佢迷迷糊糊，欺下瞞上。」■記者姚國雄
來源:
http://hk.apple.nextmedia.com/news/art/20160518/19616592
不屑被指博宣傳再過招 康仔等鄭紹康律師信
1 :
GS(14)@2016-09-13 08:04:24■大前晚出席活動的鄭紹康，曾祝蘇永康新劇收視高開。
蘇永康與「天下第一關」鄭紹康的恩怨情仇，始於徐濠縈私人Instagram流出陳子聰病癒消瘦的相片，康仔上周五出席活動指鄭紹康與照片外洩有關，再爆兩年多前被對方以3,000元「侮辱價」邀出活動，越講越火滾。康仔前晚與Super Girls等人，出席新城為C AllStar舉行的「唱好C AllLove Concert」，對於不少人都似乎受過鄭紹康的氣，他表明不便回應，但他說：「曹操都有知心友，關公都有對頭人，我呢啲曹操都有知心友，何況佢係『天下第一關』，關公嚟㗎嘛，實有人支持嘅，有冇後續就要睇鄭生喇。」昨日康仔再接受本報電話訪問，他說：「今早律師問我收到鄭先生律師信未？我未收到，我亦打咗畀經理人公司，都話冇收到，我唔知鄭生係咪採取法律行動，唔緊要，等佢啦！」
■蘇永康（中）前晚出席C AllStar在灣仔舉行的音樂會任嘉賓。
■Super Girls與C AllStar四子上演「九男女」同床。
揚言朋友多
至於鄭紹康祝他新劇收視高開，暗示他借事件博宣傳，康仔不屑話：「我諗咁樣睇法，首先呢部劇喺無綫播，主角係吳啟華、宣萱、陶大宇，我係二打六演員啫，坦白講小弟真係要宣傳㗎，我喺圈裏面冇乜嘢多，人緣唔錯朋友好多，如果我真係要宣傳，吹雞就會好多人幫我，點都唔需要勞駕『天下第一關』鄭生幫我做呢件事。」問到鄭紹康是否稱得上「天下第一關」？康仔謂：「咁打得大家姐（何超瓊）工，做得CEO，雖然我唔認同佢嘅方式，但喺呢個行業咁耐始終有原因，係咪『天下第一關』見仁見智，我諗媒體朋友比我更清晰。」採訪：王連連、皓騫攝影：沈健程
來源:
http://hk.apple.nextmedia.com/entertainment/art/20160913/19768752