ZKIZ Archives


尋找Nike影子股 拉利Larry的投資日記

http://stock-challenge.blogspot.com/2009/12/nike.html

「Just Do It」、「Impossible is Nothing」呢啲宣傳口號,相信大家都見慣見熟。唔少大學生都係Nike嘅「粉絲」,而我就係Nike Air Force系列嘅忠實擁躉,咁多年買完一對又一對。講起Nike呢個牌子,大把人比我在行;但講起生產模式,可能就有好多人唔係咁清楚啦。

唔 講唔知,貴為全球運動產品商「一哥」嘅Nike,原來一間生產工廠都冇,亦幾乎冇一間舖頭,但係就可以每年創造到高達180億美元嘅銷售額。Nike主力 係放喺產品研發同埋設計上面,其他生產程序全部外判,生產商主要集中喺內地、越南、馬來西亞及泰國,呢四個國家分別生產Nike鞋類產品的36%、 33%、21%及9%。而服裝生產商就有34間,主要亦都係集中喺發展中國家。最勁係佢連分銷都外判埋,基本上只有1%店舖係自己經營。

Nike呢種經營模式可以大幅減省成本,因為公司唔使負擔生產效率、存貨、零售管理等業務,於是公司團隊就可以專注於宣傳同埋品牌發展上。

中國動向拓網民市場

喺 香港上市嘅體育用品股中,中國動向(03818)同Nike嘅經營模式都好類似。中國動向擁有Kappa嘅內地特許使用權,但淨係集中喺產品研發同埋品牌 管理上,其他範疇全部外判。不過Kappa嘅定位,其實比Nike更加靈活,因為運動衫都有分專業同埋潮流兩種,Nike行專業路線,而Kappa就專注 潮流路線。據講,公司自九月開始仲同淘寶網合作,將營銷渠道拓展到年輕嘅網民,認真有計! 中國動向手持現金高達69億元,來年訂貨增長理想,又「食正」內需概念,「錢」景唔錯。


 
PermaLink: https://articles.zkiz.com/?id=13533

企業生命周期搵潛力股 拉利Larry的投資日記

http://stock-challenge.blogspot.com/2010/01/blog-post_09.html

相信讀過經濟學嘅朋友都應該記得咩嘢係商業周期(Business Cycle),意思係話一般經濟都會依循擴張、頂峰、收縮、低谷等循環去運行,而每個周期內嘅經濟情況及活動都會唔同。最近,我就睇咗一本類似嘅書,內容 係講述企業生命周期,佢指出每個行業、每種生意及產品與人嘅壽命一樣,都係具有生命周期,一般可以簡單分為(1)初始發展、(2)高速增長、(3)成熟穩 定、(4)老化式微共四個階段。

如果將有關理論套用於投資上,我哋會發現一啲位於初始發展階段嘅公司都係較少人留意或者業績較差,原因好可能係佢哋需要投放大量金錢去投資新技術或者開發 市場,市場給予這些公司嘅估值都會較低。但一旦這些公司踏入高速增長階段,佢哋嘅業績就會快速改善,財務數據亦會持續向好,市場給予這些公司嘅估值都會較 高。

隨着這些公司再進一步發展,佢哋會慢慢步入成熟穩定階段,佢哋嘅增長會放慢或與經濟發展同步,但係由於佢哋現金流充足及派息穩定,市場給予這些公司嘅估值 一般與整體大市同步。最後,當公司從成熟穩定階段步入老化式微階段,即係所謂變成夕陽工業,佢哋嘅業績便會開始倒退,財務數據亦會持續惡化,市場所給予這 類公司嘅估值一般會較低。

步入高增長 回報爆升

投資者要從企業生命周期去找出商機,最好係專門搵一啲即將由初始發展步入高速增長階段兼且擁有巨大潛力嘅公司,投資於這類公司嘅風險唔高,但回報卻可能係 數以百倍,真可謂「一本萬利」! 近年嚟,最佳嘅例子就係騰訊,騰訊憑着社交軟件QQ及網絡遊戲迅速走紅,股價從上市至今上升超過四十倍。
想搵下一間騰訊?咁就要考考大家眼光啦,不過最重要都係多啲留意新聞及觀察身邊事物。

何謂法定貨幣?

法定貨幣(Legal Tender)即是該國或地區必須接受的貨幣,人民幣在香港雖然很普遍,但絕對不是法定貨幣,商戶等不一定接受港元以外的貨幣。
洪龍荃

PermaLink: https://articles.zkiz.com/?id=13819

價值投資易學難精 拉利Larry的投資日記


http://stock-challenge.blogspot.com/2010/01/blog-post_23.html


記得自己開始學投資嗰陣,叔叔畀我睇嘅第一本書就係有關股神巴菲特嘅投資心法,嗰時我初步接觸到「價值投資」。其後,隨着年紀長大,我再慢慢接觸被廣大人 士喻為投資界「聖經」嘅《證券分析》,雖然本書都幾厚,加上啲資料數據已經過時,但仍然非常值得投資者再三閱讀,因為佢可以幫你更深入去思考到「價值投 資」的精髓。

《證券分析》作者格拉罕( Ben Graham)被喻為價值投資之父,佢事業處於高峰嘅時候正值美國大蕭條時期,當時經濟非常疲弱,處於通縮年代。佢當時提出投資者應該找尋股價對帳面值存 在折讓嘅投資,如果喺市場上面搵到一家公司零負債、而股價仲低過淨流動資產(流動資產減總負債),咁呢家公司就九成買得過,而最後剩低嘅一成就係要睇埋管 理層誠信及能力。

巴菲特信奉 揀高增長股

至於佢徒弟巴菲特嘅諗法就有啲唔同啦,巴菲特主張投資者要先篩選上市超過五年、市盈率在二十倍以下、有穩定派息同埋業務能持續增長嘅公司,然後再從中選擇股本回報率及營業額增長率最高嘅股份。

一直以來,我都覺得「價值投資」係易學難精,對於佢表面上嘅定義,人們都清楚係要找尋股價相對於估值存在折讓嘅投資,但實際上點樣去釐定、點樣去訂立選擇 準則等因素先至係重點所在。估值係一門藝術,唔同嘅價值投資者都應該有個人嘅一套估值標準。以我為例,我傾向對股本回報率高及負債率低嘅公司入手,然後再 從中分析個別公司的行業、競爭能力、營運策略等,從而找出合適的投資對象。

最後,我想提醒各位有心成為「價值投資者」的朋友,尋找「真正」價值被低估嘅公司絕對唔係易事,請勿咁易相信市場會經常走漏眼,得你一個人獨具慧眼,好多 時候公司股價長期偏低必然存在某些問題,因此除非你已經完全搞清楚公司嘅情況,否則唔好隨便認為「I am right! Market is wrong!」

PermaLink: https://articles.zkiz.com/?id=13954

專攻龍頭股贏面高 拉利Larry的投資日記


http://stock-challenge.blogspot.com/2010/01/blog-post_30.html


投資市場內,股票數目有如恒河沙數,好多初學投資嘅朋友都想知道應該點樣去挑選適合嘅投資。一般而言,我都會建議大家採用由上而下(Top Down Approach)嘅方法,即係先選擇地區,然後選擇行業,只要行業有前景,先值得我哋再花工夫去收窄範圍,集中火力研究當中嘅龍頭企業。而選擇嘅行業最 好先集中喺一啲較為多人熟悉及熱門嘅行業,因為相關嘅公司會提供較全面嘅市場資訊,初學者亦會較容易掌握。

女士愛化妝 莎莎需求穩

仲記得當年自己開始學投資嘅時候,叔叔第一份畀我做嘅功課就係研究本地零售股嘅投資價值,主要係因為行業性質較為簡單,亦都唔難做實地考察。

當時,香港嘅經濟先開始响沙士嘅黑暗歲月恢復過來,經過我實地考察之後,我發現市面上大部分零售股嘅生意都一般,唯獨係賣化妝品嘅莎莎(00178)表現 異常突出,每次我經過莎莎店舖,總係發現入面有眾多女士喺度選購化妝品,而且好大部分係從內地過來。經過一輪明查暗訪之後,我發現化妝品零售股絕對值得深 入研究,首先化妝品銷售相對穩定,因為女士們無論身處於任何經濟環境內,都會願意使錢去保養或修飾「花容月貌」,宏觀因素影響度較低;另外,佢哋能受惠內 地開放個人遊,不少內地同胞都鍾意喺香港買化妝品,主要原因係覺得貨真價實有保證。

當我了解完公司嘅舖位地點、產品定價、目標顧客、員工服務態度等有用資料後,我再喺年報之中找出一啲有用數據,譬如工資及舖租佔經營成本嘅份額、存貨周轉 日數、同店銷售表現,以了解公司的成本結構、貨物輪轉速度及同一店舖在不同時期嘅營業額表現,最後先向叔叔正式發表「買入」建議。

或者你睇到呢度,會覺得要成功分析零售股嘅價值都唔係一件易事。我只可以講喺投資世界裏面,分析方法絕對需要經過時間去磨練,正所謂「力不到不為財」嘛。

PermaLink: https://articles.zkiz.com/?id=14032

細睇報表 透視企業營運 拉利Larry的投資日記


http://stock-challenge.blogspot.com/2010/02/blog-post_14.html


今時今日買賣股票,真係唔可以單單睇市盈率、每股盈利、息率幾個數據。世間上有啲公司嘅帳目糊裏糊塗,投資者睇少一眼都隨時「中招」。所以要成為精明嘅投 資者,我哋一定唔可以放過公司嘅帳目。喺上市公司嘅年報之中,公司嘅帳目(包括附註)一般都最少佔五成篇幅以上。而每家公司嘅帳目都會分別以三份財務報表 去表達,即係損益表、資產負債表及現金流量表。每個報表都有一定嘅作用,投資者要用「金睛火眼」去研讀,先可以對企業嘅業務及財務狀況有一個較為全面嘅了 解。

三大報表各有功用

有投資前輩講過:「公司就好似一個三角形立體金字塔,由三個『平面』組成,如果淨係睇一個表嘅話,你等於只係睇到企業嘅一個平面,因此投資者必須從三個角度去睇三個平面,先可以睇到企業嘅全貌。」

大家唔需要太驚呢三個報表,我覺得大家只要識得加減乘除,加埋些少鍛煉,就可以輕輕鬆鬆KO盤數。簡單而言,如果我哋想知公司賺唔賺到錢,我哋應該睇損益 表。「損」就是指「虧損」、「益」就是指「賺錢」;通常公司一年的營業額都喺損益表嘅頂部,所以叫做top line,同最低一行嘅全年純利嘅bottomline相對稱。其次,如果我哋想知公司到底有幾多資產及負債,我哋就應該睇資產負債表。至於最後要睇嘅就 係現金流量報表,分別從營業活動,投資活動和融資活動三個角度去窺探公司嘅現金流動狀況。

投資新手除咗要學分析唔同行業嘅基本方法與考慮因素外,更加需要了解基本嘅會計語言,否則就好容易被「化妝高手」蒙騙。新年就到,我預祝大家虎年行大運!心想事成!身體健康!

PermaLink: https://articles.zkiz.com/?id=14266

搭的士尋找投資機會 拉利Larry 的投資日記

  http://stock-challenge.blogspot.com/2010/03/blog-post_28.html

以往去旅行,大都會同屋企人選擇跟旅行團,最主要原因係貪方便。人大咗多咗機會同「老友」去旅行,話晒大家都係後生仔,一般都會選擇「自由行」,因為自由 度大之餘,仲可以體驗當地嘅風土人情。

我經常話:「投資機會總係响我哋身邊,關鍵係視乎我哋有冇細心留意同埋發掘。」對於投資者而言,「自由行」絕對可以幫到你發掘唔少良機。好多時候,我哋身 處外地,少不免都會搭「的士」travel吓,的士司機絕對係一個好好嘅訪問對象。一方面佢哋揸車經常周圍去,對整個城市發展情況會有概括了解;另一方 面,佢哋會經常接載唔同嘅乘客,當中好有可能不乏商人、投資者等,佢哋有機會預先知道未來城市嘅發展情況。

三農概念有迹可尋

眾所周知,依家中央政府嘅財政及經濟政策向「三農」大幅度傾斜,好多同「三農」有關嘅農業及家用電器公司股價及盈利都大幅上升。過往,農村嘅經濟狀況遠比 城市差,大量農民紛紛選擇移居城市,尋求更好嘅發展機會。不過,時移勢易,响中央政府協調下,農民嘅經濟狀況已有改善。呢段時間,我哋都唔難聽到以下消 息,珠三角地區工廠極難招請外省民工,請一個普通工人好可能最少要1,800元人民幣,但依然仲請唔到人,因為不少農民現時在農村都可能每月賺到大約 2,000元人民幣,根本唔需要出城市打工。其實農村經濟起飛嘅消息,我舊年到內地旅行嘅時候已經由一位司機大哥口中聽過,只不過嗰陣時聽完冇咗件事,如 果唔係就可以快人一步投資有關「三農」嘅股票啦。

投資機會係可以透過不同方面發掘,但請記得做任何投資決定前都要先收集資料,再作多方面了解,切忌盲目盡信任何一方意見。

誰是Uncle Sam?

美國國會在一九六一年認定Uncle Sam(山姆叔叔)為美國民族象徵,現在多指美國政府,常見於外國財經報道。Uncle Sam為軍隊的肉類供應商,第二次世界大戰時,以Uncle Sam的造型製作呼召士兵的海報,令他的形象廣泛流傳。



PermaLink: https://articles.zkiz.com/?id=14898

論投資泡沫 拉利Larry 的投資日記


http://stock-challenge.blogspot.com/2010/04/blog-post.html


投資市場總係充斥着各式各樣嘅「泡沫」,而每次泡沫出現嘅時候都會伴隨住唔同嘅投資主題出現,古代嘅有鬱金香狂熱,較近期嘅有科網泡沫、美國房地產市場泡 沫。

我相信唔少投資者一聽到「泡沫」兩個字都會感到擔心,擔心當泡沫爆破嘅時候會損失慘重。但係作為一個理性嘅投資者,我地應該要明白泡沫嘅存在係必然嘅事, 畢竟在投資世界裡,資產價格很少情況是處於均衡(Equilibrium)狀態,更多的情況不是偏高、就是偏低。因此,即使市場有泡沫跡象,投資者並唔需 要急於離場,反而我地可以選擇趁泡沫開始出現時買入股票,等待泡沫成熟嘅時候就賣出、甚至沽空股票,理性地利用泡沫獲利。

不過,以上享受泡沫嘅過程,並成功從中獲利嘅投資難度極高,尤其是沽空股票嘅做法。這是因為嘗試估頂可以是一件極度危險嘅事,如果太早調轉頭沽空股票的 話,投資很可能在泡沫爆破前都已經不復生存。而且,投資者亦唔好期望自己能夠把握泡沫爆破前嘅最高點賣出股票,這係因為投資市場參與者眾多,我地極難估計 到其他人的心理及行為。我認為要想在泡沫中成功全身而退,除左要擁有理性嘅思考外,最關鍵嘅心理因素係「知足」,千祈唔好幻想要成功賺取股市入面嘅每分每 毫。就以2007年「港股直通車」泡沫為例,有部分投資者响港股急速由23,000點升至32,000點期間已經察覺到有問題存在,並沽出股票;惟當股市 繼續上升時,佢地一時抵受唔到誘惑,重新把資金再次投入股市,導致最後得不償失、損失慘重。

投資大師索羅斯曾經講過:「你可以很早便看到泡沫存在,但不能預測泡沫能持續多久。」我相信唯有擁有理性思考、知足心態及經驗,方能利用泡沫賺取財富。

PermaLink: https://articles.zkiz.com/?id=15052

退休安心 勿單靠積金 拉利Larry 的投資日記


http://stock-challenge.blogspot.com/2010/04/blog-post_11.html


記得升讀中一嗰年,媽媽正式由家庭主婦轉番做職業女性,主要因為佢覺得我開始識得照顧自己。不經不覺,媽媽返工已有十年,到我今年大學畢業,我可以為家庭 肩負多一份責任,供養父母,媽媽決定正式開展退休生活,享受人生。

相信每一位打工仔都有諗過退休問題,即使身邊未畢業嘅同學仔都會經常提起退休,始終現代人講求生活質素,無人想打工打成世,反而想早些退休,更多時間做自 己想做嘅事。不過,要妥善安排退休絕非容易,因為物價一般會隨時間上升,加上未來難以猜測,譬如金融危機、個人健康問題等等,大家難免都會擔心手上擁有嘅 資金是否足夠將來使用。

其實社會上嘅退休計劃都缺乏周詳資訊,好多時淨係粗略估計個退休年齡,而從來冇諗過自己要擁有幾多資產才可以「安全」退休,到最後佢哋會因為缺乏計劃而工 作到退休年齡,都唔敢真正退落嚟。

管理費蠶食回報

讀者朋友可能會話:「香港現時有強積金嘛!市民可以唔使擔心退休之後無錢使!」我覺得政府強積金計劃,出發點絕對是為市民着想。不過,實際情況係強積金對 市民嘅幫助極為有限。當我哋仔細研究強積金嘅投資組合時,你會突然發現每年收管理費用的投資經理,買入股票都係大家耳熟能詳嘅藍籌股,結果係強積金投資回 報喺扣除費用後大縮水,計劃並唔能夠幫到供款者為資產產生豐厚回報。因此退休計劃宜包括其它投資類型。

PermaLink: https://articles.zkiz.com/?id=15053

年輕人不要為面子買樓 拉利Larry 的投資日記


http://stock-challenge.blogspot.com/2010/04/blog-post_1058.html


身邊不少師兄、師姐早已畢業,他們一般已有穩定的工作,願望就是盡快買樓。尤其是男仔,好多師兄都覺得如果自己買到間樓,可以顯示為擁有一定的經濟實力, 讓女朋友或者他們家人均顯得有「Face」,求婚都會變相容易一點。況且,倘若計畫結婚的話,遲早都會想有自己的安樂窩,所以點都會想買左樓先。


但是,如果想有自己的安樂窩,並不代表一定要買樓做業主,租樓也未嘗不是一個好選擇。我一直認為,買樓絕對是一般人最好的投資方法之一,但是買樓跟買股票 一樣,除左受本身投資項目的質素影響外,時機也是非常重要的考慮因素。如果你碰巧在高位買樓,跟在股市高位摸頂買股毫無分別,好彩的話都起碼等3、5年先 回到買入價,不好彩的話可能等足10年都見不到「家鄉」。我依稀記得97年時,嘉湖山莊賣到5千多元一呎,到了今天2010年,樓價距離當時高位依然有5 成,當日於高位買樓的投資者真的欲哭無淚。因此,年輕人絕對不應該單憑「Face」、結婚等考慮而盲目不理市場環境去買樓。

不過,如果一般長輩如果聽到你選擇租樓而不買樓,他們通常第一個反應都是:「吓? 傻仔,租樓係等於幫人供樓,梗係買樓好過供樓啦!」實際上,他們這樣說也不無道理,倘若如果你選擇長租一世,租樓的確不化算,因為你30年不選擇買樓,你 所付出的租金應該差不多等同一間樓。但是,如果你只是選擇短租3年左右,租樓又可能有「著數」,因為如果樓市跟股市一樣,都存在着周期性,假如現時價格太 高,不妨等多一等,將買樓的時間放長一點,耐心等待調整才買。

總的來說,我並不是阻止各位年輕朋友上車置業,我只是希望提出買樓也是一種投資,耐心是投資市場裡最重要的東西,千萬不要盲目地入市。不過,如果你真是堅 決要先買樓、後結婚,不妨先選擇買入一些較為平價的二手樓,因為現時差不多全部新樓均「豪宅化」,元朗新盤都要賣到成7、8千元一呎,千萬不要因為一個 「新」字而買貴貨。

PermaLink: https://articles.zkiz.com/?id=15244

違背市場 愈溝愈淡 拉利Larry 的投資日記


http://stock-challenge.blogspot.com/2010/06/blog-post_27.html


相信不少投資者曾遇上以下情況:當買入某一股票後,股價持續下滑,這時候大部分投資者,尤其是信奉價值投資法的,均可能會想:「市場應該是錯的,這間公司 的基本因素對辦,完全看不出問題,現在只是市場看不清公司的價值。我應該繼續持有,甚至應該繼續買進,等待市場有一天醒過來,重新為公司估值。」

這想法或會帶給你極大的風險。因為市場很少出錯,市場的參與者眾多,尤其是基金公司、投資銀行等擁有極多分析員,一般而言,他們對單一公司的研究較普通投 資者深入及詳細,而且他們掌握的消息也較新及較多,普通投資者很可能是未看清公司的全貌,如果盲目堅持自己的看法,風險將大大增加。

走勢遜同業響警號

當然我並不是指市場永遠是對的,而是希望指出市場出錯的機會是較個人為低。因此,我會建議投資者不要一次性投入所有資金、也不要盲目地相信市場是錯的而不 斷「溝淡」。請緊記:愈跌愈買並不是明智之舉,也不是信心的表現,反而更大可能是危機的開端。當你第一次買入後,發現該股的表現並不如你預測般,請你千萬 不要再次入市,也不要隨便「溝淡」。

在此,我希望投資者在買入個別股票後,如果發現股價不斷下瀉,而市場上尚未出現任何壞消息,請你們千萬不要「溝淡」,你現在需要考慮的問題應該是「賣出」 還是「持有」。投資者可以先參考所買入的股票所處之行業,倘若你買入的股票較同業下跌幅度較大,或呈異樣,很可能此股已經出現問題,只是還未顯露出來。

PermaLink: https://articles.zkiz.com/?id=16368

Next Page

ZKIZ Archives @ 2019