|
||||||
|
年中不知幾多公司轉型搞油、煤、金，掘唔掘到嘢呢，好多仲係未知之數，咁若然掘完一輪係無料到，應該點同股東交代呢？不妨參考吓中亞能源（850）嘅做法！ 公 司喺上個禮拜四，宣佈佢哋喺突尼西亞同中國齊齊哈爾嘅鑽探結果，簡單嚟講，突尼西亞嗰邊可以當無事發生過，齊齊哈爾嗰邊就好樂觀，但結論就即係仲未有囉！ 不過，華華勁欣賞佢哋個鄺社源教授嘅做法，即晚寫滿一張A4紙，以個人名義向佢班粉絲解畫，講解突尼西亞第一口井無料到兼要進行封塞同棄置呢單嘢，佢話喺 石油行業打空井係家常便飯，能夠從中學到嘢先係最重要……唔知850同埋其他一眾資源股嘅小股東，接唔接受呢個講法呢？ |
||||||