ZKIZ Archives


關佢家事解開40年父子心結麥包七歲寄人籬下被打捱肚餓

1 : GS(14)@2017-06-26 03:23:45

2017-06-22 NM
麥長青跟江美儀合作主持的節目《關你家事》,個案惹來網民抨擊,成為城中熱話。十五集的節目早已經拍完,身為主持的麥包,原來也有屬於自己的感人故事,在清遠出生的他,被指剋父,嫲嫲要將他送走,多年來父子關係疏離,七歲時寄人籬下被堂叔欺壓捱肚餓。家庭鬱結,最終由老豆入深切治療,昏迷五日後清醒而一筆勾銷。被指剋父

麥包十二歲,父親才由廣州申請他來香港,跟父親一向不親近。事緣他出世時,嫲嫲指他剋父,要將他送走:「阿嫲唔要我,話我會剋死老豆,我老豆到而家都未死,條命不知幾硬。為咗呢件事,佢哋傾咗好耐,俾阿媽打工嘅契娘知道,佢覺得阿媽咁淒涼咁辛苦,將我契俾佢,然後再交番俾阿媽湊大我。我到大個先知呢件事,阿媽好叻,一直冇話我知,如果唔係我會好嬲阿嫲。大個咗,理性強過感性,況且阿嫲都走咗。」麥包說。

昏迷五日醒番

小時候父親在外工作,每月只有十多日留在鄉下的家,有年患病要在廣州留院,母親不放心他獨自留下,安排寄住堂叔家。「食餐飯啫,揸筷子俾人鬧,俾人趕,我咪扮瞓覺,大被冚過頭,連肚餓都忍住,瑟縮喺被竇,又俾人話瞓到黃朝百晏唔起身。試過阿叔一腳踢我,我都唔敢同老豆講,佢到而家都唔知。當時隻腳爛晒生瘡,而家都有疤痕。我有嬲老豆,佢一個月返嚟十幾日,我有一段時間都唔去廣州見佢,不過呢啲係?仔諗法。佢返廣州,多數都係同細佬傾偈,根本唔知細佬點對自己個仔。有時我特登出廣州見老豆,佢都會趕我出去。我記得有一幕,佢落咗閘,我隔住鐵絲網望住佢同阿叔傾偈。佢覺得細佬先係最親。」麥包記得清楚。幾十年後父子關係終於有轉機,麥包竟然用「好好笑」來形容,他說:「有次老豆入咗深切治療五日,一直昏迷不醒,以前拍戲,我會覺得咁樣好老套,點會捉住老豆隻手講一段廢話,我就做咗呢樣嘢,都唔知邊度嚟嘅思考,同佢講『老豆你醒番,我應承唔再嬲阿叔,請佢嚟香港,請佢飲茶。』佢醒番,竟然記得叫我請阿叔飲茶。我輸咗。不過,原來已經釋懷。」他說。

無對與錯

這些年,父子關係修好,麥包會帶老人家去旅行,據麥包形容,老人家依舊盟塞,亦會發老婆脾氣,明知道不妥當但又改唔到,他說:「老人家固執,佢改唔到,如果我又係咁?佢,咪又係固執變埋老人家。」事過境遷,今年四十九歲的麥包,已經是一對仔女的父親,同樣是兒子和父親角色。他說:「做完《關你家事》,發覺冇邊個啱定錯,老豆、阿媽、老婆、仔女都有自己嘅角度,一家人最緊要係互相包容、妥協、接納、支持同鼓勵。試過我對老豆囉唆,啲仔女就會出聲,叫我唔好,如果唔係就唔睬我。佢哋好錫阿爺同長輩,我自細教佢哋要識尊卑有序。有時個女會出口勸阿爺唔好咁,幫我講埋一份。」

撰文、攝影、攝錄:娛樂組場地提供:百德新街El Born
PermaLink: https://articles.zkiz.com/?id=337059

關佢家事解開40年父子心結麥包七歲寄人籬下被打捱肚餓

1 : GS(14)@2017-06-26 03:23:45

2017-06-22 NM
麥長青跟江美儀合作主持的節目《關你家事》,個案惹來網民抨擊,成為城中熱話。十五集的節目早已經拍完,身為主持的麥包,原來也有屬於自己的感人故事,在清遠出生的他,被指剋父,嫲嫲要將他送走,多年來父子關係疏離,七歲時寄人籬下被堂叔欺壓捱肚餓。家庭鬱結,最終由老豆入深切治療,昏迷五日後清醒而一筆勾銷。被指剋父

麥包十二歲,父親才由廣州申請他來香港,跟父親一向不親近。事緣他出世時,嫲嫲指他剋父,要將他送走:「阿嫲唔要我,話我會剋死老豆,我老豆到而家都未死,條命不知幾硬。為咗呢件事,佢哋傾咗好耐,俾阿媽打工嘅契娘知道,佢覺得阿媽咁淒涼咁辛苦,將我契俾佢,然後再交番俾阿媽湊大我。我到大個先知呢件事,阿媽好叻,一直冇話我知,如果唔係我會好嬲阿嫲。大個咗,理性強過感性,況且阿嫲都走咗。」麥包說。

昏迷五日醒番

小時候父親在外工作,每月只有十多日留在鄉下的家,有年患病要在廣州留院,母親不放心他獨自留下,安排寄住堂叔家。「食餐飯啫,揸筷子俾人鬧,俾人趕,我咪扮瞓覺,大被冚過頭,連肚餓都忍住,瑟縮喺被竇,又俾人話瞓到黃朝百晏唔起身。試過阿叔一腳踢我,我都唔敢同老豆講,佢到而家都唔知。當時隻腳爛晒生瘡,而家都有疤痕。我有嬲老豆,佢一個月返嚟十幾日,我有一段時間都唔去廣州見佢,不過呢啲係?仔諗法。佢返廣州,多數都係同細佬傾偈,根本唔知細佬點對自己個仔。有時我特登出廣州見老豆,佢都會趕我出去。我記得有一幕,佢落咗閘,我隔住鐵絲網望住佢同阿叔傾偈。佢覺得細佬先係最親。」麥包記得清楚。幾十年後父子關係終於有轉機,麥包竟然用「好好笑」來形容,他說:「有次老豆入咗深切治療五日,一直昏迷不醒,以前拍戲,我會覺得咁樣好老套,點會捉住老豆隻手講一段廢話,我就做咗呢樣嘢,都唔知邊度嚟嘅思考,同佢講『老豆你醒番,我應承唔再嬲阿叔,請佢嚟香港,請佢飲茶。』佢醒番,竟然記得叫我請阿叔飲茶。我輸咗。不過,原來已經釋懷。」他說。

無對與錯

這些年,父子關係修好,麥包會帶老人家去旅行,據麥包形容,老人家依舊盟塞,亦會發老婆脾氣,明知道不妥當但又改唔到,他說:「老人家固執,佢改唔到,如果我又係咁?佢,咪又係固執變埋老人家。」事過境遷,今年四十九歲的麥包,已經是一對仔女的父親,同樣是兒子和父親角色。他說:「做完《關你家事》,發覺冇邊個啱定錯,老豆、阿媽、老婆、仔女都有自己嘅角度,一家人最緊要係互相包容、妥協、接納、支持同鼓勵。試過我對老豆囉唆,啲仔女就會出聲,叫我唔好,如果唔係就唔睬我。佢哋好錫阿爺同長輩,我自細教佢哋要識尊卑有序。有時個女會出口勸阿爺唔好咁,幫我講埋一份。」

撰文、攝影、攝錄:娛樂組場地提供:百德新街El Born
PermaLink: https://articles.zkiz.com/?id=337060

【動畫】4歲妹俾哥哥困狗籠風吹雨打捱足3粒鐘

1 : GS(14)@2017-08-04 06:11:41

「爸爸,快救救我……」雙颱風日前吹襲上海,帶來7級大風,虹橋鎮的李大伯到栗米田計算颱風帶來的損失時,隱約聽到有一名年約4歲女孩的微弱求救聲。他循着聲音察看,竟發現一名3、4歲女童關在狗籠裏。由於颱風天剛刮大雨,女童全身濕透、顫抖得縮作一團,聲音都哭啞了。事發於周日(上月30日)下午4時許,李大伯趕緊打開狗籠,將女童救出並致電報警。警察趕至將女童帶返派出所,倒了熱水給她暖暖身,又安排女警為其換衣服。5時40分左右,女童終於開口說,只要將她送到狗籠附近,就認得回家的路。警察帶她到食堂吃完晚飯後,就將女童帶到狗籠附近地點。按照女童的指路,終於順利找到她的家。此時,女童的父親正在家中,但他竟一點也不知道女兒下午的遭遇,他還以為孩子在其嫲嫲的家中。父親跟女童的嫲嫲聯絡過後,才知道當日下午1時許,5歲的哥哥帶着4歲的妹妹到嫲嫲家中玩耍。路上,不知妹妹怎麼惹怒了哥哥,他竟將妹妹哄進狗籠,綁上門,自己獨自去嫲嫲家了。到了嫲嫲家,哥哥馬上玩得忘形,完全忘記妹妹還被他關在狗籠裏。而嫲嫲以為孫女還在自己家中。就這樣,小女孩在狗籠裏呆了3個多小時。《都市快報》




來源: http://hk.apple.nextmedia.com/international/art/20170803/20110446
PermaLink: https://articles.zkiz.com/?id=339526

Next Page

ZKIZ Archives @ 2019