沙膽虹手記：臨尾才大升 沙膽虹
1 :
GS(14)@2013-04-13 17:22:41http://hk.apple.nextmedia.com/news/art/20130412/18225265
沙膽虹兩年半前買了個月供基金，主要投資H股，起碼要投資十年才可免罰手續費提錢。上周負責sales致電，相約見面，表示該基金過去兩年半表現麻麻，整體貶值一成，游說沙膽虹轉去一些表現較好的基金。沙膽虹當然搖頭，sales非常好奇問點解。其實道理很簡單。沙膽虹投資H股基金，當然是長線睇好H股表現，而這基金供款十年流流長，沙膽虹不但唔希望它咁快升，反而希望它跌，以每月定額供款計，它越跌得多，買入的數量就越多，只要它在八、九年後供到八八九九時才大升，豈不斬獲更豐？
很多人去購物都想買平嘢，但投資就想它升快些！若然已經買齊貨，就當然希望它升，但好像月供基金或供強積金等長線投資，最理想反而是供款時先跌，臨尾才大升！
沙膽虹