📖 ZKIZ Archives

朱慧珊生日亞視團聚

1 : GS(14)@2016-03-14 01:43:55

亞視前一姐朱慧珊上星期一50歲牛一，亞視前高層、王祖藍舅父冼偉智則上周三生日，壽星仔當晚於卡拉OK開P慶祝，廣邀亞視舊員工到來狂歡，變成亞視聚會兼三月星辰，葉家寶、張家瑩和蔡國威等都畀面出席，珊姐同時獲送上驚喜蛋糕。


■亞視前員工各散東西，上星期難得聚首開P。


問到珊姐的生日願望？她昨在電話中說：「身體健康，今年除咗個人願望，好希望亞視員工早日攞番佢哋應得人工、遣散費，大家事事順利。」珊姐表示當晚非常開心，她續說：「嗰晚大家去咗卡拉OK玩，我好耐冇去，當晚唱最多係我同張家瑩，大家都掛住食嘢。我喺亞視咁多年，唔係話結業先大家出嚟，我哋間中都出嚟聚吓，亞視人情味最濃。」採訪：楊定





來源: http://hk.apple.nextmedia.com/entertainment/art/20160313/19527265
PermaLink: https://articles.zkiz.com/?id=297818

爆娛圈潛規則36D伍慧珊坦承被問價

1 : GS(14)@2016-08-17 08:01:29

唔係要一竹篙打沉一船人，但娛樂圈中可以以「潛規則」上位（你懂的）嘅傳聞的確不時都聽到。「規則」係存在，但係咪要陪老細食飯出遊甚至過夜……係個人選擇。好似喺大台做足16年綠葉、現年38歲嘅伍慧珊咁，多年嚟好多時都係喺古裝劇中演「妹仔」，但昨日有周刊報道，話佢入行21年嚟，的確有「中間人」向佢「問價」，或者係暗示不道德交易，去換取工作機會，不過，「有料」嘅伍慧珊就話自己守身如玉，點都唔會走上呢條「捷徑」，仲話自己應付呢種問價題目應到煩，更諗到「絕世好橋」——求其講個天價去回應，人哋就唔會揀中佢。伍慧珊喺周刊訪問中，亦坦承其實好多「中間人」都係佢身邊嘅人，但好好彩冇人強迫佢，佢又話喺飯局中會被人問三圍同戴bra嘅cup數咁。伍慧珊雖然唔出名，但個樣點都熟口熟面，佢喺4年前決心離開大台，過檔港視拍過《警界線》等劇，曝光率同知名度高咗，令佢可以返內地登台搵真銀，而佢上個月更因為喺新片《幼兒怨》嘅開鏡中，以一襲透視裙嘅打扮，成功以36D搶走「露慣露熟」嘅36G崔碧珈焦點。




來源: http://hk.apple.nextmedia.com/entertainment/art/20160817/19739838
PermaLink: https://articles.zkiz.com/?id=306249
Next Page
ZKIZ Archives @ 2019