工程師變動畫師王灝愛睇《中華英雄》
1 :
GS(14)@2016-01-24 17:08:14創作《恐龍大時代》的其中一位彼思動畫師，是來自香港的王灝（Anthony）。Anthony日前接受本報電話訪問，他表示8、90年代去美國後，過了很典型的移民生活。他說：「做咗企枱（侍應）5年，讀完工程學院後入讀加州美術學院。本來我想讀一年了結心願，然後再出來做工程師，不過一入讀美術學院後，就對整個動畫美術完全改觀了。」問Anthony當初為何揀讀工程，他說：「當年與很多香港人一樣，個個都會修讀工程。反而去到美術學院就冇香港人，嗰時得我一個同埋一個台灣同學。」生於香港的他，對香港本土漫畫很有興趣：「我細個時鍾意睇好多香港漫畫如《龍虎門》、《老夫子》，講到忠實粉絲就係《中華英雄》，有一部片睇完對我影響好大嘅就係《星球大戰》（Star Wars）。」
■動畫中出現的恐龍及靚景，製作人員事前花了不少時間研究。
喬布斯理念還在
Anthony亦盛讚彼思：「老實講，彼思係我做過最好嘅一間公司，好似去咗學校咁，有好多培養計劃，我每一年都喺度成長。如果遇到問題，好容易搵到人問，有好多好專業、厲害嘅人。」Anthony透露已故老細喬布斯（Steve Jobs）的理念還在：「佢想成立一間公司令到員工可以成長，我哋有個部門叫彼思大學，公餘可以去學油畫、肢體語言、分析電影，我好希望呢個模式將來可以喺香港實現，有一個屬於動畫人嘅公司。」最令Anthony印象深刻的有兩個作品，分別是第一套參與的彼思作品《反斗車王》（Cars），及入迪士尼第一部參與的作品《鐘樓駝俠》（The Hunchback of Notre Dame），他最近正忙於創作《海底奇兵》續集《Finding Dory》，負責畫海底生物。
■Anthony大讚彼思工作氣氛，同事肯交流意見。
四腳動物最難創作
動畫師Anthony於《恐龍大時代》負責令恐龍郁動，設計動作之前，Anthony表示要做很多研究工作，特別是物理上重量感，尤其是恐龍頸部、尾巴怎樣擺動。另外由於恐龍冇手，全部都靠臉部表情表達感情。他指最難做的是四腳動物，以前都有試過創作馬匹，但今次第一次以四腳動物做主角。製作人員還根據迷惑龍的資料，把主角阿勞的真實尺寸圖樣打印出來，以感受牠的巨大感。在製作人員的設定下，阿勞身高18呎重6噸，他的爸爸更高達46呎，比彼思總部的主樓還要高。另外，製作人員更親赴美國西北部實地考察，騎馬走遍懷俄明州，親身經歷故事中的歷險和迷失之旅，體會大自然美麗與危險並存。
來源:
http://hk.apple.nextmedia.com/entertainment/art/20160124/19464354