ZKIZ Archives

郭思琳扮美人魚忘是非

1 : GS(14)@2016-05-08 01:44:11

芳齡29歲、模特兒出身的郭思琳最近在ViuTV的《G-1格鬥會》表現出色，以瘦削身形打贏比她重30磅的龍小菌，但被唐紫睿（Hazel）爆她打MMA時出陰招，指她抓臉扯髮很冇品。事後思琳表示與Hazel談得來，不明對方為何這樣說。近日思琳希望遠離是非地，她在Instagram透露與朋友去菲律賓的長灘島旅行。思琳去到陽光與海灘，換上比堅尼大騷修長美腿兼32B健美胸，她還貪玩扮美人魚，並留言：「為朋友我可以去到幾盡？睇我連扮美人魚咁有童真嘅事都夠膽做就知啦……嚟啦，盡情取笑我啦！」她還自嘲騎呢。採訪：嵐山





來源: http://hk.apple.nextmedia.com/entertainment/art/20160506/19599508

---

格鬥女慶功　Rika避追訪甩底郭思琳道歉　Hazel唔領情

1 : GS(14)@2016-05-19 02:33:52

■Hazel（圖）指Rika未結婚，叫大家不要葡萄Rika跟男友的戀情。


【ViuTV風雲】是非多多的ViuTV格鬥真人騷《G-1格鬥會》前晚播出決賽，結果由唐紫睿（Hazel）壓倒郭思琳奪冠，兩女跟龍小菌、主持柳俊江、星級教練徐家傑到銅鑼灣出席慶功宴，本來通告有早前被黎美言（Winkie）打到變豬頭，宣告退出娛樂圈的劉燕妮（Rika），但她跟大會表示「突然間有事」未能出席。
Hazel曾為撐Rika鬧爆Winkie：「食屎啦！」問到好友為甚麼缺席？Hazel說：「Rika知道有傳媒，佢早前又講咗退出娛樂圈，所以覺得唔係好適合出席。Rika都好唔開心，自己為節目付出咗咁多，但又嚟唔到呢個活動。」問到Rika是否嫁百億男友石爍？Hazel說：「佢未嫁，都係啱啱開始拍拖箒，係我介紹俾佢識，希望大家唔好葡萄佢哋嘅戀情啦！」
Hazel否認Rika因男友退出娛樂圈，指《G-1》節目令Rika受到好多壓力和委屈：「佢為比賽付出好多，又打到成身傷，但好多人話我哋喺度搞是非同博出位。」Hazel哽咽說：「呢段時間自己情緒都唔好過，自己咁努力都俾人鬧。」有否想過退出娛樂圈？Hazel說：「條路係自己揀嘅，就算PK都唔好喊，跪住都要走，自己會繼續向打女方向進發。」



「做朋友講緣份」

早前Hazel被郭思琳整傷面爆不和，問到兩人是否已冰釋前嫌？Hazel說：「其實都冇嘢嘅。」郭思琳則說：「我自己都冇嘢嘅，趁今日咁多人可以講吓發生乜嘢事呀？」Hazel解釋：「都係練習啲嘢箒，覺得未比賽就整傷對手唔係幾好。」郭思琳反駁：「我真係唔知邊一part整親你，如果真係有嘅，我都好願意道歉。」Hazel則說：「好啦，其實呢啲嘢都隨緣啦，覺得大家以後見面機會都唔太多，做朋友都要講緣份。」現場充滿火藥味。採訪：卓寶花攝影：陳慧安



■郭思琳當面質問Hazel整傷面事件，兩女充滿火藥味。

■前晚《G-1格鬥會》在銅鑼灣舉行慶功宴，是非人物Rika、Winkie、鄧穎芝全缺席。

■已宣告退出娛樂圈的Rika，前晚未有出席《G-1格鬥會》慶功宴。資料圖片



來源: http://hk.apple.nextmedia.com/entertainment/art/20160517/19614561

---

郭思琳夥拍千葉真一

1 : GS(14)@2016-06-06 02:54:46

早前在ViuTV節目《G-1格鬥會》中打到周身傷的郭思琳，最近獲電影公司賞識，有機會在年底拍攝由日本著名影星千葉真一執導兼演出的電影《Break Out》（暫名），會在香港及沖繩取景。思琳昨日在電話中開心表示﹕「我都係今日先收到消息，部戲由《潛龍狙擊3D》嘅監製黃永峰負責，佢睇過我《G-1》話打得唔錯，所以推薦我演呢部戲。」雖然未知演甚麼角色，但預計會有好多打鬥場面，思琳說：「應該都應付到，因為做完《G-1》我都有繼續練泰拳同巴西柔術，為求逼真，我會盡量親身上陣唔用替身，作為新人乜嘢都要試。」採訪：嵐山





來源: http://hk.apple.nextmedia.com/entertainment/art/20160603/19638720

---

【馮仁昭四圍超】郭思琳見識爆炸肌

1 : GS(14)@2016-06-20 05:45:26

格鬥女郭思琳噚日到鑽石山荷里活廣場為街頭健身世界盃香港站擔任最佳表演獎評判，即場攀到欄上提腿鍛煉，又同健碩男吳雲甫做出互相重叠平板支撐動作。見到咁多勁量大隻仔表演，清楚睇到肌肉蠕動，令思琳大飽眼福，大讚班男士爆炸力驚人，自己睇到好投入。自從操肌之後，思琳嘅品味都由從前鍾意肚腩男士覺得好攬啲，轉為鍾意健碩型男。撰文：馮仁昭





來源: http://hk.apple.nextmedia.com/entertainment/art/20160620/19660914

---

郭思琳準備跑5K

1 : GS(14)@2016-08-16 06:11:28

郭思琳與吳雲甫前晚在中環出席「中環街後跑」活動，郭思琳說：「今次會跑5K，平時都有跑開步，細個跑短跑，大個就跟吳雲甫跑長跑，第一次比賽係跑渣馬10K，做出1小時成績，但暫時唔會跑半馬或全馬。」原來她小學時曾加入排球隊，想過做運動員，不過天資不夠聰穎，到中學就放棄。她又透露最近積極鍛煉身手，為年底的一部動作電影作好準備。採訪：羅慧敏攝影：葉君海




來源: http://hk.apple.nextmedia.com/entertainment/art/20160815/19736162

---

郭思琳巴西柔術作戰

1 : GS(14)@2016-09-30 08:09:05

■（左起）何慈茵、郭思琳和余曉彤的最終格鬥戰賽果下月有分曉。



今年E-1 World Championship賽車活動包括兩場MMA格鬥，參加過《G-1格鬥會》的郭思琳將接受新人余曉彤（Hidy）或何慈茵當中勝方的挑戰。早前三人在旺角舉行賽前牙骹戰，分3個回合玩跳繩、波子棋及人肉包剪揼，最後各勝一場。郭思琳自言優勢是有打MMA經驗：「決賽對邊個都難打，我會用地面戰，唔會同佢哋打站立戰，我會施展巴西柔術。」Hidy說：「MMA講爆發力，除咗練爆發力，仲練踢腿。」劉家良師傅徒孫何慈茵認為武術底有幫助，更半開玩笑說：「我預咗整容，整個鼻，所以唔介意俾人打爆。」採訪：何永寧攝影：陳慧安、沈健程場地提供：FFG武術健身中心髮型及化妝：Niki Chan@N_C Makeup（Hidy）




來源: http://hk.apple.nextmedia.com/entertainment/art/20160930/19785843

---

郭思琳爆缸贏拳賽

1 : GS(14)@2016-10-10 00:43:57

郭思琳跟何慈茵前晚在中環舉行G1格鬥決賽，郭思琳先後三次被何慈茵打甩隱形眼鏡，三個回合苦戰後，郭思琳最終以點數取勝。思琳昨日接受電話訪問時表示開賽沒多久已經爆缸：「第一回合已經俾打中鼻，甩隱形眼鏡同流鼻血，亦估唔到對手嘅拳咁重。嗰時無明火起，諗住同佢鬥長命搏拳。」原本打算施展地面攻擊的思琳，最後改以拳腳決勝負，在連環出擊拳拳到肉的情況下，尾段的戰況非常慘烈，最終在苦戰下她以點數取勝，她表示對教練算有交代，而同期教練亦有賽事在身，賽前曾互相許諾要一起贏金腰帶。採訪：卓寶花攝影：沈健程




來源: http://hk.apple.nextmedia.com/entertainment/art/20161008/19794447

---

郭思琳拍拖拒同居

1 : GS(14)@2016-10-20 08:05:39

郭思琳昨日於觀塘出席「香港街馬@九龍」記者會，她將挑戰10公里賽事，不過思琳的舊患，令她左腳經常麻痹，加上家人反對，她決定暫時放棄打MMA。問思琳有沒有男士關心？她說：「我屋企唔係咁易俾人入到，拍拖都唔會同居，係保護自己嘅方式。」思琳還笑言見慣大隻佬：「以前鍾意啲肥肥哋，而家冇特定身形性格，最緊要對自己好。」採訪：羅慧敏攝影：陳俊強




來源: http://hk.apple.nextmedia.com/entertainment/art/20161020/19806044

---

郭思琳為事業甩拖

1 : GS(14)@2016-12-04 17:34:21

郭思琳（圖）和吳雲甫昨日在中環出席慈善步行，早前在拳賽贏得「金腰帶」的郭思琳，表示暫不再打拳，稍後會接拍一部網絡電影。個多月前，郭思琳與拍拖一年的會計師男友分手，她說：「其實佢有講過我係結婚對象，但可能佢覺得我太專注工作，冇時間拍拖。」她又謂當時不算是和平分手，因對方不停投訴她太專注工作。採訪、攝影：黃曉妍




來源: http://hk.apple.nextmedia.com/entertainment/art/20161204/19854281

---

郭思琳拍打戲多用腳

1 : GS(14)@2017-01-07 00:29:08

郭思琳與沙排港隊一姐黃婉媚昨日到觀塘出席第四屆「安盛香港街馬@九龍2017」記者會。郭思琳於今次活動參與10公里賽事，思琳說：「今年活動好有意義，爹哋都會參與32.195公里賽事，跑步算係我哋嘅親子活動，平時練跑爹哋會遷就我，因為佢閒閒哋都跑20公里。」由?模轉型動作演員的郭思琳，過去努力練習巴西柔術，今年終於有機會參演動作電影，思琳說：「上年已經好想拍動作片，拍咗懸疑片，今年終於拍打戲，會喺農曆年後開拍，導演想我多啲用腳，自己要好好準備。」採訪、攝影：張俊銘




來源: http://hk.apple.nextmedia.com/entertainment/art/20170106/19887627

---