冬叔思浩醒貼士搶買一億六合彩
1 :
GS(14)@2014-09-09 12:49:20■新舊六合彩主持蔡國威（左）與夏春秋，昨日同到投注站為今晚開獎的一億彩池六合彩落注。
【今晚9:30pm攪珠】一人有一億夢想！繼2011年和2012後，今晚六合彩獎金再度高達一億，令全城瘋狂。本報特別請來六合彩之父夏春秋和六合彩之子蔡國威率先攪出心水號碼，而曾中過四次六合彩二獎的梁思浩亦提供中獎秘訣，加上黃美棋、謝安琪兩位高登女神的心水，再配堪輿學家李丞責、麥玲玲的全方位投注攻略，希望大家應驗投注站櫃檯姐姐所講：贏多啲！
現年82歲的夏春秋（冬叔）主持六合彩18載，被喻為六合彩之父，昨日他與「六合彩之子」蔡國威為本報擔任特約主持，在香港仔華富邨投注站外舉行爆笑攪珠儀式。據講今日投注旺區是南區，而投注站外有工程，風水上會有利投注者，剛巧昨日華富邨投注站外進行工程，加上六合彩父子雙劍合璧，希望能為大家帶來幸運。昨日冬叔即場攪出2、11、22、26、30、38和特別號碼17，威仔則在旁擔任助手，吸引街坊圍觀，更有心急嬸嬸衝前搶先抄下號碼，場面熱鬧搞笑。
生活化報道創先河
對於有傳亞視將被終止直播六合彩攪珠結果，冬叔說：「如果真係都幾遺憾，雖然六合彩歷史39年以來，當中有幾年係畀咗隔籬台播，不過咁長嘅感情冇咗，都幾可惜。」他自言沒有橫財運，多年來買六合彩也未曾中獎，但仍會湊熱鬧買電腦彩票。雖未曾中獎，不過冬叔卻創先河，以生活化方式為一眾市民報道攪珠結果，他說：「心得你話冇又假，你話有又唔係真。不過彩數呢樣嘢好得意，大家諗得偏偏邪邪，可能就有機會。」其中一次攪珠機故障，令冬叔記憶猶新：「嗰次機器壞咗，就要請監察嘅嘉賓用一部古董攪珠機用手攪，工作人員睇到乜嘢號碼跑嚟話我知，我再報出嚟，真係幾特別。」
■冬叔與威仔為《蘋果》讀者預先攪出心水號碼，信不信就由你。
■曾主持六合彩18年的冬叔，恨繼續客串主持。資料圖片
威仔撐亞視繼續播
冬叔又指每有大彩池都想客串主持攪珠增加氣氛，他說：「我有同公司建議過，可以號召吓大家買飛，又可以增加氣氛，而家似報道式，唔似我當時好生活化傾偈咁講出嚟。」而剛獲亞視續約的威仔，當年首次主持就是與冬叔合作，他又認為公司被抽起六合彩直播可能性極低，曾中過3、4獎的他說：「我自己期期都買，不過就唔敢記住彩票啲號碼，驚直播開心到嗌出嚟。」採訪：譚倩宜、藍文浩攝影：陳慧安
冬叔攪出號碼
2、11、22、26、30、38 特別號碼17
來源:
http://hk.apple.nextmedia.com/entertainment/art/20140909/18859959
梁思浩公開三個投注秘訣
1 :
GS(14)@2014-09-09 12:49:28■梁思浩前日湊熱鬧，到九龍城投注站買一億六合彩。
中過四次六合彩二獎的梁思浩，日前到九龍城投注站湊熱鬧，花500元買電腦票碰運氣。思浩剛踏進投注站即引起小騷動，大批街坊視他如活財神，問他心水號碼、跟他握手沾旺氣，有街坊更索性搭單要思浩幫手買彩票，思浩笑說：「每次我出現喺投注站都係咁，試過有啲搭住我膊頭去買，自己都慣喇，只要大家記得中咗之後做善事就OK。」為提高大家發中秋財機會，思浩私人醒了三個買六合彩的小秘訣，他說：「第一，最好揀一間門口做緊工程嘅投注站，最好係掘緊地；第二，今年財位係比較旺香港仔嗰邊；第三，買之前記得同個天講，中咗自己會捐錢做善事，咁機會就會大好多。」他表示平日甚少買六合彩，記憶中贏得最高獎金一次，是於中環鏞記後的投注站購買。採訪：譚倩宜攝影：仇志德
■一班街坊要思浩代買六合彩。
梁思浩心水號碼
47
來源:
http://hk.apple.nextmedia.com/entertainment/art/20140909/18859961
梁思浩被炒12年後重返大台直插樂大媽恃勢欺人
1 :
GS(14)@2016-03-16 14:28:12梁思浩同大台嘅恩怨真係一疋布咁長，話說12年前即係2004年大台嚟個大裁員，梁思浩就係其中一個被裁嘅人，當時佢仲開記招嚟個大控訴。方丈份人係點大家都知，12年嚟梁思浩多次開口話想返大台，不過都係唔成事，但係最期待嘅畫面終於出現喇！梁思浩昨午喺微博開post話，事隔12年，終於可以再次喺大台頻道現身喇！雖然唔係回巢，只係應李居明邀請上節目做嘉賓，佢留言話佢咁多年嚟唔嬲大台，而係「大媽」高層：「破冰之旅。已經12年冇出現TVB螢光幕上，其實我跟TVB一直無仇無怨，也不憎恨TVB，只是一直憎恨一個恃勢欺人整容大媽高層，12年來很多無綫藝人也因為這個整容大媽離開TVB（我是敢言又不怕惡勢力的人）12年後的今天終於破冰了！謝謝為我破冰之人——玄學大師李居明！今次跟覓雪合作也超級開心，三月底TVB見。」考古時間又到喇。04年無綫大規模裁員，台前幕後都有份，梁思浩係第一批被裁藝員。當時梁思浩話曾致電樂易玲，希望留低，樂易玲只解釋係因為梁思浩好多年冇拍劇，所以列入被裁名單。收到大信封之後，梁思浩即含淚開記招，向傳媒展示大信封，直插樂易玲：「我覺得樂小姐你點做電視0架？我15年前先喺戲劇組……我做live show都超過一萬小時，但係佢睇電視都唔知夠唔夠一萬小時。」又痛斥無綫不近人情：「最慘係扮豬扮狗，佢都唔要我！」但梁思浩離開無綫後，人工大躍進，由$3,000一個騷加到6位數做亞姐司儀，之後跳槽有線《怪談》又做飲食生意，越撈越掂。梁思浩亦唔再俾面樂大媽……係樂易玲至啱，講到明話無綫有黑名單：「張黑名單喺樂易玲個手袋入面，我同黃日華都返唔到無綫，除非等樂易玲唔喺無綫做就有機會。」之後梁思浩又去過各大電台、電視台工作過，仲開埋糖水舖兼中埋六合彩發埋達，不過佢就念念不忘大台，多次接受訪問都放晒口風話:「我成日都想返TVB！」2012年仲話:「有提過想搵我做大騷，我實OK！」最後都唔成事。2013年，無綫再有藝員科同事接觸過佢邀其回巢做主持，梁思浩當時話:「其實大致上都可以，只係錢嘅問題，對方好有誠意，因為對方唔夠直播主持。」結果又係無疾而終。去年底，已躍升為甜品大亨嘅梁思浩，於訪問中再放風話，如果曾勵珍同余詠珊邀請佢嘅話，佢唔收錢都願意返無綫喎。有傳樂小姐失勢，轉去邵氏發展，而梁思浩咁啱又係呢個時候「破冰」，喺大台亮相，有冇咁橋呀！
來源:
http://hk.apple.nextmedia.com/entertainment/art/20160316/19531704
梁思浩回巢插樂易玲梁梓禧不值斥「做人有修養」
1 :
GS(14)@2016-03-17 14:52:53梁思浩和無綫恩怨始於12年前，2004年無綫大裁員，他是第一批無得留低的藝人，雙方其後一直沒有合作，惟日前梁思浩忽然在網上留言，預告將會在無綫出現，提到他最憎恨的人，更明示該人是傳聞在無綫已失勢的樂易玲。雖然貼文一出不少網民都撐他，但與他曾在nowTV主持節目、去年更傳過因被梁思浩搶節目料而不和的梁梓禧（前名：梁奕倫）對其一番言論卻似乎有不同看法，昨日更疑在facebook暗寸他。梁思浩日前在網上貼文：「破冰之旅。已經12年冇出現TVB螢光幕上，其實我跟TVB一直無仇無怨，也不憎恨TVB，只是一直憎恨一個恃勢欺人整容大媽高層，12年來很多無綫藝人也因為這個整容大媽離開TVB（我是敢言又不怕惡勢力的人），12年後的今天終於破冰了！謝謝為我破冰之人@玄學大師李居明！今次跟覓雪合作也超級開心，三月底TVB見。」
■梁思浩指自己憎恨一個恃勢欺人整容大媽高層，矛頭直指樂易玲。資料圖片
■梁思浩當年被裁離無綫，即開記者會鬧爆樂易玲。
■梁梓禧昨日在facebook撰文，似暗寸梁思浩沒有修養。資料圖片
不欲做同類
不過，梁梓禧則唱反調，昨午在facebook寫道：「做人有修養，比一切名與利更重要。慶幸我在34歲起便懂得學習這課題。是與不是，少說話多做事，做好自己便夠了。趁着別人失勢，用差不多開名方式去踐踏對方這行為，真的很可怕。我從來不羨慕人發達，店舖要有多少間分店，因我知道個人修養才是最最最值錢。共勉。」《蘋果》即時致電梁梓禧，問他是否批評梁思浩，他則笑言：「我用來提醒自己，冇特別回應，如果我再講得多，咪變咗同一類人？」另一方面，《蘋果》致電梁思浩求證口中「整容大媽」是否樂易玲時，但亦封口表示不回應。採訪：李察
來源:
http://hk.apple.nextmedia.com/entertainment/art/20160317/19532373
下月離場插政府梁思浩dbc 5年 搵錢多兩倍
1 :
GS(14)@2016-08-21 08:11:09【《蘋果》專訪】數碼電台dbc早前宣佈將數碼牌照交還政府，下月結束5年數碼廣播年代，老闆止蝕離場，員工在傳媒寒冬氣候下感到徬徨，同時意味香港人少一個選擇。梁思浩為dbc開荒牛之一，受僱於鄭經翰時代，雖面臨公司倒閉，他亦如常和陳彥行（行姐）等返回位於灣仔的電台開咪。思浩認為團隊對電台有交代，節目穩守數碼廣播第一位，但個人就非常不滿政府政策，他直言：「畀得個牌出嚟，就咪扼殺晒生存空間。我哋努力經營有好成績，點解到最尾政府唔可以做好啲，梁振英你永遠做就做，但做唔好，咁樣扼殺咗香港人新領域，無論數碼電視、電台、廣播都好，係一個新時代，政府應該畀多啲支持。面對呢個媒體生態，政府真係唔該畀多啲支持，唔係嘅話，電視、電台、紙媒只會越縮越窄，而唔係百花齊放，政府要做數碼，有冇畀支持心中有數啦！」
■梁思浩在2011年獲鄭經翰（右）邀請加盟dbc數碼電台。資料圖片
■陳彥行（左）和Bonnie珍惜在電台最後的合作日子。
人工冇損失
思浩指公司廣播至下月7日結束：「我份約同其他人有分別，明年1月約滿，即使9月7號完，都要一次過出晒剩餘薪金畀我。薪金方面冇損失，喺呢度做5年，等於我喺港台12年人工，我係痛心巿民損失咗數碼廣播。」他直言對前景沒絲毫畏懼，因前期所簽下的合約有保障，賠償充裕，反而擔心幕後團隊們。思浩又指10月再有新動向，現時已有不少選擇，到時定必照顧現有團隊。反觀行姐就不會得到任何補償，她說：「我係自由度好大，兼職形式多勞多得，冇底薪，冇賠償。件事出街後，個個叫我唔使驚，話思浩一定會照顧我。」採訪：卓寶花攝影：陳順禎
來源:
http://hk.apple.nextmedia.com/entertainment/art/20160821/19744291
【何文田掃街】隱蔽明星食堂 梁思浩最愛芝士餅
1 :
GS(14)@2016-10-20 08:06:14藝人梁思浩和陳彥行，經常到訪Sweet19，貪環境夠隱蔽。
何文田以中產階級為主，是其中一個高尚住宅區域，這裏亦有不少藝人居住，位於何文田街有一間幽靜cafe，名字叫「sweet19」，開業已18年，由於位置隱蔽，遠離鬧市，幫襯的大多是何文田街坊，還是不少藝人飯堂，「我以前住在何文田山，幫襯這間餐廳已有15年以上，給我感覺是很有人情味，一切如昔，千金難買人情味。」藝人梁思浩說，同行還有藝人陳彥行，「這條街很清靜，有次拍戲竟然無意中發現到這間靚餐廳，覺得很神秘，環境很舒服。」梁思浩每次都會買芝士蛋糕，用來送贈朋友，他還透露：「據說以前這裏的蛋糕是由一間五星級大廚供貨，所以有一定質素，不過現在餐廳已易手，好彩蛋糕仍有一定水準。」
從事金融的90後羅惠藍（阿藍）家住勝利道，生於中產家庭，中小學都在培正就讀。小時候，亦經常到訪這間餐廳。「以前區內較貴價餐廳有這間和隔離的酒店，這間餐廳開業不久我已來幫襯，通常會和屋企人慶祝節日，或者考完試來食，最記得公開考試放榜成績不錯，一家人來這裏慶祝。」她說，這裏的扒餐及小食均有質素，但要數最愛的是現已沒有供應的朱古力慕絲蛋糕，「這個蛋糕是金字塔式蛋糕，外表很可愛，這裏的常客一定會柯打，不過幾年前已經食不到了。」據說餐廳明年會慶祝19周年，有機會重現昔日味道。像阿藍的培正學生都一定幫襯過「德國熱狗」。「它對於何文田區生活和上學的人是恩物，我們中午時間喜歡買熱狗、撈丁、薯茸，簡簡單單便是一餐，是我們培正舊生的回憶。」舖頭是本港第一代的熱狗專門店，由德國人創立，自設廠房生產地道德國香腸而深受好評，經歷兩次轉手，2000年由芬姨執掌。由於該店鄰近學校，每日中午，全店必滿是學生食客，近至培正中小學、余振強紀念中學，遠至拔萃都有。「我們千禧年開到現在，見到好多學生由小學讀到大學，再出國讀書，回來香港後，你講起熱狗，街坊第一個會想起我們。」李桂芬（芬姨）說。店設有廿多款德國熱狗，味道偏港式，有五款醬料提供。「中學生最喜歡BBQ汁，小學生就最喜歡三色醬，即番茄、沙律、蛋黃醬，醬即到滿滿地，他們就最開心！」勝利道雖是小街，但有不少日本餐廳。阿藍推介這間開張一年多的小店，名字叫「小築水產」，門口設有魚缸，主打日本直送的海鮮，貨源大多來自北海道等築地，若有特別想吃的海產，只要提早一天訂定，翌日就能嘗到，像時令當造的秋刀魚，其中以午市套餐最抵食。（a）Sweet19何文田何文田街19號地下（b）德國熱狗何文田窩打老道67號（c）小築水產何文田勝利道2號地舖記者：何嘉茵攝影：伍慶泉
梁思浩推介芝士蛋糕。圖為柚子芝士蛋糕，$48。（a）
車打芝士腸，最受學生歡迎的口味，芝士滿瀉。$32（b）
勝利道的小築水產，主打日本直送的海鮮。圖為秋刀魚刺身，$180（c）
來源:
http://hk.apple.nextmedia.com/su ... t/20161020/19806281
Next Page