ZKIZ Archives


【add時尚】阿徐張王幼倫音樂盟

1 : GS(14)@2017-06-18 21:45:16

■徐濠縈(右)今年加入張王幼倫的領賢慈善基金晚會做搞手。



音樂是全球共通語言,令人歡樂也予人慰藉。徐濠縈今年加入嘉頓新抱張王幼倫的慈善活動做搞手,推動音樂培育下一代。她坦言女兒陳康堤由K3開始學鋼琴,自己陪學也曾悶到瞓着,全靠堅持女兒考到鋼琴八級成績。採訪:林妙萍  攝影:周樂恒場地提供:Lai Sun Dining嘉頓新抱、珠寶設計師張王幼倫創立「領賢慈善基金」,一年一度的慈善晚會,去年以莫奈名畫為主題,今年則提倡音樂的力量。取名「World In Tune韻樂盛世」晚會下周在洲際酒店舉行,知名女高音、四屆格林美獎得主Renee Fleming和陳奕迅(Eason)都會出席。


叩門叫買枱

徐濠縈首次加入做晚會籌委,日前和張王幼倫一齊宣傳,「我以前以夫人身份出席,因為Eason係大使,而今次第一次做籌委,幫手叩吓門叫人買枱、宣傳,樣樣學吓做啲。」張王幼倫則謂:「我哋理念一樣,都係希望回饋社會,培養下一代。音樂嘅力量好強,全世界有咁多語言、咁多文化,但喺音樂大前提下,就可以和諧團結起來。」



■兩代媽媽分享音樂對小孩品德栽培的重要性。

■張王幼倫創立基金六年,她坦言要多謝歷年支持、出錢出力及出席的善心人。

■徐濠縈不時帶女兒康堤看演唱會,康堤現時有學鋼琴及聲樂。資料圖片

阿徐坦言和音樂無緣,但身邊人都很愛音樂。女兒陳康堤(包包)由幼稚園三年級開始學鋼琴,亦曾為陳奕迅的國語歌伴奏,「佢頭兩三年都幾辛苦,幾悶,我都曾經想放棄,我又唔識音樂,冇受過正統訓練,帶個女去上堂,佢彈,我自己都瞓着咗,何況一個小朋友?後來慢慢同佢傾偈,鼓勵佢如果想將來可以作曲,或者好似爹哋咁,唔使睇譜都彈到少少,就要更投入。我哋冇逼佢,亦唔使督住佢,捱到?家八級,都冇放棄,因為佢真係鍾意。」包包亦參加過音樂大師班,「幾年前,佢仲係小學生時去觀摩,睇吓啲大哥哥、大姐姐喺大師指導下,點樣彈一首好長嘅曲目。」張王幼倫讚揚阿徐是勤力家長,「小朋友學音樂,唔一定要係一個事業,亦陶冶性情,帶畀佢哋歡樂,更加可以鍛煉毅力同耐性,?家新世代,attention speed好短,好難叫佢哋坐定定。」


米芝蓮晚宴

音樂以外,晚會亦請了四位港澳米芝蓮三星主廚,廚魔主廚梁經倫、81/2 Otto e Mezzo Bombana主廚Umberto Bombana、龍景軒主廚陳恩德及澳門天巢法國餐廳主廚Julien Tongourian,炮製12粒星的星級晚宴。



■陳奕迅(左)的個唱曾邀郎朗彈琴伴奏,今次為慈善再度合體出力。資料圖片

■高世章媽媽是尤敏,他亦多次為任白慈善基金會主辦的粵劇譜寫過場音樂,與仙姐(左)熟稔。資料圖片

■女高音Renee Fleming來港開音樂會,更會出席晚宴。


【Eason郎朗合作】

音樂為主題,今次將推出一張慈善CD籌款,多位世界級音樂人破天荒合作。大會揀了葛蘭於1957年、60年前唱的經典歌曲《我要你的愛》,由曾以《如果.愛》獲頒金像獎最佳原創電影音樂的高世章改編、鋼琴家郎朗彈奏,再由女高音Renee Fleming和陳奕迅分別主唱英語、國語及廣東話版本,為慈善獻聲,灌錄CD籌款。不過,因郎朗受傷CD未能趕及今個月推出,張王幼倫說:「三個巨星嘅合作,高世章好有天份,一開始音樂就非常有氣勢,可惜人算不如天算,郎朗整傷隻手,未錄到,要延遲發行。」



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20170616/20057188
PermaLink: https://articles.zkiz.com/?id=335924

Next Page

ZKIZ Archives @ 2019