ZKIZ Archives


農曆新年後例升?咪亂黎! 凌晨

來源: http://hkcitizensmedia.com/2016/02/12/%E8%BE%B2%E6%9B%86%E6%96%B0%E5%B9%B4%E5%BE%8C%E4%BE%8B%E5%8D%87%EF%BC%9F%E5%92%AA%E4%BA%82%E9%BB%8E%EF%BC%81/

踏入猴年先祝各位讀者事事順意,財源廣進,新年勝舊年。今年係丙申年,玄學角度是火金交戰,破中有成,因為丙火為熊熊烈火,申金則為地中鐵礦,兩者相合即為煉火鐵器,在一番打磨後方有作為,但打磨過程路途艱險,唔係人人都能承受,上一個丙申是1956年,當年香港發生了一件大事,這種事件是社會不忍再見卻似大勢所趨,只希望今後社會歷練不用去到當時那一種地步。

回到香港股市,很多股民或許有個印象,在農曆新年假期後,港股都會紅盤高收,走勢轉好,但事實上又係咪呢?淩晨翻查過去二十年恆生指數在農曆新年假期後開市表現,發現的確存在「農曆新年效應」,二十年間只有3次指數在新年過後呈低開,低開最大幅度也只有約2%,而17次高開中有8次都超過1%幅度,諗落其實真係幾低博,唔好以為散戶博開紅盤係無料到。

可惜環球股市在新年期間低走,執筆時黑期恆生指數起萬九點樓下,今鋪紅盤恐怕開唔成,開唔成咁坐下貨博假後回升又得唔得呀?再翻查數據,計算恆生指數在農曆新年假期後五日表現,結果強差人意,指數去到第五個交易日收結時,只有六次係升,其餘十四次都係跌,若按幅度計算恆指表現更差,五日內升超過1%的次數只有四次,按現時指數水平即是升二百點的機會也很低,而跌幅計算,五日內跌超過1%的次數足有十七次,跌超過2%的次數也有十二次之多,即是現時指數開市後再跌多兩百至四百點也不足為奇,博唔到紅盤既朋友仔建議都係止一止血,留彈藥再戰江湖。

新年例升

轉弱的成因可能是「農曆新年效應」的後遺癥,如上述提到港股假期多數開紅盤,但投資者見好就收,獲利回套令股市往後數日疲不能興,尤其是假後第一日表現最差,不論高低開後即日都見沽壓,收市時多呈陰燭,所以有子彈既唔好亂黎,呢個星期做少少淡倉做對沖仲著數。

更多淩晨文章: https://www.facebook.com/4.39AM

淩晨

PermaLink: https://articles.zkiz.com/?id=185430

Next Page

ZKIZ Archives @ 2019