ZKIZ Archives


財經影圈起風雲 宗菁華

2011-11-10   NM

青姐•胡孟青以惹火見稱。早前佢大罵有線,繼而劈砲,夠晒犀飛利也。即使無喺有線出鏡,佢間唔中仍照踩其他財經演員,更試過大爆財經演員借返內地睇廠,實則考察夜總會。食呢行飯而火爆如斯,你估班行家會否錫住佢呢?


實情係除咗黃瑋傑,青姐同其他行家甚少交心,永豐金融研究部阿頭淦國彬係另一個例外。早前阿淦拉埋天窗擺酒,請咗兩枱財經演員食全齋婚宴。青姐破例俾面,更加出埋自己個囝囝做花仔,認真唔話得。當晚無可避免,佢要同其他行家見面。 本來一直相安無事,點知中途青姐要帶囝囝行開一陣,結果大件事。股壇大隻佬揀正呢個時候過枱,走到青姐嗰一枱吹水,大唱「又肥又矮」嘅女財經演員頻頻睇錯市,即使食齋都似乎無助佢降火。 聽到大隻佬咁講,其他財經演員慌忙向佢打眼色,點知佢講得興奮過頭,唔識得醒水收爹。卻原來青姐位郎君當晚都有嚟飲,佢仲坐正喺呢一枱。大隻佬呢番言論,你估會唔會一五一十向青姐告其枕頭狀呢?江湖從此多事矣。

金牙大狀講嘢 取消SSD
額外印花稅(SSD)一周年,近四萬個單位將陸續鬆綁。主凶主吉,尚是未知之數。 名義上SSD係用嚟抑制炒風者,然而天要下雨,娘要嫁人,要炒依然有辦法,譬如簽訂避過SSD重罰之「遠期合約」一也。故此SSD之實際作用極其量係抑制 成交量而已,要真正阻止樓價攀升則難矣哉! 抑制成交量並非全冇後果者。就以行將鬆綁之四萬個單位而言,若然基調依然趨升,譬如繼續有游資湧入,你估樓價會有何反應?反之,若然一個唔覺意,四萬個單 位鬆綁而歐元又咁啱揀正呢個時辰解體,你估又會有乜後果呢? 於此可見,SSD抑制成交量,以致市場不能有秩序調整,風調雨順梗係乜事都冇啦!醜嘅唔靈,遇上沙士、九一一以至歐元解體之類嘅突變事件,樓市則不難出現 踐踏性拋售矣,到其時又搵邊個去收拾負資產殘局?仲唔趁住風平浪靜速速取消SSD又更待何時?唔通想等到爆發大災難至郁手呀?班大老爺如果識得咁諗又仲使 日日俾人指住個鼻嚟鬧乎?

本週斷症 陳浩濂冇心漏
莫非有人懷疑過自由黨之陳浩濂有心漏症,以致新工投資(前身為禹銘)主席李華倫要證明佢個心完整無缺?玩財技佢就叻啫,心臟科都得?唔係吖嘛?

老獅子國企頤養天年
上期我哋講獅子錢庄猛力逼迫前線員工生意,以致一批半上岸嘅老獅子棄船,唔再日以繼夜跑數。即使搵少啲,佢哋都寧願過檔中資國企,勝在唔使用降血壓藥送飯也。 話說有隻老獅子,幾年前加盟建行,負責實賣基金同保險。佢話國企果然係國企,就算班手下唔到數佢都唔敢開聲,更加唔好話幫佢哋照肺;事關上頭根本唔捽數,自己點解要攞苦嚟辛啫?何況基數定得低,輕輕鬆鬆已經有顯著增長,大家開心過日,何樂而不為? 雖然份工輕鬆,但老獅子始終唔多慣國企文化,當中尤以出糧㩒錢最為神奇。做咗國企職工,當然用番建行做出糧戶口,但佢發覺建行嘅提款卡只可以喺建行嘅櫃員機用,其他銀通櫃員機㩒唔到錢。 起初佢尚以為自己黑仔,點知後來發現其他同事同埋唔少客人都有同樣問題。佢本住團隊精神向上頭反映,但講嚟講去都講唔到邊度出錯,再過冇耐,成件事不了了之。文化如此,國企職工只可以喺自己鋪頭㩒錢,正常吖!

一邊回購、一邊減持
上個禮拜,賣化妝品嘅卓悅,其老細葉俊亨減持七千八百萬股,套現一億港銀。老細減持本來事屬平常,但咁啱佢減持之前,卓悅先至五度回購,而回購價同葉主席之減持價所差無幾,由是令人懷疑莫非有人托價散水? 我哋本住求真精神向葉主席求證,點知佢人在北京,上咗去接受安永一年一度嘅中國企業家獎。佢喺電話中證實確有減持一事,佢話自己唔熟上市條例,擔心咁樣做有否犯法? 違例就冇,但就樣衰啲囉。葉主席聽到咁講,定一定神,解釋內裡原由。原來去年卓悅搵咗由曹貴子醫生打骰嘅康健國際入股做策略性股東,希望大家合作搞醫學美容,更加講到明康健今年有權再買七千八百萬股卓悅。 一年時間話咁快就過,康健重提增持一事,葉主席叫曹醫生喺股市掃貨,點知曹醫生擔心會愈掃愈貴,焗住叫葉主席作私人配售。就係咁就搞出單一邊回購、一邊減持事件啦。雙方嘅合作計劃?一年過去,依然了無動靜。今趟康健再作增持,跟住會唔會有後着呢,又?

PermaLink: https://articles.zkiz.com/?id=29083

財經影圈起風雲 宗菁華

1 : GS(14)@2011-11-10 23:41:28

http://realblog.zkiz.com/greatsoup38/29083
青姐•胡孟青以惹火見稱。早前佢大罵有線,繼而劈砲,夠曬犀飛利也。即使無喺有線出鏡,佢間唔中仍照踩其他財經演員,更試過大爆財經演員借返內地睇廠,實則考察夜總會。食呢行飯而火爆如斯,你估班行家會否錫住佢呢?

實情係除咗黃瑋傑,青姐同其他行家甚少交心,永豐金融研究部阿頭淦國彬係另一個例外。早前阿淦拉埋天窗擺酒,請咗兩枱財經演員食全齋婚宴。青姐破例俾面,
更加出埋自己個囝囝做花仔,認真唔話得。當晚無可避免,佢要同其他行家見面。
本來一直相安無事,點知中途青姐要帶囝囝行開一陣,結果大件事。股壇大隻佬揀正呢個時候過枱,走到青姐嗰一枱吹水,大唱「又肥又矮」嘅女財經演員頻頻睇錯
市,即使食齋都似乎無助佢降火。

聽到大隻佬咁講,其他財經演員慌忙向佢打眼色,點知佢講得興奮過頭,唔識得醒水收爹。卻原來青姐位郎君當晚都有嚟飲,佢仲坐正喺呢一枱。大隻佬呢番言論,
你估會唔會一五一十向青姐告其枕頭狀呢?江湖從此多事矣。
2 : Hierro(1191)@2011-11-11 01:32:45

x大輸…
3 : calvinx(8907)@2011-11-11 06:58:18

蛋治咁有火?哈哈哈。大家都係做戲者,估吾到咁有演員道德
4 : iniesta(1400)@2011-11-12 00:02:10

邊個大隻? 柯柏文?
5 : greatsoup38(830)@2011-11-12 11:16:20

4樓提及
邊個大隻? 柯柏文?


tag 提了名
PermaLink: https://articles.zkiz.com/?id=276553

禁韓令辣埋影圈李準基禁足內地谷戲

1 : GS(14)@2016-08-07 02:03:49

■李準基原本到內地宣傳跟周冬雨合作的《謊言西西里》,亦因禁韓令而叫停。劇照


韓風在內地依然吹得熾熱,不過在「禁韓令」下韓星在內地的工作被迫叫停,最新的受害者是秀智。她與金宇彬主演的韓劇《任意依戀》原本在優酷網同步播放,優酷更邀得兩位主角明天親到北京宣傳及舉行粉絲見面會,並已公開售票。但前日優酷官方微博已宣佈見面會取消,理由是:「因不可抗力原因將延期」。原因自然是跟韓國同意部署美國的「戰區高空防衞導彈」(THAAD,外界稱「薩德」系統),中央下令廣電局要趕絕韓星,禁制令更由電視及網絡延伸到電影。


■內地「禁韓令」新聞畫面被指是改圖,目前廣電總局對禁令不置可否。互聯網圖片


雖然之前有指禁令不牽涉電影,但本報收到可靠消息,廣電局口頭知會各大電影商,下令不要再起用韓星,當中包括大部份正在拍攝或已拍攝完畢的中韓合拍或內地電影,都會因「禁韓令」而沒有機會播出,據知電影《謊言西西里》男主角李準基亦無法到內地宣傳。



宋仲基傳被Out

李鍾碩與韓孝珠主演的劇集《W》,有可能不通過審查,他們到內地的宣傳亦已喊停。電影《那件瘋狂的小事叫愛情》及《在世界中心呼喚愛》等即將上映的影片,宣傳活動亦遭到限制。而由李英愛主演、英皇有份投資的《師任堂》將面臨禁播危機。內地《全明星探》昨日忽然爆出因「禁韓令」影響,原本以1億人仔片酬力邀宋仲基加盟的內地劇《蜀山劍俠傳》,亦決定棄用男神。不過據知宋仲基現時忙於拍攝韓片《軍艦島》,預算要拍幾個月,所以他根本就抽不到時間另外拍內地劇。另外,有韓媒引述CCTV13台大前晚有關「禁韓令」的新聞,確切寫出禁止內容,因為一直以來沒有官方證實的公文。不過昨日《聯合新聞》指所謂CCTV報道的圖片為合成圖,至於下月1日實施亦非事實。撰文:李森



■金宇彬及秀智原本明日在內地舉行的見面會已證實取消。資料圖片

■李英愛及宋承憲主演的《師任堂》,可能沒有機會在內地播出。劇照



來源: http://hk.apple.nextmedia.com/entertainment/art/20160805/19723088
PermaLink: https://articles.zkiz.com/?id=304586

Next Page

ZKIZ Archives @ 2019