ZKIZ Archives


【馮仁昭四圍超】憶做DJ俾爆粗女玩謝彭浩翔扮文青追女仔

1 : GS(14)@2016-08-17 08:01:30

■彭浩翔話中學時代曾經學人扮文青去投稿,目的就係追女仔。





導演彭浩翔、ViuTV《跟住矛盾去旅行》監製吳繼業、《蘋果日報》執行總編輯徐緣同品牌設計師李永銓,噚日出席一個由壹傳媒舉辦嘅「內容行銷講座會」,講到而家行銷戰場由主流媒體轉往網絡社交平台,說故事嘅方式亦都唔同。彭浩翔由98年喺商台做DJ,主持一個新構思嘅節目叫做《無人駕駛》,係任由聽眾打上去暢所欲言,佢話:「因為怕啲人亂講嘢,所以諗出一秒延遲播出,我就負責控制嗰『一秒』,嗰時安慰自己都好大權,因為可以隨時cut人。試過有一次有位好可愛、把聲高八度嘅女仔打電話入嚟,好開心話終於打通電話,佢一路講,講晒全班同學嘅名,跟住佢話『Vivian喺唔喺度呀……我X你XX呀!』估唔到佢真係一秒講晒4個字,第二日當然俾人鬧啦。」


諗計撮合曾梁

彭浩翔講到中學時扮文青追女仔,佢話:「用盡方法投稿去專欄,攝廿蚊紙試過、用公文袋又試過,務求sale到佢哋用我篇稿,做到最起眼,果然佢哋用我篇稿。」佢借呢啲古仔帶出唔同類型嘅行銷手法。吳繼業話當初構思《矛盾》嗰陣,用波蘭呢處地方打動曾鈺成同梁國雄一齊去。撰文:馮仁昭


■由壹傳媒舉辦嘅「內容行銷講座會」,噚日邀請咗(左起)ViuTV《矛盾》監製吳繼業、《蘋果日報》執行總編輯徐緣及設計師李永銓出席。

■當年彭浩翔喺商台做過DJ,唔講唔知佢負責過節目《無人駕駛》。



來源: http://hk.apple.nextmedia.com/entertainment/art/20160817/19739012
PermaLink: https://articles.zkiz.com/?id=306250

彭浩翔康城入圍片下月上

1 : GS(14)@2016-09-17 16:15:50

彭浩翔早前替新加坡導演巫俊鋒監製了一部電影《身後仕》,電影亦都同時入圍2016年康城影展的一種注目單元(Un Certain Regard)項目。《身》片講述一名新入職便擔任死刑副執行官艾曼,其父子情及對死刑的批判。



■《身後仕》早前參加康城影展,稍後會在亞洲電影節上映。劇照

監製彭浩翔昨日接受電話訪問,他說:「個古仔幾得意,投資嘅資金又唔係太多,呢套可以話係新加坡版《禮儀師之奏鳴曲》。」他認為題材雖然較嚴肅,但會有一班捧場客,他說:「呢套片當然唔係《屍殺列車》,不過一間戲院有5、6間院,冇理由放晒同一套片,《身》片適合一啲鍾意溫情嘅觀眾。我都冇諗過要大收,事實上導演拍得好有心機,專登去咗澳洲為咗搵返類似新加坡嘅監獄景。」《身》片會先在亞洲電影節放映,下月底在港上映。採訪:何永寧




來源: http://hk.apple.nextmedia.com/entertainment/art/20160915/19770817
PermaLink: https://articles.zkiz.com/?id=309256

【馮仁昭四圍超】彭浩翔新片報名奧斯卡

1 : GS(14)@2016-09-17 17:33:08

第89屆奧斯卡頒獎禮喺明年2月26日舉行,唔少國家都陸續報名爭奪最佳外語片殊榮。新加坡就揀咗由彭浩翔監製、新加坡導演巫俊鋒執導嘅《身後仕》(Apprentice)參戰。《身》片借一名新入職擔任死刑副執行官艾曼,講述父子情同對死刑嘅批判。彭浩翔噚日喺電話度同馮仁昭講:「要減定肥同埋做定衫,好期待佢哋入到圍。」撰文:馮仁昭




來源: http://hk.apple.nextmedia.com/entertainment/art/20160916/19771956
PermaLink: https://articles.zkiz.com/?id=309402

【馮仁昭四圍超】彭浩翔招募蒲友救《春嬌》

1 : GS(14)@2016-09-27 08:02:25

彭浩翔導演嘅《志明與春嬌》系列,不經不覺已經開到第3集《春嬌救志明》,之前講過有機會搵奧斯卡影帝里安納度狄卡比奧(Leonardo DiCaprio)客串。而《春》片亦已經落實下月底開鏡,上星期三彭浩翔喺facebook公開招募客串。阿彭喺網頁分咗4類合適人士,包括日用文青、夜用潮人同動感運動人,就算唔係以上3種,都仲有歸類為特長嘅奇葩類別。阿彭喺網頁講到明「我們也召集各種奇人異士。如果你覺得自己能人所不能,來吧。」



■余文樂同楊千嬅主演嘅《春嬌》系列,彭浩翔而家喺fb招募新演員。劇照

傾影帝客串

噚日阿彭接受電話訪問,佢話招募宣傳出咗唔夠一個星期,已經收到幾百個應徵,佢話:「開始公佈到而家有幾百人嚟報名,其實4欄係分類,啲人成日問我『入唔到4類咁點算呀?』冇乜所謂,方便大家分吓類啫。最缺係啲潮人囉,跳舞呀、索嗰啲囉,永遠都缺、夜場蒲友我哋永遠都要搵。」阿彭又透露仲有唔少海外人士報名,佢話:「有啲海外嘅影迷應徵,話自己買埋機票酒店都得,只要我哋畀到個日期佢哋請假。但係拍戲個期成日改,搞到我哋好大壓力。」阿彭話因為劇本改動,所以余文樂喺戲中演志明嘅爸爸暫時未出場,之前講過屬意周潤發飾演,至於里安納度方面,阿彭仍然保持聯絡傾談中。撰文:馮仁昭




來源: http://hk.apple.nextmedia.com/entertainment/art/20160927/19782637
PermaLink: https://articles.zkiz.com/?id=310296

彭浩翔賀巫俊鋒奪獎

1 : GS(14)@2016-10-20 08:05:40

彭浩翔監製(右)、新加坡導演巫俊鋒拍攝的電影《身後仕》,近日在香港亞洲電影節放映,巫導演受邀到香港與觀眾分享拍攝心得。早前電影先後去過康城影展、11月又在台灣金馬影展放映,同時代表新加坡報名參加奧斯卡最佳外語片。昨日巫導演憑此片贏了釜山國際電影節的導演獎,作為監製的彭浩翔表示高興,而他最想可以再下一城登上奧斯卡頒獎台。撰文:李森




來源: http://hk.apple.nextmedia.com/entertainment/art/20161020/19806048
PermaLink: https://articles.zkiz.com/?id=312897

【限量三千】彭浩翔出極短篇小說 唔喺書店賣?

1 : GS(14)@2017-01-21 03:37:32

《怪力亂神碎花裙》,載有短古一百,有笑位有哭點。



導演彭浩翔腦筋應該練過瑜伽,所以啲橋可以720度扭來扭去,曲直任我行。佢最近出版極短篇小說集《怪力亂神碎花裙》,收錄100個迷你故事,忽甜忽鹹,又笑又喊,限量三千本,仲話到明永不翻印!出書賺錢難過去火星,佢覺得出版社應該把書變作精品。「實體書一直當自己只係內容載體,電子媒體又係盛載內容,而且唔收錢,出版社即刻覺得世界末日啦!所以書唔應該無限量印,仲要印得靚。呢個價值讀者就唔能夠download得到,佢就會想儲起呢本書。」今次新作都唔會喺書店賣,只在Facebook專頁發售。雖則賣$150,但出版未夠一個月已經賣咗一半。


彭氏幽默好鬼黑,鍾意就好鍾意,唔鍾意你應該睇唔到呢句。

小說裏面好多故事,佢都曾經响微博或Facebook發表,不過啲故事已經去晒「黑洞」,冇啦冇啦。佢笑住話:「我有公主病,好憎人唔長期關注我,所以故事發表咗廿四小時後,我就會delete。你都唔關心我,即係我刪走都唔mind啦!」書內故事可以短到得一行,不過少字又唔代表呃錢!「有啲人以為長篇比短篇難寫,其實越短越難。短篇你需要好明確嘅突轉,唔可以有太多形容詞或內心描寫,完全係水墨畫嗰種白描方法。」佢就非常欣賞日本作家星新一。「佢嘅作品簡潔到只有一頁紙,都能做到有畫面有餘韻,令你睇完諗好多嘢!」思想黑過墨汁嘅佢,硬係要整死好多小說主角。「點解唔諗得極端啲?我同親戚朋友食飯,大家嘻嘻哈哈,我個腦就會飄去諗如果依家有人死會點呢?如果三姑六婆互相殺死大家又會點,我成日諗呢啲。好多人唔會將啲無聊思考寫出來,但我會。」大陸有網絡審查,佢書內某啲故事都曾因「敏感」內容被刪。「審查唔會影響你創作,你先唔好理嗰啲限制,將你鍾意嘅寫晒出來,我覺得冇所謂,反正我冇收微博錢。」他更加決定任由大家改編書內故事為短片。「只要唔涉及商業活動,鳴謝番呢本書,我就可以免費授權,冇所謂。」Done Studio已快手改編書內故事〈分手信〉,佢亦都有喺Facebook分享短片。小說論盡KY與WIFI,有啲濕又有啲黑。吞吐,品嘗,口味好重。不過我記得一個叫〈發現頻道沒發現的動物殘酷故事〉,有隻叫拜仁的鴿,唔妥協,好轟烈,死就死。拜仁死得重過泰山。記者:葉青霞攝影:劉永發2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170120/19902741
PermaLink: https://articles.zkiz.com/?id=323445

【港產發呆王】與彭浩翔同場鬥呆 科大生奪冠靠入定

1 : GS(14)@2017-12-18 04:31:31

科大學生陳棨豪(Hercules)在台灣發呆大賽中奪冠,他指比賽中運用了催眠治療的技巧。

韓國行為藝術家Woops Yang於2014年創立發呆比賽,希望讓忙碌的現代人透過放空釋放壓力,亦視為一種行為藝術。今年亦引入到台灣,第一屆發呆比賽剛在12月初舉行,從888個報名之中票選出70名參加者進行決賽。比賽歷時90分鐘,每15分鐘會測心跳,途中不能說話、睡覺、大笑,違規兩次就會被發黃牌出場。由現場觀眾投選10位出線,再選出心律最平穩的頭三名,同場還有導演彭浩翔參加,最後竟然由遠道而來的科大學生陳棨豪(Hercules)奪冠。


「很多人問你去做甚麼?我很認真說參加發呆比賽,他們都笑,覺得我在搞笑。」就算在得獎後,也有不少朋友的恭喜是語帶調侃。但在他眼中的放空其實很講究,這次比賽也是他最長的放空經驗,除了面對外來刺激,還要整理好身體和思想。「其實一小時二十分鐘,抓癢都不准,太陽曬住,還有六七隻蒼蠅圍住,那刻真的有點崩潰。」比賽進行才半小時,雙腿就開始麻痹,當時不知所措的他生怕一動就會被發黃牌出場,運轉換姿勢也要步步為營,唯有一秒動一點的慢慢移動。致勝的關鍵除了靠催眠治療經驗,就是心無旁騖地專注當下的情況,感受自己的呼吸、脈搏和心跳。


比賽每15分鐘會測量心跳,整個過程都需要保持心律平穩。(受訪者提供)

比賽途中不能說話、睡覺、大笑,連轉換姿勢也要步步為營。



這段冠軍之路原來一波三折,「十月那時,我去了台灣參加比賽,才剛下機收到通知因為天雨關係要取消,延期到何時都不知道。」還是學生要自費機票再次參賽,令他有所卻步。「當時覺得不如算了,幸好同學和組員鼓勵,因為初衷是為了宣傳精神健康。」本來從事催眠治療的工作,早早對冥想、入定有相關的經驗。兩年前開始接觸催眠治療和冥想,更每天都有練習自我催眠、冥想,特別是起床後10分鐘以及睡前30分鐘,他都會做簡單的放空,因此賽前亦無特別練習。「一直覺得香港對精神健康的關注不足,很多人不了解放空發呆,覺得形象負面。」除了參加發呆比賽來宣傳精神健康,他和朋友還開發了精神健康程式,透過冥想放空助人放鬆解壓。


他和朋友還開發了精神健康程式,透過冥想放空助人放鬆解壓。

他對放空的定義就是「You do nothing You think nothing」,專注感受自己的呼吸和心跳。



記者:黎婉婷攝影:周芝瑩



來源: https://hk.lifestyle.appledaily. ... e/20171214/20243704
PermaLink: https://articles.zkiz.com/?id=345524

Next Page

ZKIZ Archives @ 2019