ZKIZ Archives


張堅庭嘆茶講唔停

1 : GS(14)@2016-02-28 16:39:29

【中環】導演張堅庭前日喺中環置地中庭嘅咖啡店,同幾個朋友嘆下午茶食蛋糕,一直有寫開親子專欄嘅佢,舊年仲投資幾百萬喺離島開辦國際幼稚園。見佢對住坐喺面前嘅兩男一女,一時指手劃腳,一時七情上面,幾乎講足全程,十足老細訓示員工咁樣。好彩張堅庭最後都對佢哋笑番,仲好識做咁拎住張單埋咗佢。其實對下屬嘅技巧同教細路一樣,都係要一軟一硬,一收一放,睇張堅庭咁收放自如,就知佢唔係得講字啦!採訪、攝影:朱志聰





來源: http://hk.apple.nextmedia.com/entertainment/art/20160228/19508715
PermaLink: https://articles.zkiz.com/?id=296345

張堅庭大仔紐約畢業

1 : GS(14)@2016-05-21 18:29:53

導演張堅庭大仔張高銘大學畢業了!在美國New York University修讀電影的張高銘,香港時間前晚在紐約Yankee球場行畢業禮,阿庭跟太太楊諾思帶同二女三仔紐約觀禮。阿庭在facebook貼相兼留言表示:「他畢業了,但父母的擔子是永遠的。」當年阿庭在美國深造過電影,不過阿仔這間更加有名,有望子承父業。撰文:楊定





來源: http://hk.apple.nextmedia.com/entertainment/art/20160520/19619463
PermaLink: https://articles.zkiz.com/?id=300875

張堅庭拍片公開支持胡國興

1 : GS(14)@2017-02-02 02:30:42

■胡國興昨觀看賀歲盃球賽,被球迷「捕獲」合照。



【本報訊】上屆特首選舉中支持特首梁振英,後來因此而道歉,並表示感到後悔的導演張堅庭,今屆公開支持退休法官胡國興參選特首,大讚胡國興具備法治和廉潔兩大香港核心價值。胡國興則強調會做好中港之間的橋樑,昨更親身觀看賀歲盃球賽,力挺港隊傑志。



■導演張堅庭支持退休法官胡國興參選特首。胡國興fb片段截圖

讚兼備法治廉潔


胡國興昨日透過社交網站facebook發佈導演張堅庭為他站台的短片。張堅庭在短片中表示,法治和廉潔是香港的兩大核心價值,而胡國興「當官幾十年,為人正直又有同情心,兩者兼備」,加上胡國興為人具幽默感,支持胡官擔任下屆特首。胡國興亦在社交網站facebook留言表示,張堅庭執導的多齣電影都廣受好評,他印象最深刻的,就是《表姐,你好嘢﹗》。胡國興形容該電影以幽默的手法,描繪出當時中港之間的了解與融合,可惜的是,當年的中港差異,多年後的今日仍然存在。胡國興強調若然當選,會做好中港之間的橋樑角色,促進兩地居民相互了解,以包容去處理雙方的關係。至昨晚胡國興再透過社交網站facebook,直播自己親身觀看賀歲盃傑志大戰奧克蘭城的球賽。胡國興直播時剛好是上半場完結、傑志落後零比一,胡官特意為傑志打氣之時,亦支持香港說:「香港加油!」。對於鄉議局較傾向支持林鄭月娥,胡國興表明會繼續爭取鄉議局的支持,但是今天有其他事務,會另外安排時間約見鄉議局。胡國興表示,未來亦會約見民建聯,強調自己就重啟政改的立場在幾名參選人中最為開明,有信心獲得選委的支持。被問及有信心拿到多少張提名票時,胡國興認為毋須猜測,指出:「今日有人話支持邊個,有人又話支持另一個,唔到最後一日都唔知道有幾多票,所以唔好估我有多少票,到我『入閘』嘅時候,你哋自然會知道。」■記者呂浩然




來源: http://hk.apple.nextmedia.com/news/art/20170201/19914303
PermaLink: https://articles.zkiz.com/?id=324890

張堅庭站立天安門悼亡者

1 : GS(14)@2017-06-10 12:22:57

■張堅庭(右)於89年六四事件發生前幾小時曾到過天安門。互聯網圖片



香港人毋忘六四,28年前中共以軍隊殺入天安門,血腥鎮壓學運,支聯會昨晚在維園舉行燭光悼念晚會。近年藝人因要北上賺人仔,所以都盡量封嘴避談政治。


貼屠城前合照

導演張堅庭昨日在facebook分享了友人貼出89年六四屠城發生前,他們身處天安門廣場前的舊照。張堅庭前日留言指六四時正身處北京,他昨日再留言:「上帝當然不會忘記今天的日子,任何政黨、機構、個人如果沒有『愛』,就是背叛上帝。教會可以忘記六四,但耶穌不會,哀悼死亡是沒有政治色彩,同情喪子家屬是人之常情,現在就為未安息及仍在傷痛的祈禱,讓和平鴿子取代不仁。」問到張堅庭對六四28周年心情,他昨短訊回覆:「不講了,要說的都在fb說了。」歐錦棠昨要綵排舞台劇,沒空出席燭光晚會,所以只在fb貼出黑圖悼念。



■吳彤昨穿上黑衣現身維園燭光晚會悼念六四死難者。

歌手吳彤最近為紀念六四的舞台劇《傷城記》創作了新歌《傷城故事》,昨晚更到維園參加晚會。他昨短訊回覆:「今年嘅六四,感覺好矛盾。我明白新一代對六四感覺好遙遠,正如我對五四運動,甚至六七暴動都覺模糊。但問題係唔可以欺騙自己,以為唔講六四,唔理內地就發展到香港民主。政治現實話畀我聽,如果內地唔改變,香港無論喺爭取民主,甚至保持法治亦會相當困難。所以,無論係個人情感或者面對現實,我哋都必須讓六四嘅理念傳承落去。」採訪:劉敏




來源: http://hk.apple.nextmedia.com/entertainment/art/20170605/20044308
PermaLink: https://articles.zkiz.com/?id=334595

張堅庭父子檔寫劇本

1 : GS(14)@2017-06-10 13:30:43

張堅庭與大兒子張高銘昨日到金鐘出席芝柏錶活動,他們早前為品牌拍攝微電影《追風的女孩》,細仔張高翔亦有份演出,三父子首次合作,張高銘笑說:「電影上要求唔嚴,因為佢拍上集,我拍下集,可能我個下集要求仲高過佢。」他謂爸爸會為他擔任副導演:「我同佢一樣對講故事好有興趣,我欣賞佢嘅幽默。」張堅庭透露兩仔爺已合作寫劇本:「我處理中文版,佢就寫英文版,我都想同佢合作,今次都係個好好嘅紀念,令佢對拍攝同電影後期製作有經驗。」張高銘指如將來與爸爸再合作,主要是為家人爭取更多相處時間。採訪、攝影:盧妹




來源: http://hk.apple.nextmedia.com/entertainment/art/20170609/20049222
PermaLink: https://articles.zkiz.com/?id=335112

張堅庭籲Celine爸道歉

1 : GS(14)@2017-06-25 11:26:55

同樣為人父親的張堅庭昨日在奥海城出席《表姐,你好嘢!》分享會,提到Celine妹妹事件,他覺得一位9歲小女孩唱歌好是難能可貴,亦可以看得到Celine愛唱歌兼跟父親關係不錯,但他擔心當傳媒追問父親新聞時,Celine未必懂得處理,他說:「我覺得佢父親應該獨自處理,佢都算係公眾人物,如果個女想喺歌唱事業發展,佢可以出來回應問題,有錯咪道歉,公關步驟一二三,將個女唱歌同自己切割出嚟。」又謂事件繼續拖下去,情況會很尷尬。在分享會上,張堅庭大談當年和鄭裕玲合作點滴,當年他以鄭裕玲既獨立又毒辣的形象,作為角色藍本設計,沒想到28年後,劇情近似現時社會討論話題。採訪:馬建華攝影:沈健程




來源: http://hk.apple.nextmedia.com/entertainment/art/20170625/20067630
PermaLink: https://articles.zkiz.com/?id=337003

紐約聯合國同學添好奇心張堅庭大仔 電影表達思想

1 : GS(14)@2017-07-07 01:32:59

■張堅庭喺電影工業多年,大仔張高銘(左)自小受他薰陶,在大學時修讀電影。



【向世界升學】張堅庭嘅23歲大仔張高銘(Justin)舊年喺紐約大學名府Tisch學院電影畢業,嚟緊會去羅省做實習,之前佢拍咗一條關於佢哋家傭YaYa嘅紀錄片,希望為傭工發聲。阿庭支持囝囝讀電影:「佢鍾意讀乜咪讀乜,我冇意見,佢讀考古又得,讀鋼管舞有學位,冇乜所謂,critical thinking先係重要。」而Justin就認為:「我由細到大都鍾意睇戲,拍自己電影,唔一定有古仔,好似拍屋企旅行,甚至追女仔,我覺得寫一封情書唔夠好,拍電影對我係最好表達方式。」



■Justin(左二)舊年喺紐約大學Tisch學院畢業,全家總動員開心去觀禮。

■Justin剛拍關於香港菲律賓傭工紀錄片,以一手湊大佢嘅菲傭YaYa(右)為故事藍圖。


「讀乜冇所謂」

Justin喺大學除讀電影,有讀考古、政治學、人類疾病等課程,豐富自己眼界,更因身邊嚟自聯合國嘅同學、烏克蘭籍女友,通過互相辯論、影響,增加對知識好奇心,而阿庭就認為Justin變得獨立有紀律。講到做電影工作出路,阿庭認為:「你要記住讀乜嘢科目,基本上早年已有30%唔match,有啲甚至工程師、醫生咁專業都唔match,所以我覺得讀乜都冇所謂,讀電影係同藝術有關係,係視覺藝術,對白嘅藝術、表達藝術,將來個社會係最需要,係學緊一啲謀生工具嘅訓練,出路係好闊。」場地提供:sfs cafe、odd one out




來源: http://hk.apple.nextmedia.com/entertainment/art/20170706/20079970
PermaLink: https://articles.zkiz.com/?id=338191

Next Page

ZKIZ Archives @ 2019