ZKIZ Archives


無綫開倉 雛鳳半球 阿Sam廿萬

2010-12-02  NM




近月盛傳賣盤易主的無綫,為爭取時間盡用資源,連「柄」在資料庫多時的陳年節目及精華片段,都變為搵錢工具;其中陳年《歡樂滿東華》中多段雛鳳鳴經典折子戲,更成為最值錢的珍藏,開價半百萬,一樣有人爭。

眼見雛鳳鳴片段賣到好價,無綫竟連幫政府拍的宣傳節目,亦當筍嘢掟出市場,實行有殺錯無放過!雛鳳鳴最搶手

無綫開倉,一些具有紀念價值的節目,如歌神許冠傑、已故的鄧麗君及梅艷芳等神枱級音樂特輯,影像版權叫價高至二、三十萬一輯。

不過論搶手,則是過往在《歡樂滿東華》中,例必做壓軸的籌款王牌,雛鳳鳴折子戲演出片段,無綫一口氣將十二輯雛鳳鳴《東華》演出片段出售,劇目包括《帝女 花之香夭》、《再世紅梅記》,還有九二年龍劍笙為《東華》最後一次幕前演出的《紅樓夢之幻覺離恨天》,片段由八分鐘到長至廿分鐘均有,叫價五十萬。

「雛鳳鳴個招牌本身就值錢,而呢啲片段喺《東華》播出一次就無再曝光,加上龍劍笙退休移民加國咁多年,呢啲片段對想賺到盡嘅無綫嚟講,當然係寶,叫高個價 不特止,就算肯俾錢買,仲要過幾關,除咗俾錢無綫,仲要向娛樂唱片公司買音樂版權,最難嘅一關就係要得龍劍笙同梅雪詩同意,雖然係咁,但都好多人爭。」據 知情人士透露,這批雛鳳鳴《東華》精華,最後由製作公司新娛國際的丘亞葵成功爭到手,將輯錄成四套DVD推出。

《城市追擊》都要賣

要賺到盡,無綫採取漁翁撒網手法,由音樂特輯、廿幾年前的《十大勁歌金曲頒獎典禮》、慈善節目《星光熠熠耀保良》,至追貼時事的陳年作品《城市追擊》,甚 至只得五集,每集幾分鐘的政府宣傳節目《分分鐘職安健》都有得賣。「佢哋連啲政府宣傳節目都攞出嚟問班發行商有無興趣,邊有人買o架!點解要買《城市追 擊》?唔通想睇番啲過時新聞咩!無綫摷晒啲倉底貨出嚟,刮得就刮。」

另方面,丘亞葵承認購下《東華》中的雛鳳鳴演出片段。「幾多錢買我唔方便透露,總之都係高價,但絕對值得。阿刨(龍劍笙)同阿嗲(梅雪詩)都好想透過今次 機會,將佢哋多年嘅演出好好咁重整,藉此將粵劇藝術流傳落去。(有無聽過無綫連政府宣傳節目都拎出嚟賣?)呢個我又唔知喎!」

滴水不漏

一台獨大,TVB仍堅守「慳到底、賺到盡」的大原則。慳家六嬸揸旗後,即起用出名數口精的李寶安管數,節流開源,嚴守精打細算。

搵贊助

慳得就慳,就算製作預算亦冇情講。處境劇《同事三分親》經常到某咖啡連鎖店取景,免收場租,條件是鋪頭商標出鏡一兩秒。過去TVB有專責部門監控商標出鏡 事宜,但為咗錢,已放寬規限,商標出鏡當賣廣告收費,無綫劇集經常出現個別商品定鏡,邵氏電影《72家租客》中,贊助商俾幾萬蚊,就換取到商標在一場旺角 街景中出現。慳錢同賺錢,一舉兩得。

推巨星幫

TVB為版稅問題與四大唱片鬧翻,可用歌手買少見少。為充撐場面,於是力谷巨星幫新人,大小騷通殺,更以低價頂爛市接job,搶盡二、三線藝人飯碗。

唔俾飛廣告

所有搵錢位都唔會放過,就連MyTV都淪為廣告商根據地。網民上TVB官網重溫的不是節目,而是不斷重複的廣告,15至30秒不等;每次click都會自動replay,焗睇無得skip。


PermaLink: https://articles.zkiz.com/?id=19894

專業車手坐鎮 單車鋪月賺廿萬

2011-4-7 NM




上週三,港隊單車手郭灝霆在荷蘭 世錦賽中奪冠,再創車壇奇跡。車手爭氣,令單車運動愈受重視,坊間更颳起一股「踩車熱」。開業八年的單車鋪——野牛單車(Bull Bike)食住熱潮,去年底投資五百萬,於油麻地租下六千呎唐樓,實行「發大嚟搞」。三十八歲的老闆何永生為求突圍,招攬一批前港隊車手做員工兼「生招 牌」,當中包括東亞運金牌得主,以及三項鐵人賽明星運動員李致和。車行以星級專業做賣點,主攻中高檔單車市場,現每月營業額逾二百萬。

野牛單車(Bull Bike)位於廣東道與窩打老道交界的唐樓,六千呎的店鋪,過百架公路車及山路車各佔一半,主打加拿大Cervelo、瑞士BMC兩大品牌,加上各式配 件,價值逾四百萬元。野牛賣的專業單車,入門版最平都要過萬元。「一玩就上癮,最鍾意同班朋友講吓單車性能,為咗令車身更輕,會不斷加碼買新配件。」在會 計師樓工作的阿Tang,踩了四年爬山車,第一部買入的二手單車僅三千元,現已準備擲過萬元「砌」車。

人稱「牛叔」的老闆何永生,既非專業車手,亦不懂「砌」車。領軍幫他賺錢的,是一班曾在本地及國際賽事獲獎的前港隊車手,由物色車款、推銷、砌車到客戶服 務等,一手包辦。上週六,多哈亞運三項鐵人賽銀牌得主李致和亦「埋陣」開工,令這個團隊增至五人。根據牛叔的如意算盤,單是團隊在車壇的知名度,已可吸引 不少忠實粉絲,變相免費宣傳。同時,再根據各人的專長分工,打造「專業」形象。「佢哋未退役我已經碼實o架啦,不過佢哋鬥車叻,社會經驗卻未夠,要好好管 理。」且看牛叔如何運用各人專長,幫他「生金蛋」。

銷售專員

鄧宏業(阿業)

戰績:09年東亞運公路車賽金牌

專長:口齒伶俐,擅於冧客

工作年期:3年

牛叔將當年贊助阿業出戰東亞運,奪冠而回的Cervelo戰車,掛在店鋪當眼處做生招牌,車價逾十萬元。「有粉絲一望到我部車,就話要砌部一樣嘅,仲要埋 我簽名。我仲會將戰衣掛喺鋪頭,幫野牛宣傳。」一臉陽光氣的阿業,經常笑口迎人,由於名氣大,又健談,主力負責銷售及接受媒體訪問。「唔同牌子嘅公路車佢 都踩過,好多初入行嘅顧客都信佢嘅推介。」牛叔指,近年越來越多女性玩專業單車,「依家有一成客係女仔。」

為吸引初學者,牛叔不時轉介員工做教練賺「外快」。牛叔不計較,學費教練自己袋,令阿業心服。「當年我退出港隊,留喺野牛打工,牛叔卻出錢出力支持我繼續參加東亞運,佢話我有前途一定得,叫我堅持,點知真係贏咗。」

專家顧問

陳玉光(光哥)

戰績:90及91年香港單車錦標賽冠軍

專長:經驗豐富,客人拜服

工作年期:4個月

光哥是單車界的老行尊,與洪松蔭同期加入港隊,退役後曾任單車教練,於大型單車鋪工作、司機等雜工。四個月前,他到野牛買東西,主動問牛叔「有冇嘢做」, 牛叔知道他經驗夠,便即時請他,主力替客人做Bike Fitting(包括度身、調校車身等,再自行配搭零件)。一架現成貨公路車只需兩至三萬元,但若自砌配件,埋單由數萬至十多萬元不等。以座位為例,普通 牌子五百元,但名牌要四千元,就連原本一蚊一粒銅螺絲,也有四十元的鈦金屬版選擇。

現時,公司平均每日可賣出一部單車,九成半的客人都要求「砌」車,很少原封不動買現成貨。光哥表示,為客人度身,有如中醫診症。「有個四十吋肚腩的男士走嚟問我,點解踩踩吓單車會腰骨痛,我話佢彎低身谷住肚腩扯住條筋,梗係會痛,調低座位咪無事。」

貨倉總管

林定邦(阿邦)

戰績:06年全港公路單車賽第一名

專長:細心、統籌能力高

工作年期:4年

野牛去年底由旺角搬至油麻地,面積大了一倍,存貨亦倍增。牛叔看中阿邦對零件品種熟悉,記性好。「一部單車基本有二十幾個配件,每個配件又有不同款式,貨 倉差不多有十萬種,佢分門別類好快。」牛叔指,公司每年向加拿大Cervelo及瑞士BMC的香港代理入貨,每個牌子約一百五十架,合共要五、六百萬元。 「一年大約賣剩二十至三十萬貨,約二十架車,年尾就會減價清貨,有時減到半價。」牛叔說,一部單車毛利約四成,半價已要蝕錢,但總好過「責死貨」。

○七年已加入野牛的阿邦,是團隊中年資最長的,但亦最「難教」。「初時成日參加比賽,鍾意返工就返,仲成日遲大到。」阿邦說,在旁的牛叔聽到即接口道: 「以前話吓佢,佢立刻反駁。罵冇用,我就笑住來同佢講道理,佢又聽喎。」阿邦笑着「窒」牛叔:「而家唔敢啦,有老闆娘坐鎮睇實,遲到又要扣人工。」

客戶專員

徐震球(阿球)

戰績:04年亞洲錦標賽落山賽第三名

專長:人緣佳,拉攏熟客

工作年期:1年

早在○四年,阿球已在野牛做暑期工。去年牛叔胞妹結婚,發現阿球原來是妹夫胞弟,便叫他來幫手。阿球退役後活躍於單車聯會「鬥車」,不少「車友」因此成為 野牛的熟客。「做銷售係推銷人唔推銷貨,同人熟絡,佢一定返來幫襯我。我會確保公司有利潤之餘,俾到最大折扣客人。」阿球得意地說。不過牛叔卻有微言。 「佢賣嘢習慣鬆手,鍾意俾好多折扣,咁都唔係辦法,有時客人講求服務多過計較價錢,我惟有叫佢做多啲文書。」不過,為增加公司商品的曝光率,牛叔不時會贊 助單車賽事。去年底,他還參與組織單車運動學會,為一眾業餘及專業單車友提供聚腳場地,並用三十萬元訂製了六十套學會單車衣。「每套單車衣出面賣緊六百幾 蚊,但我會平一半賣俾會員。」

採購專員

李致和(阿和)

戰績:06年亞運三項鐵人賽銀牌

專長:人際網絡強助拓展

工作年期:1星期

在運動界享負盛名的李致和,原是野牛熟客,牛叔亦有份贊助單車予他出賽。去年底新鋪開張,牛叔睇中處於半退役狀態的阿和,力邀加盟,負責採購業務。「牛叔 比其他單車鋪老闆有誠意,不時同我講佢唔只賣單車,更想我幫佢拓展三項鐵人產品市場。人工約二萬元,同一個全職運動員收入無分別。如果我去搵其他工,未必 係咁嘅待遇。」阿和說。

牛叔希望借助阿和拓展品牌。「近年網絡二手配件大賣,價錢往往平一半,要諗多啲計吸客。阿和以前多次代表香港出賽,獲不同的廠商贊助,對產品牌子認識多,而且對方聽到佢個名,都會易傾好多。」

請會計難過登天

原本從事電腦系統程序分析員的牛叔,大學時已迷上踩單車,後來發現天水圍屋企附近單車鋪不多。「想買部單車俾姪仔都無。」○二年邊打工邊創業,店鋪面積只有三百呎,主要賣菜籃車及出售小量的專業單車零件。

兩年後,他發現普通單車鋪市場「做唔大」,專業配件則愈來愈講究,便辭掉年薪六十萬元的正職,轉投專業單車市場。「好多客人買部單車當砌模型,特別係專業人士,佢哋會請兩個星期假買機票去夏威夷踩單車。」

開鋪八年,由天水圍、旺角到油麻地,共搬鋪五次,愈做愈大,但請會計一職屢碰壁。「招聘廣告上寫體育用品店,點知應徵者來到門口,見到係單車鋪覺得無前 途,約咗面試都唔見,我心都實埋。」幸好去年結婚後,牛嫂答應幫手管數。腹大便便的牛嫂在一旁笑說:「好在佗緊嘅係仔,第日落鋪頭玩車轆,應該幾開心。」

五大熱賣車款

收費度身訂造套餐

牛叔去年到美國,於紐約Serotta international cycling institute(簡稱SICI)學習Bike Fitting,學費五千元,並引入近廿萬元專業車身量度儀器,對象為一班講究單車舒適度的業餘車手,度身訂造最佳尺寸,以免拉傷筋骨。車主先要度身高、 腳掌尺寸、下胯位高度等,再到專為測試用的特別車,連續踩半小時以上,其間拍攝下輸入電腦以慢鏡進行分析,並不斷調整騎姿,全套服務約二千五百元。

開業資料(11/2010)

租金:$400,000 *

入貨:$4,000,000

運費:$50,000

裝修:$800,000

雜費:$150,000▲

人工:$200,000△

總投資:$5,600,000

*三個月按金、一個月上期

▲包括安裝防盜系統及管理費等

△連老闆共15人

營業資料(3/2011)

營業額:$2,000,000

銷售成本:$1,320,000

租金:$100,000

運費:$30,000

雜費:$120,000

人工:$250,000

盈利:$180,000

 


PermaLink: https://articles.zkiz.com/?id=23927

潮媽熱捧日韓童裝店 月賺廿萬

2011-4-21  NM




又到換季時節,一眾年輕媽咪忙着 幫自己及年幼子女置裝。沒錯﹗童裝也講求潮流,麵包超人、多啦A夢等公仔衫已過時,與大人服裝款式相近的恤衫﹑牛仔褲等,才夠潮夠型。育有三子的 Billy及Joeie兩夫婦,睇中童裝潮服市場,六年前在佐敦廟街開設OTARU KID'S(小樽童裝店),主打日韓童裝,老公做買手,老婆睇鋪兼做形象指導,得到中產潮媽熱捧。創業一年多,已由百多呎小店搬至二千呎大鋪,每月營業額 達七十萬元。去年底,兩夫婦「再下一城」,在銅鑼灣開分店「賺到盡」,兩店上月盈利逾二十萬。

春夏交接,位於銅鑼灣加路連山路的小樽童裝店門口,已擺上鮮花盆栽配木欄杆,猶如一個小花園,再掛上一套套米白及粉色短裙﹑恤衫。上週四傍晚,住在附近的 王小姐接兒子上完游泳班,被小樽門口的「花園」吸引,老闆Billy馬上出迎道﹕「入嚟慢慢睇啦。」王小姐走進店內,由Joeie接棒招呼。七歲的小男孩 立即被沙發旁的玩具箱吸引過去﹐兩位師奶邊揀邊聊起湊仔經,最後王小姐索性回家把三歲女兒亦帶來試身。「你睇佢好瘦。」Joeie拿來一套黃色公主裙,分 析道﹕「囡囡唔可以著緊身衫,反而公主袖膊頭闊啲,加上傘形裙望落去身形肥啲,更加精神。」兩位小朋友在玩具箱旁玩得不亦樂乎,王小姐愈揀愈多,最後買下 三十多件衣服,合共逾八千元。「好多時都有呢啲客,睇完覺得靚便買晒一季嘅衫。」Joeie笑言。

不少客人更因此同Joeie做了朋友,當記者提及想找小朋友拍照時,Joeie馬上致電兩位熟客,兩位媽咪即時答應,雖住在九龍,亦專程陪小孩坐車來到港島拍照。能夠贏取一眾潮媽歡心,小樽的賺錢方程式,離不開湊客﹑入貨及揀鋪三方面。

湊客

★形象指導幫手扮靚★玩具區馴服小朋友正值換季,小樽不論總店或分店,都見到一個個白色四方膠盒,原來是Joeie為熟客預留的衣物。Joeie表示,客 人買滿一千元便可成為會員,有八折優惠,現有五千名會員。入會時,她會記下小孩的性別、年齡、衣服尺碼等。每有新貨到,就會按照熟客的喜好及子女的資料, 預留服飾,每人近三十套,再致電客人來挑選,付款後還可免費存倉,到天氣合適時才來取貨。上週六,住在奧海城的陳小姐,帶八歲女兒Chloe來拍照,順便 試穿Joeie為女兒預留的一大盒衣物。「以前以為買名牌實無死,但顏色沉,又下下要乾洗,細路仔好易整污糟,好麻煩。Joeie教我買日本花衫,令女兒 睇上去更活潑,佢揀嘅衫,我八、九成都會買。」已幫襯四年的陳小姐,每次轉季前兩個月,便幫女兒買定新一季服裝,每季消費超過二萬元。逢週末週日及放學 後,店鋪角落的玩具區,便圍滿小朋友,旁邊設有的紅色大沙發,方便家長幫子女試鞋。「以前帶個仔去買衫,試唔夠兩件就吵住走。小樽布置到好似幼稚園,個仔 有玩具玩無咁悶,我可以慢慢揀衫。」何太第一次幫襯,逗留近兩小時,埋單四千多元。

入貨

★獨家代理穩定貨源★提早一季落訂單★地震後增加韓牌老闆Billy做過大型潮流大人服飾的批發商,兩夫婦睇中日本牌子款式變化多,店內共有三十多個品牌 服裝,七成來自日本。「睇日本雜誌,如《Maria》,見到鍾意嘅品牌,會先發電郵予廠商要求拿貨,及參觀廠房。」Billy專挑中價品牌,現公司獨家代 理三個日本童裝品牌,包括Chip Trip、Whip Cream及Gemeaux。「三個牌子都經常係日本雜誌出現,根據合約,我哋每季都要買下品牌整個系列約五成至七成嘅款式,大約廿、三十萬嘅貨。」 Billy說。日本服飾要提早一季訂購,四月訂秋冬季,八月訂翌年春夏款式。「基本上睇住大人衫嘅款同色調,已估到童裝潮流,例如今年夏季女仔以喱士為 主,男仔興間條衫。」Billy指,三月日本發生地震,連累三、四月份的夏季貨源短缺,「地震後好驚,打去日本廠商無人接聽電話,我哋即時飛去大阪搵佢 哋,知道廠房冇受影響,不過而家係緩衝期,暫時缺貨。」夫婦馬上想對策,將韓國品牌所佔比例提升至一半,最近一個月更兩次飛去首爾採購。小樽的童裝售價由 二百元至逾千元,五至六歲尺碼最暢銷。「日牌質地出名舒服,近年韓牌冒起得好快,但手工細節如袖口、領位始終無日牌做得咁仔細。」他們亦試過「踩地雷」, 「入貨時無得試,望住張相覺得個款靚,入咗幾十件,每件過百元,返貨先知質地無彈性,小朋友個頭過唔到領口位。」Joeie惟有將三歲服裝賣給一歲小童散 貨。每逢轉季,店內都會減價去貨,最低七折。至於定價,Joeie指由於入貨量大,店內衣物定價甚至低於日本當地,毛利約四成六。

揀鋪

★「黐」住食肆吸人流★提早一年「碼」靚位Billy和Joeie都喜歡小孩,大仔已十三歲。○六年,Joeie提出開童裝店,Billy便辭職,夫妻檔 創業。第一間位於佐敦廟街,只有百多呎,「佐敦人流旺,西九龍發展後,由凱旋門到奧海城呢段,大部分是豪宅及中產屋苑,除咗Element,好多人會來佐 敦消費,成個區出名多嘢食多嘢學,附近有馳名的澳洲牛奶公司、九記煲仔飯,葉詠詩嘅葉氏兒童合唱團亦喺寶靈街。」食肆帶動人流,一年後,剛好隔壁逾二千 呎,上下兩層的鋪位騰空,便膽粗粗租下,下鋪上倉。Billy指,開業時賣潮流型格童裝的店不多,反而流行卡通、公仔的可愛型款式。但自進駐佐敦後,帶起 附近類似的日本童裝鋪開到成行成市,最近又有一間賣兒童服飾的店鋪開正對面,現正在裝修。面對激烈競爭,他信心十足道:「好多人以為賣童裝好容易,就算揀 啱位,但一時賣好貴,一時一百蚊兩件大減價,成本都蝕埋,好難撐得住。」睇住對手來打之餘,Billy一年前已「碼實」港島旺鋪,準備開分店。「做落發現 好多客喺港島過來嘅,有啲來食飯,有啲帶小朋友來學嘢,決定開分店後即刻搵鋪,如果等到『旺鋪招租』街招貼出來先至搵鋪已經好遲。」當時,他睇中銅鑼灣加 路連山路不斷有中高檔西餐廳進駐,包括泰式、日式及英式餐館等,人流暢旺,便聯絡地產經紀查詢租約到期日子。現鋪位約八百呎,每月租金四萬元,與佐敦店相 若,開業只四個月,已月賺五萬元。「有好多大陸、東南亞嘅公司走來問我,要加盟做特許經營店,但我唔想,鍾意自己夫妻拍檔做生意。」Joeie笑說。

銅鑼灣分店

開業資料(12/2010)租金*$138,000入貨$500,000裝修$300,000雜費$50,000總投資$988,000*兩個月上期,一個月按金

營業資料

(3/2011)營業額$300,000入貨$160,000租金$46,000雜費$10,000人工*$36,000盈利$48,000*包括三個長工

 


PermaLink: https://articles.zkiz.com/?id=24331

唔怕醜袁彌明賣雜貨出位招賺廿萬

2009-8-20  NM




現年二十八歲的過氣港姐袁彌明(Erica),從十四歲開始做模特兒、拍電影。近年又經常在其個人網誌、網上電台、甚至城市論壇論盡娛樂圈,言行出位,一度惹來不少報章雜誌訪問。不過,年輕貌美的「o靚模」一出,她只能淪為評論員,在旁抨擊歪風。

長 江後浪推前浪,娛樂圈就是那麼現實。「搵唔到食」的Erica絕非無腦,她利用本身的知名度,在銅鑼灣開設樓上鋪「袁彌明生活百貨」(mi ming mart),轉戰商界,賣其代理的美容及護膚品,月入竟然也有廿萬。她說相比娛樂圈「好睇唔好食」,現在收入實在豐厚。

記者初次見袁彌 明,她笑容可掬,比平時在電視上見到「串串貢」的樣子不一樣,但不足兩分鐘她已變臉。租用其鋪部分位置開化妝班的拍檔Kenneth,隨意用了其電腦查閱 電郵,她即時噴火:「我都話咗部電腦係我私人o架!我隨時要用,你自己買番部入去用啦,嗰幾千蚊!」她這番話提醒所有人,她並非容易相處。

袁 彌明的鋪頭於本月開張,她把鋪名以自己的名字命名,賣自己用後認為好的美容護膚及家居用品,連鋪頭紙袋都大大隻印上自己的名字,簡直將自己變成生招牌。開 這間鋪的念頭來自她的一次工作,「當時女性雜誌《ELLE》找我寫blog,介紹護膚品。不過我在其他媒體已有數個地盤,已無時間再寫。」於是她主動要求 改為拍攝短片,親身上陣介紹她使用過的新奇護膚用品或將自己的美容經驗與觀眾分享。

爭代理撼贏屈臣氏

直至今年一月,她介紹一隻由美國公司pHion 出產的綠粉,產品含四十多種已經處理的蔬菜粉末,她已經吃了兩年,每日沖水飲用,可令皮膚質素改善及通便秘。短片一出,即惹來數百個讀者向她留言,紛紛表 示於香港購買不到,要求幫忙。「咁我就幫佢哋向美國生產商直接訂貨,一個月已經收咗八百幾張單,最初只係收番車馬費同運費。」之後每個月,她都收到逾千人 要求她代買綠粉。一個月後,突然殺出一個程咬金,「供應商嗰邊話俾我知,屈臣氏想向佢哋攞綠粉的代理,我聽到嗰陣覺得好嬲,我咁辛苦幫個原本香港冇人識嘅 產品做起咗個品牌,你一下子想搶咗去?」

二話不說,袁彌明即時預備計劃書給供應商,爭取該產品的代理。她向美國總公司分析,香港女士都貪小便宜,故提議推出買三罐綠粉送一罐的優惠;而且送出的一罐,費用由她支付。她更自掏荷包印製有關該綠粉的宣傳單張,及變身產品代言人。袁在過去取貨其間,已主動向該公司提供顧客意見和銷售數字等數據,美國公司覺得她有誠意,最後決定把產品代理權交給她,「屈臣氏只肯承諾每月最少賣出六百罐綠粉,我一個月都賣過千罐啦,根本佢哋就冇誠意攞個代理權!」

除 了綠粉,她亦代理了一個護膚品牌SYNERGIE MINERALS,主要出產防曬、護膚用品。傾談代理時,她主動邀請代理商來港視察環境,並支付其食宿費用。兩款產品都不用代理權費用,只收入貨價,而袁 彌明的零售定價,與供應商訂立的最低銷售價格一樣,即毛利約三成。另外她亦引入其他簡單的化妝及護膚用品。

素顏拍片谷產品

拿 了兩個主要的代理權,袁彌明沿用拍片介紹產品這招,並放上YouTube免費宣傳,甚至在此與網友對話及介紹產品;而且有自己的生意後,她更加「賣命」, 即使是賣腳皮銼,她會將腳對準鏡頭,一路挫自己的腳板,一路講解她所介紹的死皮銼有何優點及其使用方法,此時鏡頭還近鏡見到她的死皮。其他雜嘜牌腳皮銼一 般售價三、四十元,她介紹的要一百六十二元,今個月已經賣了一百個。在介紹粉底時,她亦會以「嚇人」的素顏上陣,由粉底搽起,逐步教讀者怎樣使用化妝品, 可謂犧牲「色相」。

她希望這些「真人Show」,可加強生活百貨的形象,令客人不會覺得短片一味「hard sell」。看過短片而買綠粉的客仔Bernice說:「佢啲短片喺自己屋企拍,好生活化,同埋可信性高。我成日去唔到廁所,飲咗綠粉後腸胃真係好咗!」 袁有賣暗瘡產品,但就從未拍過有關去暗瘡產品的短片,「我都無乜暗瘡,好無說服力,雖然我知道呢類產品會好好賣,但我都只係暫時入咗一啲貨,要諗吓點 sell。」

要引起讀者追看短片的興趣,袁彌明說還有竅妙:「我每條片大概長八分鐘,如果淨係講件產品點好係好悶嘅。每隔約三十秒就要提出 一個女性關心的話題,如便秘、黑頭太多等字眼,目的是吸引讀者繼續看下去。如介紹由橄欖油提煉的護膚油Squalene時,她在短片中說:「點解要用 Squalene呢?因為廿五歲以上的女性皮膚質素會急轉直下……」廿秒後,她提出:「我知好多女士都會話『我塊面已經好多油o架啦喎,仲搽油?』其實 Squalene只係身體流失咗嘅嘢,唔係油嚟o架,係……」

找拍檔分擔租金

最初袁彌明在網上售賣產品,還租用荃灣荃豐中心 格仔鋪兩格,及擺放小部分到位於尖沙咀海防道的AnthonG護膚品專門店,增加銷售點。自信爆棚的袁彌明覺得她是AnthonG的重要收入來源:「我淨 係佣都俾佢哋近九萬蚊o架,唔信你問吓佢哋吖!」由於生意愈來愈好,她開始在facebook賣廣告,大谷知名度;並於今個月開始租下位於銅鑼灣富明街的 樓上鋪,除了賣其代理的兩個品牌產品外,她亦積極在外國雜誌、網站找新產品,及從她的顧客中找靈感:「客人生痔瘡都問我!試過有fans口唇的皮經常甩, 問我點算,我最後就搵咗隻sara happ lip scrub的磨砂產品俾佢,佢用完之後,嘴唇甩皮問題即刻有改善,我亦因此引入呢隻牌子。」

銅 鑼灣樓上鋪租金一萬八,為了分擔租金,她亦計好數,拉攏替她化妝兩年多的化妝師Kenneth,分租了其中五十呎的地方作化妝室,為客人提供化妝意見及開 設化妝班。Kenneth曾替娛樂圈中人樂基兒、蔣怡及蔡少芬等化妝,行內有名,「除咗減輕負擔,佢嘅學生上完堂又可以過嚟睇嘢,我嘅客買完嘢又可以望吓 化妝課程,互相帶動人流。」而Kenneth亦覺得跟袁彌明拍檔有好處:「我係一個好傳統嘅化妝師,只識化妝。但佢好有marketing sense,佢建議我點宣傳及定價,又教咗我做生意應幾時及點俾discount。」

○五年參選港姐的袁彌明,會考二十四分,有六個B,在美國Tufts University修讀經濟。她的爺爺袁勃,經營攝影器材,是廣東道「科苑」相館的創辦人。父親袁弓夷又是做生意,其公司Teleart專替Casio製造手錶,並曾在Nasdaq上市。因此,她自問天生就是做生意的材料, 娛樂圈只是她從商的踏腳石而已。

開業成本02/09

入貨︰$190,000

雜費︰$6,000

運費︰$1,500

總投資︰$197,500

營業資料18/7-17/8/09

營業額︰$903,000

入貨︰$500,000

佣金︰$87,000

租金^︰$35,000

人工*︰$40,000

運費︰$14,000

廣告︰$15,000

雜費︰$10,000

盈利︰$202,000

^租金包括樓上鋪、格仔鋪及貨倉

*人工包括五名兼職員工

 


PermaLink: https://articles.zkiz.com/?id=24676

首廿萬投資只可買一只股票 (舊文章修改後重溫) 止凡 Blog

http://cpleung826.blogspot.com/2011/08/blog-post_13.html

弟弟一年多前剛出來工作, 開始接觸股票, 身為哥哥的我當然要指點一下迷津, 我倆平日都有討論投資理財的問題, 他對我的理念一向都頗認同及清楚。

其實我一早就鼓勵他開投資戶口小試牛刀, 因為只看書、看資料及討論的話, 理論再好也只是紙上談兵而已, 很難鍛鍊出投資時的EQ出來的, 現在他終於開了戶口, 隨時可以action了! 為了使他更了解什麼是價值投資, 我建議他在首廿萬的投資只可以選擇一支股票, 當選定以後, 買賣操作都只可以局限在這一支股票上。

起初他也不明白, 我解釋了這個限制起碼有四個好處, 第一是集中投資, 廿萬對一個剛出來工作的畢業生可算是不少的數目, 但我告訴他, 當進入投資市場, 這個數目少到不得了,  把資金一分再分, 一些股上升一些股下跌這些拉上補下的投資方法, 只是因為對投資的股票不了解而以為分散風險, 實際風險還在 (不了解就是不了解, 對投資不了解就是風險), 用少數資本還把火力分散, 根本起不了什麼回報威力。

第二, 減少多餘費用, 如果得十萬分散成二十支股票, 平均一支買入幾千元, 假設平均一支股票每年派三次息, 以匯豐戶口為例, 每次派息時銀行都收$30, 一年就蝕了$1,800, 這個只是動也不動地收股息都要付的成本, 還未有計算買入賣出二十多支股票的操作成本, 七除八扣, 如果投資組合是一百萬以上, 這些手續費所佔的巴仙還可以吧, 但如果資金本身已經不多, 多買幾支股票不是好主意。 

第三, 人沒有無限時間, 加上剛出來社會工作, 在工作上還要花很多時間學習, 回家還要研究數以百家的公司, 我覺得不可能, 誰說可能的話只是因為根本沒有研究得透徹就完事, 所以最終只會沒有好好研究及了解要投資的股票就買入, 把所有精神時間集中研究一家公司, 這樣會比較可行。

第四也是最重要的一點, 就是如果只給你投資一家公司的話, 你一定不會草率行事, 我作出一個假設性問題, 就是現在你有資金可以搞生意, 搞什麼生意都可以, 而這盤生意是上市公司中任選一間, 但要專心做這盤生意, 不可以做東又做西, 這盤生意就是你的唯一家檔, 在這個前題下, 你的投資決定將會有很大變化, 例如看見雜誌有專家說內地大西北的供水問題嚴重, 未來水利的公司十分有前景, 值得買! 好了, 現在你選了這家水利公司後就只可投資這一家公司, 你會選嗎? 不會, 但如果沒有限制, 很多人都會小注投入些仙股毫股, 或看兩頁雜誌再上網 click 兩下就入少少貨, 試一試運氣之類, 或以為自己對投資目標已經了解非常, 但如果只可買入一家, 我相信每個投資者都會傾盡全力去深入研究, 最簡單就是由上而下, 全球什麼國家未來廿年最當道? 這個國家內什麼行業在未來廿年最牛? 這個行業中有哪些上市公司? 每家公司的情況如何? 只選一家你會選哪一家, 原因何在? 它這盤生意抵買嗎? 它的價值在哪裡? 它在全球危機時價值如何變化 (是年報上的價值, 不是價格)? 最後是它現在價格如何? 這些不是難做的, 現今上網找資料十分方便, 很多地方都把資料整理得很好, 如果用這種深入研究方法都認定一支仙股是值得訓身的話, 那就訓身吧!

第四點所描寫的, 本來就是投資前應該做的, 但很多人卻不以為然, 以為看三、兩頁雜誌及報紙就對公司了解非常, 繼而買入, 這些人在大狼市時 (指上落波幅極大) 就會被震走, 希望弟弟慢慢明白為何金融海嘯時我滿手都是暴跌的金融股, 但還會瘋狂加碼, 人家以為我是溝淡, 使傷勢減輕, 這只是瘋子的說法, 如果你真的對你自己的投資有足夠了解的話, 你會明白的。

PermaLink: https://articles.zkiz.com/?id=29278

一聲「契媽」炒金蝕廿萬

2014-12-25   NM

 

警訊都有話:「騙徒嘅犯案手法,係層出不窮嘅!」但你我身邊,都仍然有不少人落疊。今次的個案,被欺騙的不單是金錢,還有感情。

任貨倉出納員的阿蓮,於四個月前,收到實德環球(487)旗下實德環球金業的經紀Cold Call。對方隨後每天致電,在聽筒的另一邊噓寒問暖、關懷備至,未見過面已主動叫她「契媽」。兩人第一次見,經紀即露出真面目,要求「契媽」開戶投資「黃金價格」。當正對方契仔、迷得瘟瘟沌沌的阿蓮,聽話拿出二十多萬血汗積蓄買金。兩個月間,蝕晒!

這類「倫敦金」騙局,由八十年代叫人填問卷、送禮;到如今進化以WhatsApp、WeChat賣personal touch。舊酒新瓶,結局一如以往:血本無歸。

外表如普通牛頭角師奶的阿蓮,今年五十多歲,在葵涌一間貨倉做出納員,一做竟然二十年。歌仔都有得唱:生活靜靜似是湖水;兒子早已長大成人,有自己的生活,雖同住但甚少交談,與丈夫的生活亦乏善足陳,簡直無話可說。她平日的工作,就是聽吓電話點吓貨。她說自己悶到要晚上走到茶餐廳做幾小時兼職。她說:「唉,返到屋企,咪又係對住部電視機!」

四個月前有一日,一個不知名的電話,打來她公司枱頭,為她平凡的生活,泛起了陣陣漣漪。對方是一名叫黃棟的實德環球金業經紀,「喂,你係咪陳小姐呀?」剛巧阿蓮姓陳,話匣子就這樣打開。阿蓮隱約記起兩年前,已接過這名經紀的電話,當時因工作而無暇詳談,今次再聽到這聲音,覺得雙方有點緣分,便聊起來,「佢每日打嚟,落雨問我有無帶傘,有無飲水,問我鍾意食乜,話買嚟俾我食。佢話自己二十五歲,同我個仔差唔多,我聽聽吓覺得佢把聲都似我個仔!」打蛇隨棍上,知道阿蓮愛錫兒子,但關係疏離,黃棟開始稱呼阿蓮為「契媽」。阿蓮說:「我話咁核突,但佢唔理又繼續叫。」記者翻睇兩人的微信對話,大部分都契媽前、契仔後,如「快的覆契仔啦」、「我瞓喇契媽」等。

夢中俾錢「契媽」旅行

一聲「契媽」之後,黃棟在這時候,開始露出接近阿蓮的目的,「佢同我講,之前買金賺咗好多錢,如果契媽俾錢佢投資,中秋節契媽就有錢去旅行啦!」阿蓮聽過不少有關倫敦金的騙案,但黃棟跟他強調,她投資的是「黃金價格」而不是倫敦金,而且能「輸粒糖、贏間廠」,「佢話金價跌兩蚊就同我止蝕,賺就唔會同我止賺。佢仲會每日清倉,可以隨時拎錢走。」加上黃棟指實德是上市公司,信譽有保證,阿蓮不虞有詐,便應黃棟邀請,去公司附近茶餐廳見面,這次是這對契媽契仔首次見面。「阿仔知道咗,仲叫未來親家打俾我,叫我唔好去,我打俾黃棟話唔去喇。」怎料黃棟向阿蓮撒嬌說:「我已經換晒靚衫喇契媽,你唔係叫我換番衫呀。我阿媽今日生日,我都寧願約你呀。」阿蓮唯有應約,過程中把與黃棟的對話錄音及拍照,當做買個安心,而黃棟並不反對。這次第一次見面,阿蓮就決定開設戶口,並投資七萬元,過了兩日黃棟一早就打電話給她,「契媽,我同你賺咗幾千蚊喇。」幾天後,一如所有的騙案,由於投資可升可跌,劇情逆轉。這天蝕掉萬多元,那天又蝕四萬多,契仔致電契媽安慰說:「我哋唔係蝕緊錢,我哋依家係捱緊價!」但由於戶口按金不足,故要求「契媽」補倉,「最初我唔肯,但佢好惡鬧我話:『你都唔明!都話唔係蝕錢,我自己都用咗六十萬去買,點會呃你,用多少少錢就可以贏番晒。』」「仔迷心竅」的阿蓮,覺得像被兒子點化,故再拿多三萬元出來,但最終一樣「輸晒」。

夢醒一日利息千元

這時阿蓮才細心翻閱手上的日結單,發現不少問題,「佢話同我即日清,但好多日都無清。」由於合約以美元結算,付港紙的阿蓮變相是向實德借美金交易,故每日都要付利息,一日幾百至一千蚊。阿蓮激動說:「如果我知要收息,你用棍打我一個月,我都唔會買!」而黃棟雖然講到明會每日清倉,但現實是部分合約過夜並未平倉,故又要補倉。經契仔又氹又鬧,她再拿出十萬,「佢話有咗呢筆錢,就可以走到好遠。」結果是,一、兩星期後,又輸掉。記者話阿蓮貪心,阿蓮無奈回應,「最初係,但無幾耐我知道蝕咁多,我寧願輸晒個十萬就算,但黃棟話你睇在契仔份上啦,我太信佢。有次我搵佢成朝都搵佢唔到,仲擔心佢出意外。」最終由於無錢再補倉,阿蓮堅決斬纜,取回萬多元,其餘十九萬元石沉大海,她說:「我當時無嬲佢,仲同佢講:『算喇,將來阿仔結婚,你都嚟飲啦。』」阿蓮一向有投資股票,但多數買銀行股、貪股價穩陣,她對投資黃金只一知半解,輸掉近廿萬,她拿着一疊疊日結單研究點解,她才終於發覺:「有幾次佢朝早打嚟,同我講今日睇升,但轉頭升咗少少就同我放,走去沽貨;明明有六張合約喺手,佢就同我講只買咗四張。佢仲話過跌兩蚊止蝕,都無做到,我叫佢每次買賣之前打電話俾我先決定,但佢打得幾次!」記者睇過日結單,每日交易頻繁,例如今年十月十日,即日買出買入的合約,總共已有十多份。阿蓮開始覺得不是投資失利,而是遭人騙財,她想找契仔投訴,但對方已無聽她電話,故她希望轉向實德追討。

實德無賴回應

記者上週五跟隨阿蓮,到實德位於上環永安中心的辦公室,想找黃棟對質。但黃的上司江先生指他已離職,阿蓮質問對方,她買的是倫敦金還是黃金價格,江先生說:「係買緊倫敦金,佢點同你講,唔關我事o架。你覺得有問題,你最初又唔cut咗個戶口?總之黃棟有同你交代乜嘢價買乜嘢貨,你自己都有日結單o架。你哋點溝通我唔知道,你同我講都無用。」江先生拿出一份阿蓮簽署、授權黃棟操作戶口的授權書,說:「你自己簽o架。」合約條款中,說明代理人可全權操作戶口,而實德無須為授理人任何行為或疏忽負責。至於明明睇升轉頭沽,另一位同事鄭先生回應說:「佢不時都要睇實,個市會轉o架。」他還帶點諷刺說:「係喎,佢知道市幾時升幾時跌,唔怪得辭職唔做啦!」他們提議阿蓮,「如果你覺得有問題,你最好去報警。」阿蓮已試過報警,但警方不受理,她為「報復」,影印了一疊寫着騙徒黃棟的照片,既貼在實德寫字樓的正門,又落樓下周街貼。阿蓮的家人已知悉事件,並怪責她易上當,令阿蓮很傷心。牽涉的實德環球金業,是上市公司實德環球旗下,由楊受成弟弟楊海成創辦。記者往上址觀察,出入的都是只有二十多歲的年輕男士,記者說想聯絡投訴部門,江先生說:「佢哋都係搵番我o架咋。」

由於此類經紀無須牌照亦不受證監監管,過去有關投資倫敦金的投訴,已屢見不鮮。但橋唔怕舊,最緊要受。由最初用問卷、送禮物,引人開戶口,到現在用WhatsApp、玩line漁翁撒網,大賣溫情,騙徒也懂得「與時並進」。有行內人說:「有經紀專登要你短時間內蝕多啲,令你想甩身都難。間中先替個客短炒賺少少,等你信佢。一有機會,又將贏咗嘅輸番落去。」事實上,經紀賺佣金以每張單計,單邊佣金兩點子,一買一賣賺逾三百元,愈開得多單、佣金便愈多。百利好金業(香港)研究部董事黃耀明說:「佢哋睇嘅係好短線嘅波幅,呢類黃金係無任可規管,經紀亦唔需要有牌照,買賣守則都係公司自己定。」既然政府無監管,唯有師奶自己提防,契媽千祈唔好咁易上當呀!

PermaLink: https://articles.zkiz.com/?id=125218

港大生無書讀 賣NB賺廿萬

2015-04-16  NM  
 

 

他,原本是家人朋友眼中的未來社會棟樑。二十三歲的吳梓歡(Theo),一二年成功考入港大土木工程系,但入讀不久無心向學,第一學期因成績太差收學校警告信,第二學期仍「唔識死」,結果被港大踢出校!其後賦閒在家中足足一年,由未來社會棟樑變成別人眼中的「廢青」。幸好,這個世界,條條大路通羅馬。終日在家上網的Theo,偶爾在網上發現美國網站的New Balance波鞋與香港行貨差價近四成,決定在Instagram轉售圖利。他拍片教人分辨波鞋真假,在外地找買手入絕版貨,生意愈做愈大,成功由網上店搬落實體鋪,每月淨賺廿萬。

「以為過咗海就係神仙,點知原來過唔到!」Theo獲派港大後,以為三年大學生涯好易「碌」過,怎知港大對學生畢業的要求相當高:「我year one讀唔夠credit(學分),去到教授面前,以為有情講,點知即刻就被踢出校,到嗰刻先知唔少人同我一樣。」Theo原本打算經聯招(JUPAS)入讀其他大學,怎知轉制令計劃大亂:「我考嗰年咁啱係A Level最後一屆,到下一年聯招已唔接受A Level成績。」無書讀、由天堂跌落地獄的他,曾做兼職售貨員、補習老師,但大半年仍未有正式工作,父母對他十分不滿,叫他當差。本身是波鞋迷的Theo沒有聽從,走去網上入New Balance轉售,當初只搵「雞碎咁多」,令父母更加反感,明言:「一個仙都唔會俾你(Theo)﹗」

賣《星星》熱炒波鞋

面對家人反對,Theo堅持:「開網上店嘅成本好低,一開始都係買幾對,用信用卡過數,賣出套現之後再訂。」Theo承認到國外買波鞋其實個個做到,不過依然有市場,其群組一開始已有人留意:「其實好多人唔會自己喺外國網站慢慢搵,見我post出嚟嘅款靚就會問價錢!」他主要在日本、韓國及美國三地入貨,當中以日本手續最繁複,「喺日本訂鞋,好多時唔能夠直接寄嚟香港,我喺網上搵日本人借地址,專幫我收貨再轉寄俾我。」New Balance、Reebok及Air Jordan都是Theo的目標:「每期總有幾個牌子係特別興,如果嗰款香港無行貨,討論區又多人講,我就會擺嗰款上網,睇吓市場反應,如果多人問嘅話就會訂埋同一款嘅唔同顏色。」Theo在港大讀教育系畢業的女友Sandy,亦決定不做教師,瞓身幫他搞生意,Sandy說:「做生意嘅經驗唔會喺課堂上學到,第日教書嘅話都可以帶俾學生。」現時Sandy主要負責影相及設計,她本身是韓劇迷,更充當幕後軍師建議Theo入貨。如去年韓劇《來自星星的你》大熱,Sandy即建議Theo大量買入男主角「都敏俊」金秀賢穿的一款Reebok波鞋,再主動向客人推銷,令波鞋生意大增:「好多人睇《星星》都會留意佢哋化咩妝,著咩衫,我就睇著咩鞋,見套劇咁受歡迎,就預先入定貨!其實嗰款波鞋二十年前已出過,上年出嘅復刻版一開始只有三、四十歲嘅人識。」但自《星星》熱潮襲港,該鞋款深受八、九十後歡迎,成為上年店內最暢銷鞋款,「廠商見咁受歡迎,都不斷出唔同顏色,呢款鞋我哋到目前為止賣咗三千對!」Sandy說。

開樓上鋪發大嚟做

經營網上生意約一年,Theo見網上波鞋店愈開愈多,開始有「賣假貨」、「收錢後唔送貨」的情形出現,不過有危就有機,Theo一方面拍片放上網,教人分辨波鞋真假,「嗰時動新聞踢爆香港有商場專賣假貨,好多人都驚買到假嘢,我就即時拍咗段教人點分真假嘅片,吸引好多人睇!」另一方面,他決定開實體鋪,增加客人對其生意的信心,亦方便交收。惟Theo錢不多,只能租樓上鋪:「當時去搵agent,專揀多後生仔嘅地方,最後搵到旺角好景樓上鋪,一個月只係五千蚊租,二按一上都係萬五蚊,仲要新裝修,所以好快就決定簽一年約。」由網上轉到實體店,銷售增加,貨源要求自然大增,Theo更要與行家鬥快「搶貨」:「最緊要係留意發售時間,因為熱門貨一至兩分鐘會賣晒,準備定信用卡資料,訂到返嚟就要即刻做design影相放上網。」他指亦要留意時勢,「之前日圓跌咗好多,日本版嘅波鞋好平,多咗客訂,我即刻入多啲貨。而每年美國感恩節好多減價貨,我都會入嚟賣。」另外,Theo要靠薄利多銷,一對近二千元的波鞋,他只賺二百至四百元:「唔似得其他炒家咁賣一對就賺好多,毛利一定比佢哋低。」

搞掂買手大量入貨

生意有起色,但Theo一人之力難以大量入貨:「開始發覺網上訂嘅貨始終有限,而且有啲貨要喺當地排隊先入到,所以就開始喺網上搵當地買手。」Theo在網上發現討論區有不少買手設立群組,便開始主動聯絡:「佢哋好多都係喺外國住嘅香港人,有啲係留學生,有啲直情係full time做買手。」Theo透露有不少行家向買手訂了一大堆貨,但最後不肯接收,或者買了一段短時間就轉行,故不少買手都對他們有戒心:「最緊要有信用,呢兩年嚟,我訂幾多就拎幾多,而家做落一段時間,買手就會肯俾多啲限量版我。」實體店策略奏效,吸引不少街客生意。因此,Theo決定搬鋪到同區柏裕商廈四百呎鋪面:「喺好景只係做咗十個月,得百零呎,開始見唔夠地方,好彩隔籬鋪肯接收餘下兩個月租約。」 這間鋪除了賺錢,亦實現了Theo的「波鞋夢」,他說:「我中六已開始鍾意儲波鞋,但屋企無錢,自己做part time,一個月最多買到一對,做呢盤生意令我可以買到啲用錢都未必買到嘅絕版波鞋!」本來對Theo這盤生意並不看好的父母,亦對他改觀,「佢哋而家覺得我好努力咁追求自己理想。」Theo慶幸輟學後能搞起一盤生意,「我當年開鋪無乜競爭,先有本事儲到咁多熟客,而家無論網上同樓上鋪都好多人賣波鞋,如果我大學畢業後先至開呢間鋪,就好難做啦!」繼早前兩個女大學生,未畢業已在旺角賣鯛魚燒雪糕;又有Theo被踢出校賣波鞋,都賺廿萬。大學畢業,真的是向上流的唯一階梯?

開業資料(現鋪)

10/2014租金:$72,000#裝修:$80,000入貨:$400,000總數:$552,000#三按一上

營業資料

3/2015營業額:$2,000,000入貨:$1,700,000人工:$60,000*租金:$18,000雜費:$7,000盈利:$215,000*兩個全職、四個兼職

一點意見

在香港零售業界打滾多年的吳民傑(Lawrence),對Theo的波鞋店,有以下看法:引獨家代理提高競爭力Lawrence稱:「水貨波鞋人人都買到,門檻低令太多人入行競爭,好似莎莎(0178)、卓悅(0653)咁,而家佢哋有一半以上嘅盈利,都係靠自家品牌代理嘅貨品。」他建議Theo盡快爭取獨家代理銷售,或到外國網站引入香港不會售賣的潮流相關產品:「除咗可以提高利潤,仲可以給予顧客更多更獨特嘅選擇,提升競爭力。」毛利太低造成庫存危機Lawrence認為Theo生意得以維持,他眼光夠準是重點之一:「之前網上係賣一對訂一對。但係到實體鋪,你就要放一批貨喺鋪,如果眼光唔夠準,批貨唔受歡迎,或者唔小心入咗批次貨,就會損失。以佢大約15%毛利,嗰個月就好容易賺唔到錢。」他認為擴大店面是「雙刃刀」:「當然間鋪大咗會做多啲生意,但要留意入嘅貨多咗,庫存問題一定會增加。」他認為Theo現時第一步要想辦法提升毛利。

PermaLink: https://articles.zkiz.com/?id=140225

情侶檔市區開戰 掃低對手賺廿萬

2015-08-06  NM


科幻電影《星球大戰7》將於年底上畫,不少影迷引頸以待,戲中的光劍、鐳射槍已成經典。最近,銅鑼灣有一間新開的鐳射槍戰場Lasermads,便以太空艙為主題,開業僅一個半月,食正熱潮。室內鐳射槍戰(laser tag)在外國流行多年,香港早有先行者,大部分都執笠收場。然而九十後情侶Alan(伍卓倫)和Zoe(黃俊然)「唔信邪」,找來十位好友集資,豪擲近一百六十萬,在旺區樓上鋪開設Lasermads,上月已勁賺近二十萬,成為創業奇葩。

香港的war game場,不是開在郊區,便是藏身工廈,唯獨Lasermads,選擇落戶銅鑼灣,而且是人來人往的怡和街。走進位處商住大廈十一樓的Lasermads,接待處如太空艙的白,裝備室和迷宮戰場的黑,加上鐳射槍的藍光,充滿科幻感。遊戲玩法簡單,以計分形式進行,在二千五百呎的迷宮裡,用鐳射槍射中敵人身上的感應器即可得分,每節遊戲限時二十分鐘。鐳射槍戰並非新玩意,但當行家陸續執笠時,Lasermads卻一開即賺,全靠贏在以下三回合。

Round 1地點

由於遊戲所需空間大,室內野戰場為避開貴租,大多選址二線區域,如觀塘和荃灣工廈,鐳射槍戰亦不例外。不過,Lasermads就反其道而行,一早將目標瞄準市區。Zoe解釋﹕「由於鐳射槍戰沒有服裝嘅限制,我哋想吸納多啲walk-in客和國際學校嘅學生,所以選址好重要。我同Alan都住喺港島,對呢區最熟悉,港島嘅人一定會去銅鑼灣。」市區租金不但昂貴,要找到合適鋪位也不容易,Alan和Zoe單是搵鋪已用了三個月,由銅鑼灣、灣仔、炮台山、北角到鰂魚涌,看過不少樓上鋪。「好多(鋪位)都啱心水,但業主聽到我哋做laser tag,佢哋完全無概念,以為娛樂場所,怕我哋嘈親樓上樓下。」Zoe笑指:「仲有不少業主以為war game會整爛牆,唔租俾我哋。」最後選擇怡和街商廈,全層三千呎,連管理費月租約十一萬,貪其距離港鐵站僅兩分鐘路程,而且大廈樓上樓下有網吧和酒吧,人流暢旺。「開喺旺區,人流旺,慳番唔少宣傳費。」Alan表示,時值暑假,平日下午,確不時有年輕walk-in客結伴而來,不少女士穿著熱褲、短裙也可幫襯。

Round 2定價

坊間鐳射槍戰收費大約為二百至三百元,每節四小時,而且規定某個人數才玩得。Lasermads在旺區開業,定價自然不便宜。一節二十分鐘,每人收費九十八元,兩節則優惠價一百五十八元。Alan為吸引喜歡即興及嘗鮮的年輕人,採用每節時間較短、定價限於一百元內的策略。二千五百呎的迷宮,最多只能容納十二名玩家,玩法分個人賽及隊伍賽,二人以上已可以參與,若人數較少,職員會落場陪玩。另外,玩家在中彈後靜待四秒更可復活,一改傳統war game中彈離場的規例,令不少命中率較低的女士可以由頭玩到尾。現場所見,短短二十分鐘,不少男女均可玩足全場,離場時大呼﹕「好正,好似做咗exercise(運動)咁。」

三招揮低行家

Round 3硬件

場景亦是Lasermads的優勝之處。以往的鐳射槍戰生意,大部分都仿照傳統war game場,用鐳射槍配以真實場景,兩者格格不入。Lasermads裝修以太空科幻為主題,營造一個太空戰場。曾在理工大學讀設計的Zoe指,自己很喜歡看科幻片,「差唔多全部(科幻片)都睇過,接待處的設計,係參考電影《Star Wars》嘅太空船,配以緊張刺激嘅音效,客人嘅投入感就大得多。」另外,裝備同樣重要。Alan指,全球laser tag的供應商有二十多間,他們逐一問價,發現最平十五萬已經有一套十二支槍。「最後揀咗最貴嘅槍,一套要四十萬,因為套槍附有會員system,可以記錄用戶名稱、槍嘅喜好設定,而且有積分累計。」Zoe表示,香港人要求高,並非「玩完,開心完就算」,故她會為每位玩家製作一張計分表,顯示一節遊戲中,玩家共發射幾多次及準繩度,並提供其他對手的分數作比較。已玩了十幾次的熟客Jessy和Matthew指,有時一日會玩兩次,「最鍾意同陌生人對戰,可以唔留情面去射擊。」Matthew笑說,最開心是突破自己的積分紀錄。

九十後情侶集資開鋪

開業短短一個月已門庭若市,Alan和Zoe總算不負朋友的信任。原來,由於開業資金龐大,單靠二人合資太過吃力,他們便四出游說朋友一齊搞生意。短短一星期內,已得到十位朋友支持。「大部分投資者都係我哋身邊嘅好友,都是九十後,有些只係投身社會工作數年,就將全部嘅積蓄都投資喺呢盤生意上。」Alan表示,他和Zoe曾在四年前創辦online marketing公司,月賺六萬,令不少朋友都對他們的新生意有信心。股東之一的Jeremy說,雖然之前未曾玩過鐳射槍戰,但知道香港現時沒有同類生意,可吸引一定人流。雖然開業成本高,有一定風險,但他指只是投資幾萬元,故不擔心。現時,平日場地只有四成滿,部分是公司包場,週末則有八成滿。兩位老闆均表示未有開分店的打算。「香港地租金昂貴,與其開分店分薄客源,倒不如專注一間店,賺最多的利潤。」Alan透露,現時已有內地公司欲與Lasermads洽談特許經營,但Zoe指大陸的市場與香港不同,太難捉摸,現階段仍在商討中,「我哋有同其他公司傾緊合作,可能會搞speed dating,將場地用到盡。」

開業成本(06/2015)

租金#$330,000器材$600,000裝修$600,000雜費$20,000人工^$35,000總投資$1,585,000#兩按一上^Lasermads 6月15日正式營業,故人工為半個月總數。

營業資料(07/2015)

營業額$398,000租金$110,000人工*$70,000雜費$20,000盈利$198,000*4位全職,2位兼職

一點意見

泡泡足球Hyperspace負責人Jerome1.等候區面積太小,若多walk-in客時易起混亂。2.裝備上可以更靈活,不只局限在室內war game場地,移師到其他地方也可以玩會較靈活。3.可與其他公司有更多的合作,如泡泡足球,會有更多新火花和玩法。

撰文:蔡璿驩攝影:鄭樹清[email protected]

 


PermaLink: https://articles.zkiz.com/?id=156227

揭未婚妻偷食靚仔老闆賤賣廿萬鑽戒

1 : GS(14)@2016-06-20 05:45:13

澳洲悉尼一名男子訂婚一星期後,便揭發未婚妻原來一直偷食前度未婚夫,結果雙方關係破裂,女方退回訂婚戒指,男方憤而在facebook割價出售送給她的卡地亞訂婚鑽戒。這隻1.23卡的鑽戒只是戴了短短7日,可謂相當新淨。閃閃發光的鑽石由多粒碎石拱照,貴氣迫人,就連去年9月買入時的包裝、證書及單據都一應俱全。可憐的「綠帽男」開價28,800澳元(約16.5萬港元),較原價33,800澳元(約19.4萬港元)足足平了5,000澳元(約2.9萬港元)。有網民好奇問,為何會有傻女收下戒指後反悔,綠帽男便說:「原來她一直與前未婚夫胡混……」他又說已重新振作,遇上一個非常好的女孩,二人愛得瘋狂。英國《每日郵報》





來源: http://hk.apple.nextmedia.com/international/art/20160620/19661900
PermaLink: https://articles.zkiz.com/?id=302228

徐子淇捐廿萬助英貧童 着白褸變愛心天使

1 : GS(14)@2016-08-21 08:11:07

徐子淇一向熱心小童的公益事務,最近隨救助兒童會(Save The Children)到英國東倫敦市郊城鎮哈克尼( Hackney),探訪當地社區會堂的貧童,並捐出二十萬港元。徐子淇在慈善探訪中,以白恤衫、白色wrap coat配黑褲,高貴優雅,與小童耍樂時,穿白衣的她化身愛心天使,散發仙氣。她的外套出自盛產wool coat的Max Mara,網站仍有同款黑色,類似款式長出長有,不僅有白色,還有駝色、淺藍等。除了探訪行程外,徐子淇還與老公李家誠出席由救助兒童會贊助人安妮公主(Princess Anne)於倫敦舉辦的夏季茶會,有機會與安妮公主握手、短談。徐子淇見公主時,換上Balenciaga2016早春系列的粉紅色jacquard coat dress,高貴又顯青春。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20160821/19744774
PermaLink: https://articles.zkiz.com/?id=306750

Next Page

ZKIZ Archives @ 2019