📖 ZKIZ Archives

【馮仁昭四圍超】許廷鏗多產博攞獎

1 : GS(14)@2015-11-03 08:11:49

許廷鏗（左）同胡鴻鈞前晚喺黃埔出席新城活動，講到年尾頒獎禮快到，許廷鏗話自己今年算多產，唔知得唔得。有傳林欣彤想離開無綫，許廷鏗就話同對方有見面，但就冇傾呢啲話題。至於胡鴻鈞就話最近翻唱許美靜嘅《明知故犯》，但係之前余文樂同張新悅都有翻唱過，佢話：「又開心又有壓力，因為怕會比較，又怕會影衰首歌，但評語都好好。」撰文：馮仁昭





來源: http://hk.apple.nextmedia.com/entertainment/art/20151103/19357391
PermaLink: https://articles.zkiz.com/?id=293735

許廷鏗三車相撞少少驚

1 : GS(14)@2016-08-08 00:17:10

■許廷鏗昨日遇車禍幸沒有受傷，司機則輕傷。攝影：翁鈺輝


許廷鏗昨日遇上交通意外，下午約2時，一輛私家車沿3號幹線向西隧方向行駛，至南昌站附近時，疑閃避一輛切線寶馬不及，私家車失控撞壆再打白鴿轉，其間許廷鏗乘坐的七人車駛至，釀成三車相撞。許廷鏗沒有受傷，司機則受輕傷。警方到場封鎖現場調查，許廷鏗很快便由友人駕車接載離開。


許廷鏗


許廷鏗於Instagram報平安，貼出一張紅色的「出入平安」圖，寫道：「剛發生了一點小意外，發現『出入平安』的重要性，放心，人沒事就好。報個平安再開工！」被問有沒有受驚？他在電話中說：「少少啦！但冇事。」採訪：嵐山





來源: http://hk.apple.nextmedia.com/entertainment/art/20160807/19725873
PermaLink: https://articles.zkiz.com/?id=304828

許廷鏗入紙紅館棄九展

1 : GS(14)@2016-08-21 08:11:11

許廷鏗昨日在銅鑼灣出席粉絲見面會，對棄九展有報道指他因見到吳業坤開紅館個唱，所以就算早前已申請九展場地，現時已撻定，決定入紙申請紅館，他直認有想過申請紅館，但否認撻定，他說：「當時係揀緊場地，但未落實，冇撻定。」談到他早前遇上交通意外，他說：「當時架車打白鴿轉真係好驚險，好似坐緊咖啡杯，好彩冇事。」




來源: http://hk.apple.nextmedia.com/entertainment/art/20160821/19744125
PermaLink: https://articles.zkiz.com/?id=306761

【馮仁昭四圍超】許廷鏗父母話聽一半

1 : GS(14)@2016-09-28 05:04:36

許廷鏗（Alfred）、張寶華及名模Zelia Chong噚日喺銅鑼灣出席時裝品牌Michael Kors活動。Alfred嘅爸爸噚日生日，佢話要順便喺店舖揀吓有冇啱嘅禮物，活動後約埋家人食飯慶祝，對於爸爸平時有冇指導佢衣着，Alfred話：「佢會叫我抽高啲條褲，頭髮整高啲，我會選擇聽一半。」佢話父母都好關心佢如何兼顧牙醫診所同演藝事業，最擔心佢唔夠瞓。　撰文：馮仁昭




來源: http://hk.apple.nextmedia.com/entertainment/art/20160928/19783789
PermaLink: https://articles.zkiz.com/?id=310455

【馮仁昭四圍超】林欣彤冇興趣咀許廷鏗

1 : GS(14)@2016-10-11 08:12:01

林欣彤（Mag）闊別一排重新推出新歌《懸崖花》，噚日喺荃灣舉行MV首播會，經理人公司老闆王祖藍專程返港支持，MV又搵來好友許廷鏗做男主角，仲有錫Mag額頭同鼻貼鼻。問到Mag點解冇衝動咀埋？佢話：「冇衝動，太熟好尷尬。」佢仲強調冇興趣奪對方螢幕初吻。祖藍被問到Angelababy懷孕，佢話已經喺微博恭賀對方。撰文：馮仁昭




來源: http://hk.apple.nextmedia.com/entertainment/art/20161011/19796735
PermaLink: https://articles.zkiz.com/?id=311561

【馮仁昭四圍超】許廷鏗撐欣宜非標榜肥

1 : GS(14)@2016-11-08 05:45:58

（右起）許廷鏗、黃浩琳同林奕匡噚日喺油塘出席飲食業職安健常識問答比賽名人邀請賽，身形清減不少嘅許廷鏗透露下月4日會有個小型音樂會，唔想台下歌迷見到佢腳又粗肚腩又大，佢又話呢排食得好清淡同做運動，佢話：「喺健身室撞過欣宜，但效果唔好，因為我哋掛住吹水，其實我係想幫欣宜講句公道說話，佢唔係標榜肥係好，只係啱番佢身形啫。」撰文：馮仁昭




來源: http://hk.apple.nextmedia.com/entertainment/art/20161108/19826044
PermaLink: https://articles.zkiz.com/?id=314465

許廷鏗欣宜組情侶檔

1 : GS(14)@2016-11-18 17:56:38

鄭欣宜與好友許廷鏗昨日於尖沙嘴出席聖誕活動，許廷鏗說：「我哋好多活動都一齊做，變咗組合，未來我哋喺音樂上有新發展，大家拭目以待。」二人出雙入對，經常被誤會是情侶，許廷鏗笑說：「譚玉瑛姐姐之前好凝重咁問我係咪同欣宜一齊，因為欣宜之前訪問時講錯嘢。」欣宜也笑說：「五姨媽真係以為我哋有嘢，因為之前我哋去咗加拿大拍嘢，我好少帶朋友見屋企人。」問他們會否考慮向對方表白？許廷鏗說：「希望聖誕帶到歡樂畀大家！」身旁的欣宜則罵許廷鏗說：「你答得好差！應該同大家講有嘢宣佈，just a joke。」採訪：羅慧敏攝影：陳順禎




來源: http://hk.apple.nextmedia.com/entertainment/art/20161118/19837126
PermaLink: https://articles.zkiz.com/?id=316137

【馮仁昭四圍超】許廷鏗遇小三即斬纜

1 : GS(14)@2016-12-07 07:41:21

許廷鏗前晚喺灣仔舉行歌迷聚會，佢話除咗唱歌之外，都想試吓拍戲：「如果純考演技都幾擔心，自覺唔夠好，不過之前拍MV，有場崩潰內心戲，覺得自己好自戀同變態。有回想起失戀，現實中試過出現第三者，我比較理性，揀斬纜。」講到好友吳若希大肚，許廷鏗話有同對方聯絡，不過未食到飯。佢仲自誇踩住半邊醫科，吳若希有乜會打畀佢。撰文：馮仁昭




來源: http://hk.apple.nextmedia.com/entertainment/art/20161206/19856054
PermaLink: https://articles.zkiz.com/?id=318532

【馮仁昭四圍超】鄧小巧嘲許廷鏗賴皮

1 : GS(14)@2016-12-27 12:32:22

鄧小巧同林師傑噚日喺南昌出席「聖誕雪國幻想曲」活動，小巧提到前晚同許廷鏗、何雁詩去咗陳詠謙屋企開party，佢話：「我哋玩交換禮物，但許廷鏗冇帶嚟，我哋罰佢100蚊，佢賴皮唔肯攞出嚟，賺得最多係佢，唔帶禮物係佢，唔肯畀錢又係佢。」林師傑早前喺微博指自己遇上唔起錶兼超速駕駛嘅的士司機，佢話：「冇投訴，純粹嗰刻一時不快啫！」撰文：馮仁昭




來源: http://hk.apple.nextmedia.com/entertainment/art/20161227/19877642
PermaLink: https://articles.zkiz.com/?id=320232

許廷鏗笑欣宜多瓣數

1 : GS(14)@2017-01-02 11:51:19

鄭欣宜、許廷鏗及麥美恩等昨日到沙田馬場出席「好運1月1」活動，欣宜透露稍後會到上海拍電影，與她欣賞的演員合作，還會推出新歌，而新片《29+1》亦即將上映。許廷鏗即笑謂：「我冇佢咁多瓣，但都籌備緊音樂會。」欣宜提議他做導演拍電影，她說：「睇完佢做導演嗰個MV，覺得佢演技OK，可以試吓做導演。」採訪、攝影：盧妹




來源: http://hk.apple.nextmedia.com/entertainment/art/20170102/19883753
PermaLink: https://articles.zkiz.com/?id=321076
Next Page
ZKIZ Archives @ 2019