中環在線：潮州幫搞電視搵錢至上 李華華
|
|
潮州幫響香港有 幾架勢？淨係一個首富李嘉誠已經夠照。不過，最令人佩服嘅係佢哋潮州幫嗰種團結，同埋以「架ge冷」為傲嘅精神，真係其他幫派所不及o架！
好 似近排佢哋又有新搞作嘞，整咗個「潮聲衞視」，專為全球嘅潮州人服務。據聞呢個「潮視」，係一班潮州老闆夾咗幾千萬搞嘅，請咗成百人，分佈響北京、上海、 廣東、香港，以至海外嘅泰國等，估唔到規模都算幾大喎！
個台已經喺5月開始試運行，電視台會有普通話同潮州話節目，而香港嘅分站會以報道財 經新聞為主，原來係因為內地唔少潮州鄉里鍾意買港股咁話……香港潮州幫，果然搵錢至上！
李華華
|
Next Page