ZKIZ Archives


八十後投機客:訓練股巨肌

1 : GS(14)@2017-02-12 13:45:52

如果你問我,巴菲特,索羅斯,同李佛摩有乜共通點,除了答你佢地都好有錢之外,我相信佢地個都有好強嘅股巨肌(正式學名係臀大肌和臀中肌,俗名即係屁股),人人都話坐得耐,屁股大,要講坐功,佢地都可算係數一數二。不過佢地嘅坐,唔同一般羊生羊太嘅坐,而係贏谷輸縮嘅坐法,否則只會係越溝越淡,最後心淡。作為市場參與者,絕對唔敢話有咩方法可以戰勝市場,但要做到可以與市場共舞,我認為最少要有個鐵三角──方法,坐功,止蝕。三者內,最易學的是方法,天下武功,各門各派,絕無一套功夫可以獨步天下,各有長短,精於一套至少夠行走江湖,可是這仍是外功,若無後兩者的內功加持最終亦只得淪為得花拳繡腿。而後兩者,不是沿於外在,而是由內而發,是心理面的進化,基本上是氣聚單田之說,人人皆能說之,但要做到,只能靠戰勝自己的心魔。到底在升市中,賺錢是否容易,特別是升市中後段,靠的不是鐵三角中的方法,到升市中後段,雞犬皆升,反倒是取決於敢坐與否。特別是散戶心態在持股時,往往希望可以在最高位出貨,於是成日擔心,凝住個市會見頂,最終自己不能在最高位出貨。但現實中巴菲特都不能在中石油見頂當刻沽出,我們更不必要求自己捉到最準,無需要在最高位沽,最低位揸,唔使擔心是否見頂,見底,做到真正順勢而為,總有幾手貨可以食盡全浪。可能有人覺得呢個諗法好笨,炒股,梗係要賺到盡,但情況就好似學踩單車時一樣,越怕跌,越會跌,越想捉到個頂,就越後悔太早賣出,反而突破心中恐懼,放手一去,單車有了慣性,走順了,自自然然一直走下走,越突破捉頂的心魔,越坐得久,越能食盡大浪,keep it simple and stupid,反而係更smart之舉。灝昇
https://www.facebook.com/speculatorjunior




來源: http://hk.apple.nextmedia.com/financeestate/art/20170212/19925389
PermaLink: https://articles.zkiz.com/?id=326485

Next Page

ZKIZ Archives @ 2019