斯里蘭卡山崩活埋村落37死
1 :
GS(14)@2016-05-21 17:49:31■山泥傾瀉掩埋了斯里蘭卡多條村莊。
斯里蘭卡超過3日下着滂沱大雨，引發嚴重山泥傾瀉，中部凱格勒區（Kegalle）3條村落遭活埋，至少37人死亡、22.3萬人逃離家園。紅十字會昨日指約220個家庭下落不明，生死未卜。電視台畫面顯示山泥及洪水從山上洶湧而下，村民指共66間房屋被毀。當局派出船隻、直升機及超過300名士兵搜救生還者，但大雨、濃霧、停電加上地面泥土有下陷危機，為救援工作增添困難。官員指至少350人獲救，逾1,000人在附近學校及佛寺暫避及治療輕傷。由於大批村民仍失蹤，斯里蘭卡紅十字會料死亡數字可能達300至400人。另外，科倫坡等多個城市亦發生水浸，數以萬計房屋被局部淹沒，學校亦被迫停課。總統西里塞納昨日探訪凱格勒區，慰問死難者家屬，承諾會提供即時紓困措施。路透社/美聯社
來源:
http://hk.apple.nextmedia.com/international/art/20160519/19617869
山崩地裂 3大命牛困「孤島」
1 :
GS(14)@2016-11-16 04:54:00新西蘭大地震造成山崩地裂，破壞力十分驚人，重災區凱庫拉附近卻有三頭牛非常幸運，有記者在直升機上空拍到牠們身陷山泥傾瀉中，周圍土地都被沖塌，惟獨牠們腳下大約十平方米的草地完好無缺，形成一個奇特的孤島。雖然三頭牛被困，但似乎亦無即時危險，暫未有農夫認領牠們。當地民眾對地震向來保持高度警覺性，一名災民憶述：「房子搖得像箒喱一樣，非常不對勁，我立即告訴孩子，這是緊急狀況，穿多件衣服，抓雙鞋子，要即刻離開！」另一災民在熟睡中被震跌落床，她說覺得「當時是世界末日」。有搜救人員形容凱庫拉一些老舊的房屋「好似紙牌般倒塌」。
屋如紙牌塌下 災民瞓車
首都惠靈頓居民林先生稱地震時「以為必死無疑」，他住在10樓的寓所內，天花水管突然破裂，全部傢俬晃動，物件散落一地，「那一刻大廈就像要塌下來」，他即時跑落樓下保命。地震後，不少災民寧願睡在車內過夜，超級市場的飲水和麵包等必需品被搶購一空。由於學校已經關閉，昨天原定舉行的多場公開試將擇日舉行。新西蘭廣播電台/《新西蘭先驅報》
來源:
http://hk.apple.nextmedia.com/international/art/20161115/19833876
「孟波」坐食山崩 56歲周文健大發現：$100原來有100個1蚊！
1 :
GS(14)@2017-06-23 01:44:35仲記唔記得周文健(Michael)？唔係唱歌嗰個（嗰個叫周華健！），周文健係嗰個大大隻隻，拍啤酒廣告起朵，後來演過唔少周星馳系列電影，包括喺《逃學威龍2》中做隸屬政治部、鍾意朱茵嗰個警察？都冇印象的話，講演真人版「孟波」應該識啦！冇錯，Michael喺1986年拍第一部電影《神探朱古力》之後，接拍咗生力啤酒系列廣告開始成名，其後接拍咗《逃學威龍2》、《表姐，你好嘢》、《風塵三俠》、《警察故事續集》等多部電影，代表作就係《孟波》。當時係香港電影業黃金時期，現年56歲嘅Michael話風光嘅時候錢易搵，但使錢亦如倒水：「嗰時一班人去食飯，次次食完飯都會爭住埋單，又唔會睇價錢，唔知搵錢艱難。」周文健謂，當時心態係諗住今日使咗，咪聽日搵過。點知去到90年代尾，港產片產量減少，Michael決定去荷李活影壇發展：「嗰時個心雄，諗住可以喺荷李活發展，所有嘢要重頭開始。去咗4年，嗰4年間同啲製片、編導、經理人食飯應酬，使咗好多美金，但只拍咗一套戲、一部電視劇，咁我覺得有少少嘥時間。我以前同自己講過千祈唔好掂荷李活，因為真係唔係俾中國人嘅樣去發展，冇乜角色啱亞洲人演出，佢哋如果要搵啲小眾角色，都會搵黑人。」當中拍過一套《Kung Phooey》，都係老老土土嘅搞笑功夫片。等咗4年，坐食山崩，Michael最後決定去北京發展，加入當時英皇喺北京新成立嘅公司，佢話：「可能間公司新，所以好多嘢都好慢，工作量又唔多，喺北京冇乜成就，經濟方面又好差好差，越嚟越差，嗰陣時我發覺，原來100蚊紙裏面有100個1蚊咁樣去使錢嘅，原來100蚊都幾重要。」喺機緣巧合下，Michael識到一位打算投資拍片嘅地產商龍哥，應該係人夾人緣，周文健同呢位龍哥非常投契，喺北京差不多每日都會見面，對方反而戥自己心急：「當時佢同我講『喂！你唔好嘥晒啲時間喺娛樂圈啦，o依家澳門好好，不如你去澳門幫吓手！』龍哥都睇得出我經濟有問題，之後佢介紹咗我幫向生向太，其實之前我係娛樂圈都幫過向生向太拍戲。我可以喺度講，好多謝佢哋幫我，特別係龍哥，佢係我恩人，如果唔係佢，今時今日我都唔知喺邊度。」2007年開始，正值澳門賭業起飛，Michael就幫向生向太打理澳門賭廳生意，而每次龍哥到澳門賭兩手，Michael都會親自招待。「我嘅工作呢，冇人知有呢個工作㗎，就係要飲、要食，要飲、要食，所以我都重咗40磅，o依家係235磅。」不過，Michael話呢種都叫「幸福肥」，全因佢11年前喺北京認識o依家嘅太太孫婷……採訪：何永寧、懷鈺攝錄：馮峰、廖達燊後期：Roy
來源:
http://hk.apple.nextmedia.com/entertainment/art/20170619/20061257
Next Page