ZKIZ Archives


【正視粗口】臭四咪亂認 無厘頭尻係邊個尻?

1 : GS(14)@2016-09-24 23:30:51

彭志銘出書講粗口,希望保留這種另類文化



從前,講粗口是禁忌,女仔爛口更受盡千夫所指,「女仔之家咁爛口」、「有失斯文」。然而近年,港人對粗口的接受程度越來越大,公眾場所炒蝦拆蟹家常便飯,女仔爆粗也相當普遍。大概港人已意識到社會上太多禁忌,諸如官商鄉黑,比粗口污穢千倍。次文化堂社長彭志銘認為,講不講粗口不是問題,問題是我們要正視粗口文化,以免令它失傳而成為一種缺憾。記者:馮國康、趙永傑  攝影:馮峰



講粗口並無男女之分,問題是要懂得在那個場合使用

廣東粗口五個音,早在清朝以前已流傳

粗口近年普及,彭志銘認為是網絡文化流行和社會氛圍影響

若要認真探討廣東粗口文化,第一時間便會想起彭志銘。曾著作《小狗懶擦鞋》的他,得悉我們來意後,便一口氣將「一門五傑」(小、九、能、七、西)的典故和用法,如數家珍的搬出來。在香港地,認認真真鑽研粗口的,就只有他。「廣東話粗口得嗰五個音,基本上喺《康熙字典》係搵得到,即是話早過清朝之前已經有。」



提到近年港人講粗口已習以為常,彭志銘有一番見解:「普及咗係有兩大原因。第一,網絡文化流行咗。譬如你聽網台,主持無端端會爆兩句粗,唔爆粗好似唔係網台咁。第二,就係成個社會怨氣好大,大到你唔講粗口,係表達唔到你心裏面嗰團火!」近日港姐冠軍馮盈盈被揭爆粗,便好像十惡不赦般,彭認為講粗口是人之常情,更不應分男女之別:「唔係因為歧視唔歧視,又唔係男女平等嘅問題,而係有啲場合我地唔應該講嘅,我地唔會講。」



無厘頭出自無厘頭尻,但因為忌諱,便將尻字刪去

彭志銘直言不講粗口

或者以前講粗口太多忌諱,令很多粗口已逐漸流失,以致不少詞彙原意被曲解,引起笑柄。「臭四近來有冇人講?都少人講。有一個好有名嘅人講,佢叫鄭秀文,但查實佢唔知臭四係乜嘢。點解唔係臭三唔係臭五係臭四呢?原來呢個『四』字同『西』字寫法差唔多,國語讀音又差唔多。臭四係來自我地廣東粗口嘅臭X。我哋識嘢嘅人一睇會覺得好好笑嘅。所以港姐又好,鄭秀文又好,佢哋講咗啲本來唔應該講嘅字眼,錯唔係佢,係成個社會嘅教育制度。」



彭志銘又舉出另一個例子。「我哋成日都講無厘頭。無厘頭佢原句係無厘頭尻,尻字就係我哋尾龍骨最後嗰節嗰個位就叫做尻。無厘頭尻,個頭就係個頭,尻就係尾龍骨嗰節。我哋話人無厘頭尻,就係話人無頭無尾。因為個尻字音,大家就刪咗個尻佢,咁就淨係講無厘頭。」一個對粗口如此熟識的人,料必定「粗」口成文吧。問彭志銘最常說哪一句粗口,豈料他說:「我平時唔講粗口,哈哈。」




來源: http://hk.apple.nextmedia.com/entertainment/art/20160924/19780465
PermaLink: https://articles.zkiz.com/?id=309871

Next Page

ZKIZ Archives @ 2019