ZKIZ Archives


六四館明關閉 市民嘆可惜眾籌重開尚欠240萬

1 : GS(14)@2016-07-12 03:15:05

■六四紀念館明日閉館,有市民昨日特意到場參觀。何頴賢攝


【本報訊】由支聯會籌備、開館兩年的尖沙嘴六四紀念館,一直受法團打壓,明日正式閉館。不少市民昨特意到場,包括內地遊客。支聯會現等候賣盤和物色新館址,又指300萬元擴館眾籌計劃仍差240萬元,呼籲公眾支持。記者:張文鈴



支聯會秘書李卓人表示,現階段並未覓得新館址,因要將位於尖沙嘴六四紀念館先賣掉,「有人有意思想買,但都等緊人哋出價,而家乜都未傾」,希望短期內盡快重開。他透露,300萬元擴館眾籌計劃仍差240萬元,「(今年)六四晚會籌得嘅款項,有50萬撥去搵新館,近幾個月眾籌就籌得10萬」,冀公眾繼續捐款。他又指紀念館閉館後,展品仍會放在館內,賣盤後會將展品放在貨倉,直至新館重開。



■紀念館職員表示閉館後會整理市民捐贈的資料,展品會放在貨倉。

■六四紀念館



參觀者流淚:仍好激動

從網上得悉六四紀念館即將閉館而特意前來參觀的退休人士梁先生表示,「好可惜,應該保留落嚟,提醒番後生等佢哋了解」。發生六四事件時他逾40歲,當年在港有參與遊行,至今每年都會參加六四燭光集會。訪問期間,梁先生一度哽咽及感觸流淚,「呢啲嘢(展品)我當時喺電視上都睇過,嗰陣成晚都冇瞓過,(現在)重新回憶番一次,仍然覺得好激動!」將升讀中三的伍同學從小對歷史感興趣,知道六四紀念館要閉館,故特意前來參觀,並買下影片和書籍。他稱,平日上課時教師較少提及六四事件,所以會上網找尋資料,「紀念館可以畀學生知道真相,而中共淡忘同隱藏歷史係唔應該」。大學教育系三年級生李同學表示,昨日是第一次參觀紀念館,參觀完感覺很凝重,「六四係中國大事,要了解吓」。李同學認為,閉館令學生和遊客少了渠道認識六四事件,感到可惜。另一名從事教育界的譚先生則認為紀念館值得保存,「對於啲想了解六四事件嘅人嚟講,呢度係一個地標」。他又指,當年發生六四事件時他20多歲,館內資料基本上都了解,惟部份影片未看過,認為有紀念館可保存這些資料。紀念館職員表示,今天是最後一日開放,時間為早上10時至下午6時,又稱閉館後他們會整理市民捐贈的資料,為新館做好準備。



【參觀者心聲】




李小姐(大學生)

「六四係中國大事,紀念館可以畀學生同遊客知道六四,閉館會好可惜。」




梁先生(退休人士)

「呢度所有嘢我都有印象,而家係重溫一次,心情都係覺得好激動。」





來源: http://hk.apple.nextmedia.com/news/art/20160711/19689794
PermaLink: https://articles.zkiz.com/?id=303211

Next Page

ZKIZ Archives @ 2019