七小福後繼有人「元二代」多女將
1 :
GS(14)@2016-10-12 07:52:29「元家班」出身武打明星元華，同元秋、元樓（成龍）、元龍（洪金寶）等人被稱做「七小福」，活躍咗喺銀幕幾十年。所謂嘅「元家班」，係60、70年代跟隨于占元習武嘅「元」字輩徒弟，呢一代元家班，唔少都好似元華咁，結咗婚成為咗人哋父母：元秋：元家班嘅女將，喺70年代做女替身亦都拍過電影，不過80年代結婚之後就息影，婚後育有一子一女。04年「星爺」周星馳力邀出山，喺《功夫》入面演包租婆先正式復出，之後都好少提及仔女，不過百密一疏仍然試過俾人影到佢同仔女出街食飯。元彪：元彪有女萬事足，佢囡囡April上年喺圓方擺酒，筵開34席人緣甚廣，唔少元家班弟子都俾面出席，更促成咗成龍同陳自強破冰。成龍(元樓)：成龍同林鳳嬌生咗一位寶貝仔房祖名，不過就犯咗「全天下男人都會犯嘅錯」同吳綺莉有染，吳綺莉仲喺99年生咗「小龍女」卓琳。洪金寶(元龍)：洪金寶係個多仔公，除咗最多人識嘅長子洪天明，仲有兩個仔洪天祥同洪天照。不過多仔公最後都追到個女洪煦榆，不過煦榆一直喺美國讀書，就算放過風想加入娛樂圈，都俾大哥洪天明反對。
來源:
http://hk.apple.nextmedia.com/entertainment/art/20161012/19798002