ZKIZ Archives


【港人踢英甲】港版足球小將月薪八千 戴偉浚誓圓父子英超夢

1 : GS(14)@2017-06-23 01:44:36

戴偉浚(右)自小便愛上足球,受爸爸(左)影響甚大。



港人開口埋口講夢想,但有幾多付諸實行?面前穿上英甲球隊貝利68號球衣的戴偉浚,11歲便離開香港,隨父親到英國訓練足球,由逐間球會敲門,至接受地獄特訓,到克服種族歧視,他都一一撐過。今日,浚仔已是英甲球隊貝利的一隊成員,也是唯一一位香港人,目前有機會在英格蘭三大級別聯賽之中上陣。原來,浚仔艱辛背後,只因想為父親圓英超夢。



現時浚仔效力英甲球隊貝利。

17歲的浚仔特別著重個人技術。

年紀輕輕腳頭甚重。

「我四歲開始踢波,嗰時喺場邊執草,睇老竇踢波。」現年僅17歲的浚仔天生擁有優良運動細胞,父親同樣是波癡,曾踢過港青,也愛看英超,在耳濡目染下,浚仔自小與足球結緣,更曾擔任香港巴塞足球學校隊長。「慢慢就踢得越來越好,之後就諗過去英國踢。」浚仔爸爸坐言起行,在浚仔11歲那年,真的移居英國為他鋪路,後來浚仔加盟了雷丁青年軍,轉輾間又去到英甲球隊貝利。「一去到嗰陣時,其實好辛苦。」球隊不乏黑人球員,大部份都是體力型,浚仔起初連搶後備席都很困難。加上他是華人,難免遭隊友歧視。但這亦令他明白到,若要成功便更不能靠別人。「歧視一定有,不過你一定要克服。你咪當佢玩吓囉,同你講吓笑咁囉。」



與貝利隊友操練,浚仔坦言身材最輸蝕。

浚仔雖說有被隊友歧視,但他只當作對方開玩笑。

為了爭取出場機會,浚仔比任何人都努力,尤其華人體能和身形都比西方人輸蝕,唯有在體能上多下苦功。「譬如做GYM要做多人一倍,你體質肯定冇啲鬼佬咁大隻,所以技術你一定要超過人哋好多。」皇天不負有心人,浚仔的技術全面,雖身形略單薄,但仍能在中場搶佔一席,並偶爾為球會取得入球和交出助功。最近更獲球會簽約,升為一隊球員,現有200磅周薪(約2,000港元),但距離英超之路仍很遙遠。「暫時未諗轉會,想睇吓自己個水平喺大人足球度踢到邊一個地步先。最想梗係踢到英超,因為英超可能係全世界最TOP嘅聯賽。」



爸爸媽媽回港後,浚仔要一個人在英國照顧自己起居飲食。

浚仔與香港球壇巨星張子岱合照。

面對坐冷板、遭隊友歧視、做額外體能訓練,浚仔都一一捱過去,但最艱難可能是要學習獨處。浚仔說:「依家都係我同爸爸過嚟英國,阿媽就間唔中隔幾個月過嚟探我地。好多時老竇要返香港,所以都要自己生活,出去買嘢食呀,自己煮咁。」一人在異國,雖則有一班外國好友,但浚仔甚少跟他們外出消遣:「講真我老竇咁辛苦帶我去英國,都係為咗踢波啫,無謂做其他嘢囉。」在英國六年,浚仔偶爾也面對失意,幸得父親一直在場邊鼓勵,父子情也在此建立:「佢成日都覺得我有少少空間可以進步,每一次比賽或者練波,都捉得我好緊。次次都睇晒,就算幾凍或者幾熱都好,都一定會到。」問浚仔會否跟爸爸慶祝父親節,他說:「唔會喎,好少慶祝囉。通常都係食餐飯就算,可能睇場戲。」對於浚仔爸爸,眼見囝囝浚仔一步一步為彼此的夢想邁進,也許已是父親節的最佳禮物。採訪:趙永傑、馮國康攝錄:Neo、吉吉




來源: http://hk.apple.nextmedia.com/entertainment/art/20170619/20060990
PermaLink: https://articles.zkiz.com/?id=336470

【經典必玩】足球小將翼中文版登場 衝力射球嚟喇!

1 : GS(14)@2017-12-10 23:53:12

全新旅遊專頁,即like籽想旅行:https://fb.com/travel.appleseed《足球小將翼:夢幻隊伍》日版早於今年6月已經推出,現在包含英文、法文、德文、義大利文、西班牙文以及繁體中文的國際版亦已登場。與其他手機遊戲一樣,日版和國際版的伺服器並不相通,所以日服玩家想轉中文版就要「砍掉重練」。除伺服器不同外,國際版與日版的內容完全一樣。《足球小將翼:夢幻隊伍》支援網絡對戰,亦重現漫畫中「衝力射球」(國際版譯抽球射門)等經典場面,玩家還可親手培育戴志偉等角色。


日文不太好的玩家,終於唔使估估下咁玩。

遊戲會重現漫畫中各種經典場面。



文:梁志穎



來源: https://hk.lifestyle.appledaily. ... e/20171207/20237111
PermaLink: https://articles.zkiz.com/?id=345151

Next Page

ZKIZ Archives @ 2019