麥包何寶生曾傳基情搵埋對方做伴郎
1 :
GS(14)@2016-12-18 11:04:23出道29年嘅麥包(麥長青)，多年來緋聞並唔多，但有啲緋聞你就真係估佢唔到。麥包喺96年，拍攝大台劇《西遊記》時，就同同劇嘅劉玉翠傳出緋聞，當時就話佢哋成日撐枱腳，單獨約會咁。之後佢同陳彥行合作《茶是故鄉濃》，又傳出緋聞，當然呢啲都係煲水新聞，佢哋嘅感情只不過係兄妹之情。但最令人估唔到嘅係，麥包竟然同何寶生傳過「基情」，咁呢個都當然唔係真㗎啦，何寶生o依家都已經退出幕前，仲已經皈依佛祖、法號道生。而呢三個曾經同麥包傳聞嘅「戀人」，喺麥包結婚嘅時候，分別做伴娘同伴郎，呢個組合真係破天荒。麥包嘅真正另一半叫林孜，佢哋喺1998年拍拖，相戀一年後，即99年7月就結婚，同太太嘅妹妹同日結婚。當時有傳麥包同林孜係奉子成婚，之後麥包就否認，但係麥包嘅大女麥淳琳，喺佢哋婚後五個月就出世；三年後，二人再添一子麥振瑋。
來源:
http://hk.apple.nextmedia.com/entertainment/art/20161218/19868890