【動畫‧厭倦香港】90後寧住韓國劏房「人生最快樂時刻」
1 :
GS(14)@2017-05-19 05:43:5390後YouTuber Mira話厭倦香港，喺韓國住咗一年幾。
【尋找首爾的香港】「我好想離開一個厭倦咗嘅地方！」目前住喺韓國首爾嘅90後YouTuber Mira話，鍾意韓國多過香港，「暫時喺呢廿幾年嘅人生中，呢刻最快樂！」
Mira嘅快樂嚟自韓國，亦嚟自佢做到鍾意嘅職業，尤其去到一個接納呢種職業嘅地方。佢話喺香港介紹自己係YouTuber，會被受質疑，喺韓國就開放得多，「韓國好多人靠YouTube或者直播節目賺錢，佢哋一聽到我話做YouTuber，就問『係做咩類型？』而唔係問『可以賺錢o架？』、『係一個職業呀？』」
話係廿幾年嘅人生中，最快樂時刻。
佢嘅YouTube Channel有超過20萬人訂閱，主題多數講韓國。
最勁嗰條片有超過300萬點擊。
Mira嘅YouTube Channel開咗短短年半，訂閱人數就超過20萬，最勁嘅短片仲超過300萬點擊。當外界認為YouTuber係廢青，Mira就有資格反駁，「唔係囉！」Mira為咗自己嘅YouTuber事業，曾經迫自己「每日一片」，「勤力啲每日upload一條片，就每日多一個機會曝光，令人認識我。」點解話「每日一片」係勤力？因為一條片嘅背後並不簡單。Mira話做YouTuber仲辛苦過打工，「瞓覺諗到橋就彈起身寫低，你睇3分鐘片，我可能拍咗幾個鐘，剪又三個鐘，就算行街、去玩，都帶住部相機，一見到值得介紹嘅嘢，就即刻roll機，24小時都做緊嘢。」不過，Mira唔係呻辛苦，只係想外界知道YouTuber背後都付出好多努力，而Mira話好enjoy呢個過程，「自己鍾意吖嘛！」
佢話韓國人比香港人更接受佢以YouTuber作為職業。
Mira靠YouTube分成同賣廣告，每個月最少搵萬幾蚊港紙，好嘅可以賺到兩至三萬。
點解Mira會成為YouTuber？事源係舊老細嘅一個任務，「當時上司叫所有女同事拍片，sell公司啲產品，拍攝、剪接都一手包辦，我覺得好得意，所以想整一個屬於自己嘅video。」2013年開始學韓文嘅Mira，最鍾意又最熟識嘅就係韓國，所以佢嘅片多數以韓國做主題。Mira食正韓國熱潮，頻道嘅訂閱人數不斷上升，短短半年就超過4萬，令佢越拍越有信心。不過，邊返工邊拍片好難兼顧，去年就決定辭職，專注做全職YouTuber，亦決定飛去韓國長住，始終人在當地，先發掘到更多內容，「當自己闖吓又好，體驗吓都好，總之唔想令自己後悔！」2015年3月，Mira拎住只能維持兩至三個月嘅積蓄去到韓國，連基本嘅屋都租唔到，「喺韓國租屋一般要畀按金，大約三至四萬港幣，當時我都無，咪揀啲細地方，即係韓國嘅劏房，不過都比香港大。」Mira寧願住劏房，慳啲洗，都要留喺韓國，「無錢，咪迫自己勤力啲去賺！」
Mira無乜budget，喺韓國要住劏房，不過都比香港嘅劏房大啲同舒服啲。
佢話無諗將來，o依家鍾意做YouTuber就盡全力去做，及時行樂！
Mira嘅收入來源包括拍片上載YouTube，YouTube會分成，又會接廣告，以每次計算，或以銷量分佣計算。佢話每個月基本都賺到萬幾蚊港幣，如果接到多啲廣告，就可能賺到兩至三萬。錢，未必賺得多；路，至少無行錯，Mira行咗一條通往快樂之路，「唔受時間，唔受地方限制，賺到錢，做到自己鍾意做嘅嘢，我好享受o依家喺韓國嘅生活。」Mira話無諗太多將來，「一年前我都唔知YouTuber會成為我嘅職業，o依家呢樣嘢係我鍾意做嘅，我就盡全力去做，及時行樂囉！」記者：鄒倩婷（阿仙）攝影：陳家文、李錦鏵剪接：Roy編審‧導演：陳家文
來源:
http://hk.apple.nextmedia.com/entertainment/art/20170519/20025679
【飲食籽】麵店老闆寧住公屋 堅持每月免費派麵十年
1 :
GS(14)@2018-02-04 23:21:13盛記麵家老闆張文強（B哥、左二）在沙田出生、長大，一直希望回饋這個社區。
【飲食籽：故味重嚐】沙田瀝源邨有間老麵家，老店默默守護着這條老邨，每個月都有一次免費派麵活動，「盛記麵家」老闆張文強（B哥）說：「派麵已持續十年了，在每月一次情況下，以前都是計舊曆，今年開始計新曆，每月首個星期日便會派麵，派麵是互動，老友記可以選自己喜歡的食物，和自己朋友來，有歌聽，是享受，不是來拿東西，帶著尊嚴來。」
「在沙田區我們已經捱超過六十一年，由我祖母開始，傳到我已經第三代，可以繼續經營多得街坊。我在沙田出生長大，一直希望回饋社區。我到現在都住公屋，不用供樓供車，沒這種壓力，家有四面牆，車我都有，一部單車，我現在五十五歲，對追求更好生活已無慾望，若可幫到更多人，住一世公屋都不會後悔。我個女在讀大學，我不會剩甚麼給她，唯一會剩的只有我的名，這是動力。」B哥說。
五兄弟姊妹經營 冀成沙田百年老店
B哥每日都在舖頭，負責管理工作，舖頭是一家人作業，五兄弟姊妹一齊工作，各有不同分工。今年八十六歲的媽媽，仍堅持每天早上六時落舖，是靈魂人物。「五兄弟姊妹可以一齊工作這麼多年，雖然中間有火花，會有意見不同的時候，但大家都包容到，這不容易的。」賣了半世紀鮮蝦雲吞，湯底和傳統不同。「每一煲湯起碼六隻雞以上，豬骨都超過十五斤，骨都煲溶了，湯底比較濃，不單做雲吞麵，還有牛腩麵等，我們不是傳統，較多元化。」B哥說。還一直堅持用成本較貴的新鮮牛雜，「我祖母、爸爸一直教我們這樣做，如果改變食材，還是盛記嗎？」老舖曾經遇上結業危機，二○○八年因「領匯」（現領展）接手熟食中心加租而差點離場，最終連租六個舖位，掙扎求生，晚市被迫轉型賣火鍋。「由一間變六間不容易，這裏是沙田區最老屋邨，要生存是困難的。做飯和做麵不能養活這麼大地方，那時這區很少火鍋店，嘗試用這個形式，最大問題是不想影響其他人生意，不想惡性競爭。我們是家族式經營，不懂得計毛利，只是希望平衡，每個同事有糧出，每個月有少少盈餘，將來作儲備。」他最希望的是，「舊屋邨像一棵大樹，邨民行過可以在大樹下坐低休息。希望盛記可以做一百年，沙田百年老店，這是我的願望。」
每月一次免費派麵活動，老友記可選喜歡的食物。
除了派麵，還有義剪活動，每次約有20名義工幫忙。
老友記和朋友一起來吃麵，又有歌聽，是享受。
盛記麵家沙田瀝源熟食中心5號舖記者：何嘉茵攝影：伍慶泉、張志孟、蕭志南編輯：彭錦明
來源:
https://hk.lifestyle.appledaily. ... e/20180130/20289205