買定學校債券李丞責B女百日宴派金蛋
1 :
GS(14)@2016-07-09 06:47:32■李丞責與劉倩婷昨晚為B女擺百日宴，大批嘉賓包括何麗全、葉澍堃等到賀。
堪輿學家李丞責跟前港姐冠軍老婆劉倩婷的囡囡李阡辰，昨晚在中環四季酒店舉行百日宴。下午6時許李丞責跟太太劉倩婷在酒店門口，向在場的傳媒派送金蛋代替紅雞蛋，又展示準備送給嘉賓的禮盒，內有兩隻金蛋及一個羅庚、奶樽的吊飾，他們又展示B女昨晚其中一款造型的照片。李丞責透露今次百日宴開6張長枱，招呼200名來賓。
■昨日李丞責與太太拿着一大堆金蛋，在酒店外派給到賀人士及記者。
■陳茵媺與陳豪夫妻到賀，陳茵媺更與劉倩婷雞啄唔斷。
暫未考慮再生
劉倩婷受訪時透露，收到很多圈中好友的短片及錄音祝賀，她說：「B哥（鍾鎮濤）、志偉、蘇永康同華仔都有祝賀，佢哋拍片咁忙，真係唔話得。」倩婷表示老公每次抱BB女，B女都會睡得很熟，她笑言可能老公跟囡囡講風水。目前跟老公都是學習湊小朋友階段，所以暫時未考慮再生。倩婷又稱：「囡囡外貌都好瘦長好似model，我哋唔係怪獸家長，希望佢讀書開心，所以只買咗一間學校嘅債券，覺得價錢合理，係一間英國有過百年歷史嘅學校，明年喺大埔開校。」她不肯透露債券價值，認為是一項很好的投資，但丈夫就要繼續努力搵錢。李丞責表示不少親友都專誠返港出席，當追問他可有算過自己有多少名子女時，身旁的太太亦很有興趣，但李丞責沒正面回答：「呢啲都係隨緣，見到太太懷孕到BB出世，覺得佢好辛苦，希望佢可以休息下，費事佢話我又唔畀佢出街。」
■梁烈唯暗示太太有喜，更指已為BB改定名。
■朱千雪（右）孖岑杏賢結伴到場。
梁烈唯妻有喜
至於嘉賓方面，包括陳茵媺與陳豪夫妻、谷德昭、黃柏高、朱千雪、岑杏賢等。梁烈唯則隻身到場，太太駱保雯在家休息，對於有傳他太太已懷孕，此次是否到來取經，他只說已想定囝囝的名字，希望用得着，間接承認太太有喜，他說：「老婆話我偏心，淨係諗男仔名，英文名都諗埋，都會畀李承責師傅睇下。」而中聯辦主任張曉明到場，祝賀完後便離開。採訪：張俊銘攝影：陳順禎、魯吉
來源:
http://hk.apple.nextmedia.com/entertainment/art/20160708/19685760