ZKIZ Archives


電影不是自瀆羅守耀

2010-03-18  NM





在灣仔影視點製作有限公司,上上下下叫羅守耀「導演」,羅守耀名片上也謙虛地簡單印上「導演」——照計是「主席」、「CEO」也不為過。

他不志在,換着在中環裕泰興地產總部,他本來已是操控二 百億資產的太子爺董事總經理。

但 他就喜歡被人叫「導演」,他用了五年,或者至少這天用了兩小時接受訪問,仆心仆命費盡唇舌,為的是被人認同「我算係一個導演」。

這一個 「算」字,得來不易。雖然他說電影不是自瀆,但的確自得其樂。實踐

地產太子爺要拍電影,易辦事,大灑金錢再不然買個導演名銜來做都得,但偏 偏羅守耀要親力親為,而且要長做長有,煩惱也由此而來。

我大學在美國讀電影,喜歡《大國民》和黑澤明的《流芳頌》,兩套戲的主題都是叫人唔 好成世戇居居蹉跎歲月,我不容許羅守耀到百年歸老嗰日,仍然不知自己懂不懂拍電影。

我十多年前已認識向華強,由他搭路幫我磨合,我又睇過邱 禮濤拍戲,一直在等合適時機。○五年我入股杜琪峯的銀河映像,投資過兩集《黑社會》,要學的都學晒了,欠的就是實踐,然後才開始第一部導演的《非常青春 期》。

我的理想很簡單,拍有娛樂性的港產片。

港產片是相對合拍片而言。十幾年前的合拍片是香港主導,香港口味賣上大陸;近幾 年,開始不用理香港市場,香港被忽視,因為大陸票房動不動幾千萬至一億。

大陸已不太需要香港這個partner,以前大陸會來香港拍門叫幫 手找劉德華拍戲,現在大家一齊拎起電話,你估劉德華聽邊個先?華誼兄弟日日同劉德華傾緊偈。

我的題材愈拍愈離開大陸,題材去得盡,一來我任 性,二來也有商業計算,好難拍一部大陸認為OK而鬼佬不會瞓着覺的電影。

亞洲的古裝動作片很難賣去歐洲;時裝動作呢,大陸的國情有避忌,不 能接觸貪污、賣淫、吸毒,但動作片唔打呢啲打乜呢?難道永遠師父教徒弟去切磋武功嗎?

大陸連鬼片都要安排為神經錯亂,我的《惡胎》就係真真 正正講鬼嘅。

暴力

羅守耀的作品:《黑拳》、《奪帥》、《滅門》、《惡胎》,單看片名已知全是講打講殺,暴力導演之名,非他莫 屬。

我並非有暴力傾向,香港社會有問題,我想探討的問題都是會令人的,例如《短暫的生命》,講父親強姦女兒,答案就是暴力。

我 不是高道德標準的人,點解社會會若無其事?

暴力也是賣點。

青春片、劇情片,擺明蝕,我不喜歡做擺明蝕的事,歐美會買片的機會 是零,就算警匪片,人家有《逃》有《24》,觀眾都睇唔晒,他們只會買些鬼佬拍不到的,例如鬼片,例如動作。

《滅門》在香港收得很差,但就 獲邀參加法國小型影展。外國影展,要時間去煲,第一次幾乎一定不入選,要你拍多幾套,證明你真係識導演,才給你機會。所以我不能只拍一兩套,一定要堅持去 累積。

只拍一兩套就收手,不好玩,我唔夠喉,怎可以長拍長有?便靠控制成本收支平衡。

左右為難

羅守耀的祖業是 裕泰興地產,估計資產值二百億。一個大學讀電影的人去做董事總經理,很難說服人。同樣,一個地產太子爺去做導演,也很難令人相信。兩邊做人難。

由我 大學選讀電影,家族的阻力便未停過,我理不得那麼多,我兼顧到,起到樓又賣到樓就是了。

根本,讀什麼才適合做生意呢?讀BA並非老闆要做嘅 嘢,manager可以是請返嚟的。如果由我從頭揀——我現在教仔都係,讀law好過啦,法律上的文件搞錯一條章程隨時令你唔見好多錢。重點不在管好幾個 夥計,唔掂的炒咗佢,叻的盡量留住,就得。

我咁多年有功有過,都四十幾歲,仲計較大學讀什麼,太無進步吧。

反過來,要人相信 我真係導演,頭一兩年比較難,行內好多人試過做掛名導演,為了滿足虛榮感。我拍第一套《非常青春期》時找邱禮濤做攝影指導,聽他轉述,原來拍到中後期才有 工作人員問他:「乜部戲真係羅守耀拍o架?」

我並不急於攞獎,也不急於拍一部自己心目中的完美作品便收手。電影不是用來自瀆的工具。我拍電 影是想與人溝通,愈多人愈好,所以一定要大眾化。

我不可能由場記做起。有人話由低做起基礎好啲,都未必。沒有導演是全面的,由編劇做起可能 不懂擺鏡,由攝影做起可能不懂劇本。

導演不是一個技師,不用由低做起。導演應該是有智慧的第一個觀眾,向下面的專業人員提出要求,而有能力 讓他們聽得明白。

我的強項也是我的弱項,我身兼監製、導演和編劇,隨時可以在腦袋裡開三人會議。

要人相信我有誠意,不是太子 爺來貪得意玩玩,現在不難,因為這行很細,有口碑,哪個導演怎樣拍戲很容易傳出來,我受到尊重,人家樂意來傾來幫手。行內人覺得我算係一個導演,無人再當 我老襯。

收數

香港人認識羅守耀,其實由鍾鎮濤和章小蕙開始。當年他們的大債主,正正是裕泰興。

「他們不是白頭 片,有物業按在我們這邊,拖了咁多年,物業已賣得番晒出去,就是蝕息。鍾鎮濤直頭已破過產;章小蕙呢,坦白講,我們已不能追究了。」

羅守 耀,其實最應拍一套講收數血淚史的電影。



PermaLink: https://articles.zkiz.com/?id=14763

Next Page

ZKIZ Archives @ 2019