昔日新聞小花爆喜訊盤翠瑩低調再婚 嫁前港腳
1 :
GS(14)@2016-03-11 13:30:51■無綫前主播盤翠瑩近日入紙，與前港腳馮嘉奇結婚。互聯網圖片
現年31歲的無綫新聞前主播盤翠瑩，早年深受網民愛戴，被封為新聞小花，連帶《毛記》主播柯翠婷都二次創作自封「盤菜瑩子」。盤翠瑩於2013年結束9年的主播生涯，轉到馬會做公共事務工作，原來她近日有喜事，將再婚做猴年新娘。昨日有報道指她已入紙排期申請結婚，將會下嫁大她7年、前香港足球代表隊隊員的馮嘉奇。馮嘉奇曾於有線擔任足球評述員，之後又擔任英超球會伯明翰的財務總監，2012年離職後創辦公司，主要辦足球遊學活動。
■方健儀（左）於2012年離職無綫時，盤翠瑩亦有集郵合照。微博圖片
■今年1月底，盤翠瑩（右）為同是主播的羅鈺文做姊妹。微博圖片
■馮嘉奇是前香港足球代表隊隊員，現時開公司辦足球遊學活動。資料圖片
馮嘉奇擁碩士學歷
盤翠瑩其實於2012年曾低調結婚，估不到婚姻生活幾年就離婚，更在短時間再婚，今年1月底還幫昔日主播同事羅鈺文出嫁做姊妹團，豈料她亦火速結婚。盤翠瑩一向生活低調，感情事更是密密實實，她開通微博4年，大部份時間都是分享她的生活點滴軼事，就算她與馮嘉奇出埠去英國公幹，亦只見她在倫敦的打卡風景相，不過在新聞界，兩人拍拖已是公開的秘密，不時孖住出席飯局。盤翠瑩在報道訪問中透露婚禮會於近月在海外舉行，而馮嘉奇與她的嗜好相近，二人同熱愛運動，她在微博間中會貼上與外訪球星的合照。馮嘉奇已完成英國華威大學工商管理碩士課程，是香港唯一有此學歷的足球員，與擁有中文大學企傳傳播社會科學碩士的盤翠瑩十分登對。撰文：唐如
來源:
http://hk.apple.nextmedia.com/entertainment/art/20160311/19524557
低胸透視婚紗勁性感白雲嫁前港男「唔想只做少奶奶」
1 :
GS(14)@2016-10-30 14:35:55■白雲昨早在姊妹團陪伴下出嫁，一班姊妹收到開門利是都笑逐顏開。
現年32歲的「神獸天使」白雲昨日與拍拖5年的前港男、現職建築師的34歲江俊霖（Kelvin）拉埋天窗，於尖沙嘴洲際酒店筵開38席，李晉強、朱晨麗、劉溫馨等擔任兄弟姊妹團，食物及衞生局局長高永文及妻子、艾威、陸詩韻等亦有到賀。
■白雲和Kelvin應記者要求五度親嘴，既甜蜜又溫馨。
■白雲穿上透視婚紗，毫不吝嗇35E豐滿身材。
■高永文及妻子現身祝福一對新人。
「朝早有啲激動」
一對新人在晚上6時半會見傳媒，新娘子白雲大騷35E激凸身材，穿上一件露肩Deep V婚紗，胸口有一層薄紗，透現4吋事業線，與Kelvin五度錫錫。問到新郎哥會否怕老婆太暴露？Kelvin說：「唔怕，健康性感都OK。」為了今次婚宴，白雲和Kelvin特別拍攝了一條8分鐘長的短片及幾張以電影海報為藍本的海報，當中有一張是二人疑似沒穿衣，用枕頭遮住重要部位，白雲笑說：「等大家諗吓，我好鍾意電影，之前揀咗喺雪山影婚紗相。」他們透露婚宴上會跳舞，Kelvin直言有點緊張，白雲則說：「我都OK，係朝早有啲激動，見到老公簽紙嘅時候眼濕濕，我就OK啦。」問到婚後是否不設防生BB？白雲說：「等伴娘生咗先到我，佢係我最好朋友。」白雲表示未考慮生幾多個，反而想專注事業，她說：「唔想只係做少奶奶，老公都想我繼續做嘢，如果有啱嘅角色同劇本，唔介意繼續性感。」
過三關接新娘
昨日早上，Kelvin帶同一班兄弟到酒店接新娘，玩了三個遊戲，包括Kelvin腿張開讓兄弟在胯下食爆谷、飲伏特加及用絲襪笠頭再打結寓意「永結同心」，有姊妹講笑說：「對絲襪係朱晨麗着過㗎！」朱晨麗即否認，而劉溫馨成功搶到花球，她說：「我冇去搶㗎，個花球從天而降。」採訪：羅慧敏 攝影：陳慧安
來源:
http://hk.apple.nextmedia.com/entertainment/art/20161030/19816691
綠葉去晒邊？張敏嫁前經理人居北京
1 :
GS(14)@2016-12-07 08:01:02Miss Ho（張敏）：星爺學校老師，最後鍾意咗星爺。今年49歲嘅張敏，曾同星爺合作多套電影，風光一時，不過03年退出娛圈，長居北京，13年與前經理人結婚劉永輝。黃Sir（黃炳耀）：身為星爺同達哥嘅上司，最叻鉸剪腳。不過黃炳耀原來係位編劇，只係間中客串演出，除咗《逃學威龍》，耳熟能詳嘅作品仲有《疆屍先生》同《夏日福星》等等，不過呢位金牌編劇，喺92年因病去世。曹達華（吳孟達）：同星爺一樣係警察，不過入到學校做卧底就變咗校工。達哥咁多年演藝生涯，同星爺可以話係形影不離。但達哥前年確診是心臟急衰竭，要住深切治療部，之後就開始減產，今年都有幫手拍港產片《導火新聞線》。黃小龜（黃一山）：細龜喺學校俾小妖蝦，仲跟咗星爺做大佬。現實版嘅細龜，都係跟住星爺搵食，合作電影仲有《唐伯父點秋香》、《九品芝麻官》等，儲落唔少人氣。03年起佢返大陸登台搵食。大飛（張耀揚）：黑幫大佬，吩咐手下對付星爺。張耀揚可以話係影壇反派嘅代表人物，現實生活同戲中角色相差無幾，前年佢喺北京朝陽區一間酒店涉嫌吸毒同嫖妓，被拘留29日先獲釋。
來源:
http://hk.apple.nextmedia.com/entertainment/art/20161207/19857333
Next Page