與麥明詩戀情凍過水林作媽未見過阿仔咁愁？！
1 :
GS(14)@2016-09-09 05:09:09林作同麥明詩嘅戀情凍過水，林作嘅媽媽其實一直都好緊張囝囝嘅戀情，好似之前林作疑背女友作反向低胸索女「抄牌」，麥明詩回覆：「關係講信任，要管住嘅話冇意思。」林作曾在社交網留言：「大鑊！」之後林作畀《蘋果》影到同媽媽食飯，全程係咁畀媽媽「哦」，期間林作只可以乖乖地咁話：「係」、「知道」、「聽到」。又有指林媽媽已視麥明詩為準新抱，早前更豪擲6,500萬買入麥當勞道複式豪宅，準備兩口子新婚之用。最近林作同麥明詩關係極度不穩定，仲傳出分手好幾次，就連麥明詩都向朋友大呻，據知林媽媽周圍同朋友呻，話林作最近情緒極差、極低落。
來源:
http://hk.apple.nextmedia.com/entertainment/art/20160908/19763590