ZKIZ Archives


黃婉曼復出報天氣撞正雪雪公主

1 : GS(14)@2016-01-23 19:27:15

■黃婉曼重出江湖報天氣,繼續跳脫風格。


香港天文台日前已預測周日寒流殺到,美國國家氣象局國家環境預測中心更預告本港明日早上8時至11時可能下雪,巿民當然關心是否可以留港都可賞雪,《蘋果動新聞》昨日就找來天氣女神黃婉曼重出江湖報天氣。



專心背稿


5年前報天氣一句「跳出香港」入晒屋的黃婉曼,埋位前專心背稿,她得知報道相關落雪資訊,英文名叫Icy的黃婉曼,為免大家一想起她便有股寒意,特別穿上毛衣出鏡,報天氣時全程使出獨有婉曼跳脫風格,她說:「根據天文台的自動分區天氣預報,下周一25號清晨7點,打鼓嶺氣溫會跌至攝氏零下1度,真係好凍呀。」黃婉曼順利錄影後,即露出鬼馬表情,她接受訪問時說:「今次出鏡有壓力,我好鍾意報天氣嘅工作,好難得經驗,初出道出鏡會口窒窒,容易食螺絲,成日俾人笑,今日錄都緊張。」提到黃婉曼「跳出香港」的金句,她即說:「我以前日日都講呢句,之後冇報,有試過發開口夢講番出嚟。」天文台預告字眼有時考起口齒伶俐的黃婉曼,她說:「一隻字都唔漏得,有時預告到落雪落雨,我唔直接叫大家着衫帶遮,我唔係觀眾阿媽,最多溫馨提示,叫大家咁最好着多件衫同帶把遮。」



■預告周一可能出現零下1度氣溫,連天氣先生也被吹走。

■在開始錄影前,黃婉曼預早背稿,表現專業。

■盧覓雪化身港版Elsa大唱《Let it Go》過足公主癮。



唔信落雪


問到黃婉曼有否期待明天香港下雪?她說:「我唔相信,如果真係,可能地球出現反常情況,萬一凍地方有雪災,真係唔可以忽視大自然嘅威力。我覺得香港巿民想賞雪,不如近近哋去日本、韓國好啦。」香港雖不能賞真雪,但還可以看盧覓雪扮的「港版Elsa」雪雪公主,她穿上花裙大唱《Let it Go》,不用凍冰冰都一樣過癮,盧覓雪表示非常滿意公主look,她得戚說:「呢個造型好靚,屋企啲世姪女都好鍾意扮公主,我可以同佢哋鍊過。」採訪:比華利、何永寧攝影:仇志中





來源: http://hk.apple.nextmedia.com/entertainment/art/20160123/19463507
PermaLink: https://articles.zkiz.com/?id=294872

黃婉曼勸港女公平

1 : GS(14)@2016-02-08 03:25:29

黃婉曼與趙海珠之前幫有線拍飲食節目,齊齊研究「港女」,黃婉曼叮囑港女要公平:「你可以對人有要求,但都要對自己有要求。」趙海珠就覺得港女被標籤化:「我想為某啲女仔平反,女仔做某啲行為未必一定就等如『港女』。」節目中,黃婉曼落廚煮煎堆,有板有眼,之前她赴日學烘焙,並將開麵包店:「婚後個人好似大個咗,趁未生小朋友,可以做自己想做嘅事。」





來源: http://hk.apple.nextmedia.com/entertainment/art/20160206/19481750
PermaLink: https://articles.zkiz.com/?id=295505

馮仁昭四圍超:黃婉曼單拖超巿買壽司

1 : GS(14)@2016-05-08 01:44:16

黃婉曼前晚靚太出更,接近7點左右,OL打扮嘅佢,單拖出現中環ifc嘅city'super,當時佢喺蛇餅人群中,耷低頭排隊等畀錢,起碼都排咗15分鐘。黃婉曼唔係入去買餸煮飯,佢當時手上攞住一盒現成雜錦壽司同埋一包parma ham,咁配搭嘅晚餐好簡單喎,佢話:「買完嘢就去接老公放工。」跟住佢買完嘢就匆匆離開咗超巿。撰文:馮仁昭





來源: http://hk.apple.nextmedia.com/entertainment/art/20160506/19599540
PermaLink: https://articles.zkiz.com/?id=299769

【馮仁昭四圍超】黃婉曼鬆身裙惹誤會

1 : GS(14)@2016-07-09 07:09:53

黃婉曼(圖)、JW、吳國敬、羅傑承伉儷噚晚喺中環出席餐廳周年活動,着住鬆身裙到場嘅黃婉曼,遠睇似有咗,當大家想講恭喜佢,佢話:「冇呀,我呢排開始食齋仲瘦咗㖭。」佢話結婚兩年,而家對生小朋友抱順其自然心態,而且嚟緊書展會出講愛情嘅書,到時都要忙住宣傳。JW講到黎明新女JC個樣俾網民圍插:「我初時都俾人話肥,咁咪做運動減肥囉。」撰文:馮仁昭





來源: http://hk.apple.nextmedia.com/entertainment/art/20160709/19687286
PermaLink: https://articles.zkiz.com/?id=303153

【馮仁昭四圍超】黃婉曼開舖試食50個包

1 : GS(14)@2016-10-12 07:52:36

曾喺日本學整麵包嘅黃婉曼(左二),近日喺灣仔碼頭新開嘅築地.山貴水產市場開店,賣龍蝦包同海膽包,因為店舖新開,老闆娘黃婉曼幾乎日日去巡視業務,日前仲請咗好友何傲芝、倪晨㨩、李佳芯同黃心美試食。黃婉曼終於學以致用開店賣包,佢話:「為咗出品最好,我喺過去4個月係咁試包,食咗不下50個,食到肥晒。」黃婉曼話稍後仲會推出新款麵包。撰文:馮仁昭




來源: http://hk.apple.nextmedia.com/entertainment/art/20161012/19797884
PermaLink: https://articles.zkiz.com/?id=311710

黃婉曼甜品養胎

1 : GS(14)@2017-03-03 00:59:53

黃婉曼和徐淑敏近日crossover,前日徐淑敏更到黃婉曼的鰂魚涌麵包學校,學焗蘋果玫瑰包,由搓麵糰到蘋果花造型,全部一絲不苟,徐淑敏更順道為黃婉曼補祝生日,兩人開心抱抱。黃婉曼日前親口證實陀B三個月,腹部微隆,徐淑敏說:「佢陀得好靚,個樣好sharp,唔會口腫面腫。」黃婉曼則說:「可能我食咗好多生日大餐,同埋好多蛋糕,又想攝取多啲營養,所以盡量食,屋企人成日煲花膠湯畀我。」



■徐淑敏前日學焗蘋果玫瑰包。

談到二人的合作,黃婉曼說:「有次我哋一齊煮嘢食,靈機一觸話一齊整麵包龍蝦湯,?家仲改良緊,遲啲我間店會推出。」採訪、攝影:劉敏




來源: http://hk.apple.nextmedia.com/entertainment/art/20170302/19944321
PermaLink: https://articles.zkiz.com/?id=327472

【馮仁昭四圍超】黃婉曼要老公幫剪腳甲

1 : GS(14)@2017-04-06 07:41:41

黃婉曼噚日喺鰂魚涌宣傳ViuTV節目《黑料理》,陀B已5個月照着高踭鞋:「好肥呀!?家成個水桶咁,三圍幾乎一樣近40吋。」老公有乜反應?佢話:「佢冇所謂,但我好介意,已經開始諗收身問題,怕唔係BB吸收,係我成日搵BB做藉口食嘢。」自言?家好笨重嘅黃婉曼,連着鞋着襪剪腳甲都要老公代勞:「老婆懷孕,老公仲辛苦。」撰文:馮仁昭




來源: http://hk.apple.nextmedia.com/entertainment/art/20170406/19981007
PermaLink: https://articles.zkiz.com/?id=329442

黃婉曼遭B女練踢肚

1 : GS(14)@2017-05-18 02:14:14

懷胎七個月的黃婉曼和唐寧昨日在觀塘出席認識卵巢癌活動,適逢母親節,她們首度帶媽咪到場。黃婉曼指腹中女兒近來每晚踢不停,令她呆坐到天光,甚至連抽筋都不想吵醒老公按摩。黃婉曼已經為女兒改英文名,她說:「同天氣有關,想佢似太陽同開心,初時都緊張男定女,但?家最重要係佢健康。」她為女兒開社交平台,紀錄懷孕至今的點滴,至於麵包店生意,她未有刻意計劃停工,直至產B。唐寧表示會嘗試下廚,為媽咪煮素食擔擔麵,而六歲囝囝親手做禮物給她慶祝母親節,卻被妹妹打爛,她說:「囝囝同我講話唔緊要,遲啲再整番畀我。」採訪、攝影:馬建華




來源: http://hk.apple.nextmedia.com/entertainment/art/20170515/20021295
PermaLink: https://articles.zkiz.com/?id=333380

8月生得 老公列購物清單黃婉曼挺巨肚 急掃囡囡用品

1 : GS(14)@2017-06-25 09:31:27

■黃婉曼有二十四孝老公陪同掃嬰兒用品,兩口子非常溫馨。攝影:陳順禎



現年33歲的「天氣女郎」黃婉曼(Icy),大前年嫁給會計師兼馬主馮柏基,兩人今年初宣佈造人成功,Icy已懷孕8個月,預產期今年8月,距離生產仲有一個多月,Icy竟一直嘆慢板未買嬰兒用品,二十四孝老公馮柏基日前趁放假就陪老婆到銅鑼灣狂掃嬰兒用品。黃婉曼產前24吋纖腰,但陀B喪食,8個月身孕,肚圍已40吋。兩公婆是新手父母,明顯準爸爸馮柏基較細心,掃貨前列出購物單,到店即照執,全程有商有量,謹慎看產品物料。



■黃婉曼產前24吋纖腰,現時已有8個月身孕的她,肚圍達40吋。

準爸爸親揀奶嘴

Icy與老公首要準備「走佬袋」,因Icy擔心囡囡急不及待提早出生。而挑選嬰兒手推車,Icy則讓馮柏基負責,兩人快手執滿整車嬰兒用品,其間馮柏基又買了一個寫上「PaPa The Best」奶嘴,準備送給囡囡做見面禮。肚大如籮的Icy,行動尚算自如,她說:「日前去產檢話仲有一個月左右,我先意識到好快。呢排一直忙工作,未得閒買BB嘢,真係臨急抱佛腳,今日買咗走佬袋、奶樽同衫仔。」Icy表示現在跟時間競賽,要安頓麵包學校未來數月生意計劃。



■黃婉曼與丈夫為囡囡挑選BB車(圖)及床仔等用品。


日食8餐重20磅

非好動型的Icy,腹中囡囡卻異常活躍:「囡囡成日波浪咁踢,半夜成日喺我肚中打拳,一餓就係咁踢,可能叫我畀嘢佢食,係為食妹。」Icy自爆陀女後一日吃8餐:「呢段時間點食都得,變成一團肉,重咗20幾磅,體重有成130磅。」Icy透露產後會餵人奶,問她會分配老公掃風嗎?她說:「老公要返工,我怕半夜餵奶,爸爸冇覺好瞓,囡囡起居我搞掂,教育同學習就交畀佢。」採訪:陳杰場地提供:荷花親子中心




來源: http://hk.apple.nextmedia.com/entertainment/art/20170624/20066555
PermaLink: https://articles.zkiz.com/?id=336779

黃婉曼影大肚寫真尷尬

1 : GS(14)@2017-07-29 03:40:54

■黃婉曼表示因怕醜影相時晒巨肚,最後影一張留念。



隨時生得的黃婉曼,一直打算自然分娩,近日產檢時,醫生指她胎位低要改剖腹生產,令她加重心理壓力,幸好老公馮柏基承諾陪入產房打氣。日前影大肚寫真留念的黃婉曼,昨在電話中說:「成輯相喺屋企影,想有家嘅感覺,屋企係孕育咗生命出嚟。」但黃婉曼怕醜晒巨肚:「游水都唔會着三點式,仲要我揭開個肚皮畀人睇,開頭覺尷尬,但攝影師話巨肚係焦點,我惟有都影一張留念。」對於提早「卸貨」,她說:「有啲唔捨得,習慣咗囡囡喺肚中,?家開刀我都有啲怯,又驚老公都驚。」黃婉曼又笑言囡囡出世後,已預了失寵。採訪:陳杰




來源: http://hk.apple.nextmedia.com/entertainment/art/20170728/20103589
PermaLink: https://articles.zkiz.com/?id=339059

Next Page

ZKIZ Archives @ 2019