| ||||||
羅 康瑞「上海姑爺」檔瑞安房地產(272)噚日同歐洲零售地產商領德高(Redevco)簽策略合作協議,官仔骨骨嘅羅主席又係一套中山裝出場,不過,原來 今次佢係負傷上陣,仲係暈陀陀嗰隻。羅主席自爆,早幾日背脊骨嘅舊患突然復發,一日痛過一日,最後瞓咗兩日醫院,o依家仲食緊止痛藥,食到暈陀陀、面色蒼 白咁話。但由於同領德高嘅合作係大事,所以佢點都要親自撐場,惟有戴住個超大腰封,負傷簽約。 有靚老婆錫補番數 雖則話周身骨 痛,但羅主席睇落其實都幾精神,見佢一直同領德高嘅高層傾偈,談笑風生,唔講華華都唔知佢唔舒服。佢喺記者會後被大班傳媒包圍追問問題,佢都係有凳唔坐, 有問必答,全程笑咪咪,佢仲識得同記者講笑,大呻記者們唔畀佢走,好「無良」喎。照華華觀察,羅主席身邊有個靚老婆,即係「最美麗港姐」朱玲玲,有乜頭暈 身㷫都有呢位大美人照料,痛都痛得開心啲啦。李華華[email protected] |
| ||||||
近期本港熱門話題「八十後」,被人叫「上海姑爺」嘅瑞安集團主席羅康瑞亦趁熱鬧,對「八十後」發表一番見解。佢鼓勵呢班後生仔要北望神州,因為香港實在只係「豆膶」咁細嘅地方,毫無發揮可言,仲話後生仔應該大膽創業。 羅康瑞噚日出席浸會大學僱主午餐會,向在場學生分享經驗。佢話即使創業失敗,亦可以學到寶貴嘅經驗,明白做僱主嘅苦處,將來就會成為一個好僱員。佢又提醒「八十後」應該學識了解自己,做事要親力親為,工作初期唔好講咁多興趣,最緊要將上司交託畀你嘅事做好。 嘆八十後捱唔到苦 對 於早前一班「八十後」表現激進,佢覺得「八十後」較個人化同自我,唔接受妥協,有勇氣熱情但冇策略。佢好為呢班「八十後」擔心,以佢公司瑞安推出嘅優才計 劃為例,同時有香港學生同內地學生應徵,最後冇一個香港學生捱得住,佢話:「香港學生淨係掛住今晚去邊度wet,內地生就抓緊機會學英文。」 其實唔單止八十後,佢對香港經濟政治前景都好擔心,佢覺得「o依家芝麻綠豆事都內耗」,廿幾年前就話超前內地好多啫,o依家兩地已經越嚟越貼近,好易被內地爬頭;佢就鍾意住上海多過香港,起碼冇狗仔隊。 李華華 [email protected] | ||||||
| |||||||||||||
八十年代經典電影《 PermaLink: https://articles.zkiz.com/?id=54021
「姑爺」變「孤兒」輪到羅康瑞找數
PermaLink: https://articles.zkiz.com/?id=110745
川村真洋搭上姑爺仔1 : GS(14)@2017-01-31 03:13:41日本女子組合乃木坂46的21歲成員川村真洋被雜誌《週刊文春》於前晚播出的網上直播節目,踢爆她搭上一名任職夜場的男子,據知對方不止做男陪酒,更是一名𠱁女生下海的姑爺仔。川村真洋被發現跟姑爺仔頻頻見面,上月及本月對方均到其香閨過夜,報道指男方已承認彼此關係。消息曝光後,有宅男粉絲嬲爆表示感到被背叛,更用剪刀拮爆她的簽名橡皮波波洩憤。 來源: http://hk.apple.nextmedia.com/entertainment/art/20170130/19912664 PermaLink: https://articles.zkiz.com/?id=324737
Next Page ZKIZ Archives @ 2019 |