ZKIZ Archives


彤叔有妹仔養生 宗菁華

2011-12-8  NM

 

友報《蘋果》喺中環影到彤叔有靚女陪伴在側,令人聯想係咪小三。 非也,彤叔身邊有唔少「妹仔」,職責跟出跟入,照顧彤叔起居飲食,包括「抹吓身咁」,相中呢位哈爾濱姑娘叫Cindy,服侍咗彤叔好幾年矣。


除咗Cindy,彤叔仲有一、兩個專係陪佢食飯嘅「妹仔」。有次俾我哋撞正彤叔一支公坐喺皇朝會,原來陪食嘅「妹仔」姍姍來遲。高人見 告,「妹仔相陪」係彤叔養生之道。古時「妹仔」有貶義,通常指賣身俾大富之家嘅侍女,時移世易,照顧過燊哥嘅女看護Candy,已升呢為億萬富婆,「妹 仔」亦有出頭天矣。

霍公子挺……唐
數碼港商場舉行「中國小姐選舉」,已故國家領導人亨利•霍英東個仔霍震寰現身。我 哋恭逢其會,當然諮詢吓霍公子點睇雙英戰?佢撐邊個? 有此一問,皆因佢老父當年一句「我挺董」,真係一句頂一百萬句。霍家公子冇老父咁豪氣干雲,只係話有競爭係好事。不過佢跟手都有所演繹,話唐唐同商會中人 好熟,對廣珠澳地區發展又有參與云云,言下之意,你明啦!口水多多,何不一顯佢伯爺本色,拍吓心口,講句:「我挺唐!」

位元堂廣告歌 有段古
敝刊舉行「品牌第壹大獎」,位元堂榜上有名,佢哋位執董Karen(鄧梅芬)親自出馬嚟領獎,提到位元堂首街知巷聞嘅《太陽出來 了》廣告歌。 首歌原來除咗鄭少秋及李克勤兩位代言人唱過,警察幫辦出身嘅陳欣健拍戲時都唱過,唱到七情上面,好多人當正佢係位元堂嘅代言人。 呢首歌由七十年代唱到依家,係由顧家煇作曲,歌詞則出自位元堂第四代傳人黎宗岷之手。品牌創辦人黎昌厚出身廣州官宦世家,三十年代來港開設分店,七十年代 由黎宗岷接手。黎過身後,生意由太座黎葉慧儀接掌,至二千年,先至賣盤俾上市公司宏安。 Karen上場後大事改革,甚至百年商標都改埋,但首廣告歌則冇郁過,足見識貨。有啲嘢係唔郁得㗎!

何律師點醒湯君明
上 期敝刊講「淺水灣富豪爭海景」,提到湯君明破解咗淺水灣115號嘅高度限制契約,會起一棟二十七層高嘅住宅。景觀勢被破壞嘅保華大廈已有業主磨拳擦掌,打 算入稟阻止湯氏起高樓。 報導一出街,晨早八點未到,中環陸羽樓頭班茶客已經大噴口水議論紛紛。有人問湯君明當初憑乜咁沙膽買入淺水灣115號?有人又戥入標失敗嘅英皇唔抵。大家 你一言我一語,好不熱鬧。 茶客當中有位何君柱,係做開商業及樓宇買賣嘅律師,佢主動同湯君明講,呢單案其實好清晰,115號業主係同趙家立契唔起高樓者,現今湯君明同趙氏家族大被 同眠,而屋宇署又已准佢重建加高,咁保華班業主又憑乜去阻止佢重建加高呢? 何律師同湯老闆本來互不相識,因為我哋篇報導而做咗朋友。開卷何止有益,睇《壹週刊》直情係塞錢入你袋啦!使乜講!

廖烈智三十二度增 持
創興銀行爭奪戰表面上已告平息,但底下仍有暗湧。 事緣廖家三兄弟烈文、烈智、烈武鼎足而三持有廖氏集團呢間控股公司,再經呢間公司控制創興銀行。舊年廖烈文個仔廖駿倫同佢伯爺買咗佢手廖氏集團,再又搵到 堂兄弟廖烈武個仔廖金輝企喺佢嗰一邊,創興銀行睇住就嚟到手,點知佢阿叔廖烈智唔肯過佢,祭出家規,指阿哥廖烈文若然賣股權,就要賣俾烈智同烈武兩兄弟, 唔得賣俾第三者,即使係廖烈文個仔控制嘅公司都唔得。 結果?廖烈智同細佬廖烈武接咗大佬手貨,兩者由是簡直成為創興銀行之大股東。但睇嚟廖烈智並不以此為滿足,自八月十九日以來,佢已三十二度出手直接增持創 興銀行。呢個時候買銀行股,廖烈智梗係知道一啲嘢係其他人唔知者。係乜呢?

梁振英先生來函照登
上期我哋引述一位洗珊 瑚缸阿叔講佢上「最美麗港姐」朱玲玲及CY屋企洗缸嘅經驗。梁振英先生第一時間來函,澄清「指稱梁振英先生僱人清洗魚缸不禮貌一事,純屬杜撰」,而「梁振 英先生家中從未有玻璃魚缸,也從未養過珊瑚,或聘請過工人洗魚缸」。清楚明確,仲實牙實齒過講佢阿媽對紮腳。 梁振英先生來函,一再以第三者稱呼「梁振英先生」,直情當正封信係出自第二個人而非佢自己手筆咁嘅款。何以如斯見外呢,又?

PermaLink: https://articles.zkiz.com/?id=29805

妹仔黃匡翹 升呢百萬人妻

1 : GS(14)@2016-03-15 16:07:56

■黃匡翹與夫婿Jesper Lau上周日和親友去泰國布吉補辦喜宴。互聯網圖片


無綫第27期藝訓班出身的黃匡翹日前在facebook宣佈「我結婚了」!她曾在電視劇《東坡家事》中,飾演黃心穎妹仔春花,心穎BB都有留言恭賀對方。25歲的黃匡翹與比她年長13年、任職Creative Director的Jesper Lau於上月12日已經簽紙註冊,上周日同摯愛親友去泰國布吉補辦喜宴,黃匡翹開心落淚。她昨日在電話中說:「搵咗同期訓練班幾個女仔做姊妹,好開心。」她自爆一直恨嫁,她說:「我哋拍拖五年,去年7月一齊去北海道旅行,有一晚佢帶我去水之教堂,突然全場燈光熄晒,仲播音樂向我求婚,我梗係應承。」據悉婚禮花了逾百萬的使費,問到幾時生B?她笑說:「順其自然,我都想有呀。」採訪:嵐山



■黃匡翹(左)在電視劇《東坡家事》飾演黃心穎的妹仔春花。劇照

Jesper Lau(右)



來源: http://hk.apple.nextmedia.com/entertainment/art/20160314/19528075
PermaLink: https://articles.zkiz.com/?id=298026

【年半fit晒】「阻住地球轉」肥妹仔 蛻變健美黑天鵝

1 : GS(14)@2017-01-22 02:18:04

Akai同時教授瑜伽,鍛煉耐力肌肉,舉四十五磅啞鈴也綽綽有餘。



常說童言無忌,若不幸被人身攻擊,對於小朋友來說可能是一生陰影。漂港多年的澳門健美及跳舞教練彭紫敏(Akai),去年摘下Asian Bodybuilding Federation(ABBF)第五十屆亞洲健美總會錦標賽健體小姐(Asian Women's Fitness up to and incl.160cm)季軍,以及World Bodybuilding& Physique Federation(WBPF)舉辦的第八屆WBPF世界健美健身錦標賽(Women's Fitness Physique up to160cm)第五名,擁有黝黑結實的健美身段、自信舞姿的她,原來小學曾經是128磅小肥妹,因為同學仔的一句說話,令她踏上健美舞台。



Akai從小學到中學的身形較肥胖,與大部份的中學女生一樣懶於運動,上體育堂只會三五個女同學坐着聊天,加上天生黝黑的膚色,被歸類為醜女,成為男同學的取笑對象,「學校總會有十大美女、十大醜女選舉,我永遠是十大醜女之一。」直至一次在班房門口與百厭男同學擦身而過,一句人身攻擊的說話,令她的起心肝做運動,「我在班房出走廊,有兩三個喜歡興風作浪的男同學行入來,因為門口不是太闊,男同學戲劇性地入唔到班房,就話我阻住地球轉囉!我聽完之後好傷心,到今時今日仲好記得。」18歲少女決心做運動減肥,誤打誤撞由健身中心開始,「當時以為焗桑拿可以減肥,便跟親戚去試玩,發現gym room有好多器械,每部機都想玩。當年我去的場地只有駐場教練,我又覺得這份工好似幾理想,又可以自己做運動,見到請人,即時寄信申請,就請了我。」一邊做運動一邊進修健身課程,成功當上健身教練,擺脫肥妹仔的形象,公餘時間更留守公司學跳舞,每天十多小時周身郁,後來公司指派她來香港習舞,繼而落地生根,現教授各類型健身舞蹈、高溫瑜伽及近年大熱的Zumba Dance,日日運動如同染毒癮,連去旅行也要找地方運動一番,「因為本身不是瘦底,每次食多了,身形腫脹少少,我便唔安落,甚至影響自己的情緒,唔做運動我過唔到自己關口,就算有病,我也會運動,不過會較為輕量。」


健美非大隻講求女性美


現時約110磅的Akai,身形絕非大家印象中的健美先生般大大嚿肌肉,「平日見到滿身肌肉的大隻佬,屬body builder,手上的二頭肌、三頭肌好大,一排八嚿朱古力腹肌,雙腳肌肉如同大雞髀,這種肌肉是需要經歷一段長時間去建立,而建立肌肉一定是由肥腫開始,當然有女性會玩,但我貪靚,只會玩body fitness類形,即是健體小姐(model physique),因為肌肉量需要較細,而且講求身體線條及女性美。」世界各地的大型健美總會,每年也會舉辦健美小姐比賽,除了穿比堅尼擺指定姿勢,展示完美身形,還會考核舞蹈,用身體表達一連串故事,觀眾如同看體操選手做默劇,「一分鐘跳舞需要渾身解數,側手翻、掌上壓、前空翻、後空翻、腳放上頭、手倒立等,全部是連貫動作,要戲劇性地表現故事,很多時候會有道具。」無論在舞台上飾演野人或是羅拉,最終目的也是展現女性美,而非嚇親人的大大嚿手瓜。身體很誠實,健美小姐需要訓練有素,Akai花了一年半時間由小肥妹回到普通少女的身形,但練成黑天鵝,其實要花一生時間。比賽台上擁有一排腹肌、二三頭肌、很多女仔都追求的健康體格,查實賽前半年需要節食去脂及提高運動量,絕對算得上刻苦生活,她仍然堅持健美及跳舞,比賽得獎是其次,成功感反而是從學生而來,「很多教跳舞的老師,會過正常人生活,會去消遣、娛樂,可以飲酒去玩,因為單是跳舞不用太講究身形,但學生知道我跳舞之外會成日健身,會覺得老師好努力,那種讚美、欣賞是不同的。」
facebook:akaizumba場地提供:FFG武術健身中心記者:王佩兒攝影:林栢鈞2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily



去年12月在WBPF第八屆賽事的Women's Fitness Physique up to160cm組別,奪得第五名。 受訪者提供圖片

比賽中的一分鐘跳舞考核,講求爆炸力及創意。 受訪者提供圖片

要兼顧跳舞及健身,由於跳舞消耗量大,站在台上比賽台上的健體小姐,肌肉量也相對一般健身者弱。 受訪者提供圖片


當年「永遠是十大醜女之一」,如今已是健美小姐。 受訪者提供圖片

想輕輕鬆鬆健康?,記住留意健康蘋台
http://health.appledaily.com.hk/




來源: http://hk.apple.nextmedia.com/su ... t/20170121/19903907
PermaLink: https://articles.zkiz.com/?id=323594

侵侵習總通話中國自high陶傑:中國人妹仔心理

1 : GS(14)@2017-02-11 18:57:52

陶傑︰中國人自作多情

大陸網友很自豪:「特朗普還是乖乖承認一個中國了!」而本港作家陶傑認為這是斯德哥爾摩症候群,他對《蘋果》說:「中國人見突然特朗普一上台打了自己兩巴,驚愕,現在見他好像對自己笑一笑覺得好解脫,甚至開心。這與小學課室裏遇到欺凌的反應一樣。特朗普示咩好呀!中國人自作多情,永遠需要洋人讚,本身就是妹仔心理。」




來源: http://hk.apple.nextmedia.com/international/art/20170211/19925136
PermaLink: https://articles.zkiz.com/?id=326347

希臘mix澳洲 索爆!鬼妹仔港姐12歲來港讀書

1 : GS(14)@2017-06-22 07:42:28

即使香港係國際大都會,但係今年香港小姐首輪面試出現外國人臉孔都幾令人驚喜,更何況仲要係索女!原來呢位索爆鬼妹仔就係樂基兒旗下CalCarries嘅Model,澳洲籍嘅Perrie。今年26歲嘅Perrie爸爸係希臘人、而阿媽就係澳洲人,1991年出世嘅佢,因為父母喺香港教大學,所以佢12歲就來港讀書,一讀就讀咗8年,仲拎埋香港身份證。外形同國際名模差唔多嘅佢身高成174cm,上圍有34吋,目測cup數起碼有B級!再加埋25吋腰配37吋臀圍,正宗葫蘆身形,同時擁有一雙長腿,Fit到冇得頂呀!而身為鬼妹仔嘅佢喺IG除咗平時工作嘅相之外都相當多陽光與海灘,同埋其他衣著性感相,大熱天時望兩望,真係夠晒涼爽!




來源: http://hk.apple.nextmedia.com/entertainment/art/20170621/20063720
PermaLink: https://articles.zkiz.com/?id=336209

Next Page

ZKIZ Archives @ 2019