GiGi上門教關心妍餵母乳
1 :
GS(14)@2016-05-25 10:04:10■關心妍在家中待產，GiGi（左）主動上門探好友，並分享做母親心得。微博圖片
關心妍（Jade）陀B女7個半月，因為懷第一胎比較緊張的關係，所以老公楊長智下了禁令不讓她隨便外出，如沒必要的話，Jade都會安坐家中靜待小公主來臨。這段時間，Jade的好友主動到她府上作客，同為人母的梁詠琪（GiGi）昨日亦去了探望Jade為她打氣，Jade亦將與GiGi的合照放上微博。GiGi昨日接受本報電話訪問說：「恭喜佢！佢狀態好好呀！有叫佢放鬆心情，唔使緊張。同佢分享好多生BB嘅過程，要注意嘅嘢，同埋鼓勵佢餵母乳，有乜唔明隨時可以問我。」準媽媽Jade昨日受訪時指還有不到兩個月囡囡就出世，十分期待，她說：「GiGi嚟探我，好有心，因為我都唔會周圍出街，所以佢嚟探我，又買咗啲嘢畀BB。我問佢攞啲做媽媽要準備嘅心得，因為我冇呢個經驗，GiGi亦係好好嘅媽咪，佢教咗我好多嘢，好開心。」她又大爆愛犬Butter小姐非常喜歡GiGi：「佢依依不捨，出奇地黐GiGi，好多人佢都唔跟，GiGi係靚女，好識揀。」採訪：陳以晴、皓騫
來源:
http://hk.apple.nextmedia.com/entertainment/art/20160525/19625892
增奶手勢了得關心妍餵人奶多到任飲
1 :
GS(14)@2016-08-03 02:47:492016-07-28 NM
36歲關心妍（Jade）日前剖腹產下重6.6磅的楊榮心（Jovia），B女一頭黑髮大眼睛，還附贈小酒窩，集齊父母優點。一早決定餵母乳的Jade產前已上堂學定增奶手勢，加上本身夠足料，產後奶水多到任Jovia飲，一日餵足12次。出乎意料的冷靜
初為人母的Jade，接受本刊訪問時提到女兒Jovia難掩興奮心情。「做完手術開始有啲痛，楊生（老公楊長智）係緊張大師，好照顧我。不過講起佢入到產房咁冷靜，我都好意外，仲可以剪埋臍帶，雖然我瞓咗喺度，但感覺有少少眼淚，係touching嘅。」Jade說。佗B的時候，Jade與老公Jonas不停向身邊已為父母的朋友請教，因而有餵母乳的決定。「好多人話初乳好緊要，但因為開頭好少初乳，餵嘅次數好頻密，要十至十二次；好在之前有上堂，BB又好乖識搵食，好容易大家就配合到。」Jade產前已為女兒的最佳食糧上定堂，掌握到一手了得的增奶手勢，加上本身上圍真材實料，只要Jovia想飲，Jade可以無限供應。
隨族譜改名
至於女兒取名楊榮心，是跟隨族譜改。兩公婆恨生女，如今得償所願。「Jade鍾意女，因為可以同BB扮靚！佢老公亦一樣，覺得女仔會嗲啲，係爸爸前世情人，不過，Jonas係好有原則嘅人，一定會管得Jovia好嚴。」身邊友人說。
支持母乳
近年政府大力推崇餵母乳，讓孩子得到最天然的營養。圈中不少女星產後亦實行母乳餵B，儘管過程艱辛，甚至有可能遭受白眼，但以下一代健康為大前提，藝人媽咪都大力支持。
梁詠琪餵足一年15年生下可愛的Sofia後，Gigi放棄修身，堅持餵母乳足足一年；一旦要出埠工作，亦揼定大量奶水儲糧，試過去台灣做完宣傳，立即趕返香港餵奶。
官恩娜遭白眼去年做媽咪的官恩娜，有次在五星級酒店給囝囝開餐，因酒店冇育嬰房，被工作人員安排到更衣室餵奶，但卻遭到女住客投訴侮辱，事後她在網上留言洩憤，有網民為她平反。
岑潔儀出書岑潔儀亦因在茶樓餵母乳，而被女茶客冷言傷害：「餵奶就入廁所啦！」激發受氣的岑潔儀出書分享餵母乳的心路歷程，為支持餵母乳的媽咪打氣。
撰文、攝影、攝錄：娛樂組