ZKIZ Archives


斥如鬧劇 葉家寶:晒錢好肉酸

1 : GS(14)@2016-03-08 15:46:40

【本報訊】亞洲電視提早「熄機」事件發展得峰迴路轉,亞視臨時清盤人德勤日前解僱亞視全體員工後,亞視再重新聘請160名員工,但禁止員工追討1、2月的欠薪,事件引起社會各界關注。對於亞視近日的亂局,亞視前執行董事葉家寶昨日受訪時,直言感到傷心:「諗唔到(亞視)會亂得咁犀利,成件事好似一齣鬧劇咁,好似拍電影咁,你晒一篋錢(上周五亞視股東代表何子慧開記者會晒500萬元現金和500萬元支票)做乜?」他又表示:「有錢咪出糧畀啲同事囉!我覺得咁樣好可悲,最後結局係咁樣,真係好肉酸。」葉家寶又質疑為何政府未有就亞視的一連串問題出手,他表示:「點解政府喺整件事件上面好似冇角色?任由亞視喺呢段期間亂舞?」



指遭亞視拖欠逾百萬元


葉家寶又指亞視至今拖欠他過百萬元,他坦言:「我人工、罰款,過去一年嘅應酬交通費,加加埋埋粗略超過一百萬,希望有途徑可以追番。我都好驚乜都攞唔到。當初自己堅持留守,係睇到公司有希望,諗唔到原來係個幻滅嘅希望。」另外,被重新聘請的亞視員工昨日則如常上班,亞視發言人黃守東昨日指出上班員工人數有過百人。對於有指亞視對員工的新合約涉嫌違法,黃守東就表示:「公司暫時唔評論,留低嘅同事做好目前嘅工作先,遲一步再睇睇情況。」提到目前亞視指有錢發放3月的薪金,但遭拖欠薪金的前員工卻要申請破欠基金,此事是否矛盾?他表示不評論公司的政策。而亞視老臣子程啟光昨日亦如常上班,並指亞視有情有義,自己會繼續努力工作。■記者戴彩煥、羅慧敏





來源: http://hk.apple.nextmedia.com/news/art/20160308/19520960
PermaLink: https://articles.zkiz.com/?id=297206

【馮仁昭四圍超】胡琳憶戀情好肉緊

1 : GS(14)@2017-01-12 08:03:32

胡琳噚日去到商台宣傳其新歌《願望樹》,胡琳指歌曲內容淒楚,形容願望樹對人有求必應,自己卻孤獨,好似佢對上一段感情,只有付出,而未被對方重視,佢話:「太在乎一段感情,會盡量付出,但係對方冇理你嘅感受,錄音時諗起都握緊拳頭。」胡琳笑言,唔知自己係唔係報應,因為自己過去亦曾經不公平對待對其中一任男朋友。撰文:馮仁昭




來源: http://hk.apple.nextmedia.com/entertainment/art/20170111/19892681
PermaLink: https://articles.zkiz.com/?id=322202

Next Page

ZKIZ Archives @ 2019