ZKIZ Archives


【科技籽】女臂張開男超低炒 特別的自拍技巧

1 : GS(14)@2016-02-15 02:20:54

模特兒Emma



【科技籽:玩物達人】有冇試過喺instagram同facebook見到啲人嘅自拍相,P到連幅牆都歪埋?皮膚白滑到成個鼻都唔見咗?男仔油頭粉臉但係扁嘴V字勢扮晒cute?我見過,我真係見過。其實男仔女仔都有唔同嘅自拍技巧,點止修圖咁簡單,快啲跟三位自拍達人學嘢。

女生篇 交叉腳扮着高踭鞋

Emma是位全職模特兒,instagram的粉絲多達20k,如此多人追隨,除了因她喜歡自拍、經常更新相片,更重要的是身懷特別的自拍技巧。她的天字第一規條就是不加味精,「我唔會用太多手機app嚟修圖或者美白,一旦穿崩,啲相就留一世㗎啦。」然後配合自己最美的角度,就像拍攝當日Emma全程以左臉對着鏡頭接受訪問,即時靚上加靚。此外,Emma還有三個小貼士,第一是挺直腰部,「只要將膊頭拉後,個人就會精神啲,如果着低領衫,鎖骨都會凸出啲,更加有骨感。」第二是手臂不要貼着身體,可以有效掩飾拜拜肉,看起來瘦一點;第三是站立時要交叉腳、提起前腳腳踭,營造出穿高踭鞋的效果,可以提升臀部線條,腿部肌肉也會更結實,「雖然提起腳踭會有啲攰,但自拍只係幾秒嘅事,唔會覺得好攰。」自拍一定是大頭相?其實未必,Emma就建議選擇一些具反芒設計及計時功能的相機,藉此拍攝全身,「好多企喺度嘅姿勢更加能夠表現出女性美。」按下快門之前記得留意身後,「要留意有乜人行過,因為自拍都係想人睇到自己個樣,如果俾人photobomb、破壞咗個意境,張相就會變得好好笑。」



Emma說不妨找多點道具輔助,例如跟可愛公仔合照。

自拍時需要留意背景,避免被人「亂入」。

Beauty Cam可以輕度修圖,例如把眼睛變得明亮透徹一點。



手手腳腳點樣擺?

臉:要知道自己哪邊臉最美,然後朝向鏡頭。手臂:手臂不要緊貼身體,可以掩飾拜拜肉。背:不要駝背,挺直腰部感覺更加精神爽利。身體:不要正面對着鏡頭,否則影出來會很胖。腳:可以交叉腳、提起前腳腳踭,模仿穿高踭鞋的效果,讓腿部看起來更修長。


100毛主播吳檸儁(左)、庄靚龙(右)

男生篇 出奇甫士制勝

兩位100毛的主播吳檸儁跟庄靚龙均是網絡紅人,不時要自拍呃like,二人同時認為三種情景最能凸顯男士有型的一面,第一是專心工作,不過當你聚精會神時,又怎能分心自拍呢?所以要「扮」出專心工作的樣子;第二是在健身室操練肌肉,因為不少女生都喜歡雷神型肌肉男,即使身材不好,也可展現出一份投入運動的健康形象,不過一邊健身一邊自拍其實很難,若想避免意外可選擇籃球、跑步等較輕鬆的運動;第三就是玩音樂,精通音律、懂得彈奏樂器最能展現才華,當個氣質文青,自然獲得少女歡心。男生自拍還有兩大禁忌,就是扮可愛,例如那些扁嘴V字,庄靚龙說:「如果係女仔嘅話仲可以,男仔嘅話會好易反感。」吳檸儁則認為男生最忌太chok,變成核突怪pose只會弄巧反拙,咁要點做?二人便親自示範了一遍。庄靚龙建議自拍角度不應太高,否則臉太尖會變蛇精男,因此他自創一個超低炒pose,「咁樣可以盡顯男性雄偉嘅一面。」吳檸儁就說自己的五官都很美,因此最好逐個部份來拍……如此奇特的技巧是否真的可以令自拍變得更有型?相信只有他們一樣搞怪的男生才能駕馭。二人邊自拍邊笑說:「男仔自拍最緊要係乜?就係呃like!其實好似我哋呢類生得唔像貝克漢姆嘅男生,只有搞怪先可以呃like!」







庄靚龙自創超低炒自拍pose,說可拍出男士的雄偉。

吳檸儁說如果覺得自己身體哪一部份最美,便大特寫該部份。



記者:馮永豪攝影:徐振國、林栢鈞編輯:陳國棟美術:吳子豪





來源: http://hk.apple.nextmedia.com/su ... t/20160214/19488780
PermaLink: https://articles.zkiz.com/?id=295928

Next Page

ZKIZ Archives @ 2019