2011-12-1 NM
水貨生意除了奶粉、iPhone，受日圓高水影響的日本貨，亦不乏捧場客。三十六歲的鄭永倫（Alan），五年多前開鋪賣日本時裝，卻因不懂經營每 月虧損二萬，蝕足一年後決心轉型，到日本入貨時順道化身人肉搜尋器，替客人尋找各品牌的時裝產品，收取貨價兩至三成作手續費。哈日族不用親身赴日便可繄貼 潮流，服務大受歡迎，現每月接六百訂單，鋪頭頓變交收中心，月賺七萬元。
位於銅鑼灣富明街樓上鋪的tansu，裝 修格局與一般時裝店無異，不過遇正返新貨，一堆堆貨物放滿每個角落，更似貨倉，大部分客人進來亦非走去揀衫，而是到櫃枱查詢：「Alan、Fanny，上 次訂啲貨到咗未呀？」「到咗啦，一月日本大減價依家可以訂貨，你睇唔睇吓？」店員Fanny說罷，客人直接繞過櫃枱，坐在職員的電腦前揀衫；她旁邊除了兩 部notebook，一部iPad，還有一部27吋Mac機，「客人上嚟係想慢慢尋寶，多幾部電腦，方便客人揀新貨，又可以俾店員覆訂單。」Alan已習 慣鋪頭變成交收中心，因為他們並非一般的時裝店。
捧場客Eli
家住旺角的Eli也是舊鋪的客人，當天她拿了衣服來換之餘，亦買了袋和杯等，總值港幣三千多元，臨走看中一對價值九千五元的長靴，即時落訂，委託Alan等減價至八千便購買，若成交連服務費一萬元。
中女追款消費高
Alan 曾經在樓下地鋪經營日本時裝店，售賣OSMOSIS和BURBERRY BLUE LABEL等的牌子服飾，很受廿五歲左右的上班族歡迎，他以為照辦煮碗搬上樓上一樣掂，到日本入了二十萬貨，誰料會逛上來的多是超過三十歲的女士，「第一 次入嗰批貨，有啲而家仲喺個倉度。」Alan苦笑。 客群瞄準錯誤，但從客人口中得知她們追捧I.T品牌，Alan便改為跟I.T入貨，見Né-net、mercibeaucoup,及TSUMORI CHISATO等牌子在I.T受歡迎，自己便在日本以零售價買入，加20%至30%作服務費，由於價錢仍比I.T低兩成多，銷量很快上升，不過很快又再出 現另一問題——「賣剩蔗」，「如果可以，當然想買晒唔同牌子嘅必中款式，但佢哋唔似妹妹仔追牌子，而係睇款，又鍾意自己尋寶，想要多一點選擇。」無可能購 入所有品牌，Alan想，反正要過日本入貨，不如兼做買手，便把十多本最新的時裝雜誌和各品牌產品目錄放在店內，並向每個客人說明可以幫忙找貨。 為擴闊客源，除了衣物外，客人搵面額小的貨品如飾物及指甲油，甚至貓糧和單車，只要有圖有牌子就會代訂，大件貨物，由客人付運費，「如果無牌子，我都會幫 佢搵幾款相似嘅日本貨，睇吓個客有無興趣。」由開鋪在這裡打工至今的Fanny說，若買回來的衣服尺碼不合，也願意代客拿回日本更換，款式不合，則可以繳 付全數後把貨物放在店裡寄賣。tansu目前每月約有六百至八百個訂單，九成訂服飾，每人每次消費平均四千元。
稀貨客Halu
曾任職潮流雜誌記者的Halu，到過日本三十多次，熱愛日本牌子goro's的銀器，但goro's每天大排長龍，想買都未必買得到，於是他託Alan找日本買手代bid，這個手造銀釦，以約港幣一千元投得。
忠實客May
從 事保險業的May，在地鋪時期已認識Fanny，「佢鍾意特色嘢，不時都介紹到啲細牌子嘅衫俾我！」現在她每月約花三萬元在tansu置裝，「除咗一啲特 定牌子，我其餘咩衫都喺呢度買，反正咩都可以訂，慳咗搵地方買嘅麻煩，有時見特價或者靚，都一次過買返嚟，好多都未得閒著。」 mercibeaucoup,的老虎圖案襪，她便一款買三對，全部未開封，只作收藏；身旁的CÉLINE豹紋袋也是託Alan在日本買回來，三萬多元。 May指這款袋雖在港有售，但waiting list也未必排得到。
轉貨快勝連鎖店
由客人選貨，減低了入錯貨風 險，但貨款繁多，Alan及Fanny便要逐一搜集，再運回港。「我哋兩個每十日左右輪流去入貨一次，有時啲客撞啱我哋第二日有人返，今日落單，聽日攞 貨，佢哋好開心㗎。」他們每次入貨會走訪一百個地點，平均每日約二十個。入貨總額約二十萬元，貨物重量往往重達八十公斤，他們會將二十五公斤寄艙，手提十 多公斤上機，另外四十公斤寄貨運回來，問到Fanny有什麼竅門，她笑說：「最緊要大力囉！」 「香港人無耐性，之前我哋二十日先過去一次，但個個都覺得好耐唔想訂，唯有去密啲。」Alan說，現在他們的優勢是可以買到連I.T都未有的款式，「佢哋 等齊貨先運過嚟，最少都要三至四星期，我哋十日去一次就快好多。」 東京來貨比大阪快兩至三天，以前只往東京入貨，但日本發生大地震後，他們現在每隔一次便同時去東京及大阪，東京主要都是到MYLORD和PARCO等商 場，大阪則逛阪急、心齋橋大丸、LUCUA等，「一來唔知東京遲啲會點，要行熟大阪啲路先，二來大阪人比較友善，叫佢哋幫手搵貨留貨都方便啲。」 他們現在成了日本通，但在發展初期，也碰了不少釘。Fanny和Alan都不懂日文，開業時全靠一名操流利日語的員工搵貨、訂貨，但該員工辭職後，他們即 亂了陣腳，不僅看不懂日文網頁，就連用英文打電話訂貨都有阻滯，「日本人英文唔好，打過去問有無貨，佢哋怕麻煩就會同你講sold out，最方便嘛！」於是每次都訂不到貨，日本找貨又不懂叫店員運貨到一間「就腳」的鋪頭，試過為找一件衫逛了八間分店，結果兩人才痛定思痛學日文。他們 又更試過被人走數萬多元，所以現在落單全部要付一半訂，貨到再找尾數。
入齊貨有竅門
出發前亦會做足功課，可留貨的便 先打電話留貨，Alan在一次入貨時在店內認識了一位日本買手，現在位置偏遠的貨物就叫買手寄到酒店。以前他們不懂省錢，在東京出入坐的士，「嘩，日本的 士成七十蚊起錶呀！計返先知大鑊！」Alan笑說，現在多坐地鐵亦找到竅門，「拎咁多嘢坐地鐵以前覺得好麻煩，依家就識利用locker。」Alan說， 日本每個地鐵站都有儲物箱，可以把不必要的行李放好才購物，但星期六、日儲物箱十分搶手，中午就會全部爆滿，要一早出發。 樓上鋪欠缺人流，Alan開業一年見生意穩定，曾以十五萬元頂下對面的cafe，在cafe派發買衫優惠券吸客，「可惜買衫客會去cafe飲嘢，但 cafe客唔會嚟揀衫。」眼見cafe無助生意，而且管理又麻煩，Alan翌年以十八萬出讓。沒想到cafe對生意無幫助，反而隔鄰的中醫診所幫到手， 「原來呢間中醫好出名，好多人等煲藥時就會過嚟行吓，又吸到唔少客！」
Alan亦在Yahoo!下廣告，買了十個 品牌的關鍵字，最貴的每次點擊收費兩元，平均則每個約五毛，每月約花四千元。○七年見facebook在香港興起，開了一個專頁，定期更新，現已累積二千 多個粉絲，不少客人都會在網上查詢價錢才來訂貨，「我哋好多客網上落單，跟手入錢，我哋就寄貨，幫襯一段日子見都未見過，其中一個喺外國嘅客，每個月都訂 十萬貨，佢又唔係攞去賣，真係一家大細咁訂。」Alan笑言，約有二千名客戶，當中五十個每次也會訂貨，成為穩定的客源。 Alan原是律師行職員，負責訂文具等瑣碎工作，工作沉悶於是幫忙前女友到日本入貨，亦多看了時裝雜誌，但後來出現金錢糾紛，便傾盡積蓄並向家人借錢開 店。他一邊上班一邊經營，星期五放工半夜出發飛往日本入貨，星期日返港，星期一再上班，這樣生活維持了三年，至生意上軌道才敢辭職。 Alan的太太也是他的客人，兩年多前到店裡購物才認識，結婚年多，兒子已五個月大。熱愛日本的兩人，家中全是日本雜誌，嬰兒車買日本貨，聽日本兒歌，連 家中養的貓都叫Né-net（日本品牌）。兩位日本痴雖鍾情日本，但大地震後兩個月，生意額大跌一半也很擔心，「嗰陣真係好驚，老婆又就嚟生，如果之後震 多次都唔知點算。」Alan最近盤算往歐洲入貨，「講係咁講，但始終覺得日本嘢最好。」Alan說。
日本買搜攻略
出發前做功課
zozotown（http://zozo.jp）及樂天市場（http://rakuten.co.jp）都是日本品牌搜尋網，zozotown有數百個服裝品牌資料，樂天則除服裝以外還有不同商品資料，並有海外販賣及繁體中文版。
僱用日本買手
若貨品要在偏遠地區購買，或在網上拍賣，可找日本買手幫忙，不少日本人都願當兼職買手賺外快，以貨品售價約一成作酬金。Mixi和facebook都是日本流行社交網站，可嘗試在網站招募。
留意網上情報
http://kailog.net是日本新興網站，讓人購物後上載戰利品，留意網站可得到最新購物情報。
與店員打好關係
日本店鋪職員是很好的潮流資訊來源，可以多作溝通從人了解。
資料綜合：Alan及日本通、「豚王」老闆陳方藤（Meter Chan）
開業資料
（06/06） 租 金$72,000* 入 貨$200,000 裝 修$100,000 雜 費$20,000 總投資$392,000 *兩個月按金，兩個月上期
營業資料
（10/11） 營業額$800,000 租 金$30,000 人 工$50,000 # 入 貨$625,000 雜 費$25,000 盈 利$70,000 #連Alan在內，共3名全職，1名兼職 ####