中環在線：非洲騷亂中聯石化失茅台 李華華
|
|
非洲馬達加斯加爆發騷亂，總統逃離首都，政權變天，連地球另一邊嘅香港都感受到餘震。話說喺馬達加斯加有石油業務嘅中聯石化（346），佢哋駐當地辦事處都受到破壞同搶劫。
辦事處被劫
據 中聯石化講，當晚有人趁亂劫掠總統府附近商業區店舖，佢哋駐當地嘅辦事處被人撬開鐵門、打爛玻璃窗，4部電腦同3000幾蚊美金被人搶走，啲賊仲連幾箱茅 台都唔放過！好彩嘅係，咁啱嗰晚辦公室冇人，所以員工都平安大吉，算係不幸之中嘅大幸。大家最擔心嘅，係中聯石化業務有冇受騷亂影響？公司就話，辦事處只 係負責接待工程技術人員，企業總部位於當地3113油田所屬區內，所以對相關工程冇實質影響喎。大家可能會問，騷亂有冇影響到佢哋股價？咁啱得咁蹺，噚日 中聯石化停牌，所以唔知道。
|
Next Page