ZKIZ Archives


中環在線:美聯太子女呻生意少咗

2008-08-21  AppleDaily




美 聯物業(1200)主席黃建業個千金黃靜怡(Angela),放棄咗國際會計師樓份工,今年3月正式加入美聯集團做執董後,可謂創意無限,經常搞搞新意思 為公司造勢。噚日美聯就搞咗個傳媒聯誼飯局,主席黃建業冇蒲頭,但上任幾個月嘅Angela,就百忙之中露一露面。城中熱話離唔開北京奧運,原來唔少北京 嘅商舖店主,為咗減少城內塞車同空氣污染情況,阻礙賽事進行,所以暫時停業。

Angela得知後講笑話:「唔怪之得集團近排喺北京嘅生意少咗。」識得玩自 嘲,有大將風範,連睇奧運都不忘生意,夠勤力。黃建業90年代曾經移居加拿大,聽Angela講,當年6歲喺加拿大已經跟住父母四圍睇樓巡舖。虎父無犬 女,大把機會大展拳腳。
PermaLink: https://articles.zkiz.com/?id=1828

中環在線:康師傅太子接棒有試用期 李華華

2008-10-22  AppleDaily

老竇創業仔繼業,接班順利,上一代先可以真正退休,若然要老竇重出江湖就冇癮啦。所以台灣過江龍、內地方便麪(即食麪)同飲品業龍頭股康師傅(322)董事長魏應州為接班制訂大計,佢話做好規劃接班先會順利,唔係「搞到最後,又要自己重披戰袍,這也失去了交棒的意義」。

「五年計劃」垂簾聽政?

魏 應州有3個仔,除咗二佬自己創業,大仔宏名喺集團做高級專員,三仔宏丞就去咗合作夥伴日本朝日啤酒學嘢。魏應州以前都講過接班,但冇具體時間表,據《經濟 日報(台灣)》引述魏應州講,佢今年55歲,計劃60歲退休。不過報道又話佢期望10年內完成企業交棒,咁係咪佢退位之後5年都會『目及』住呢?魏應州身 兼董事長同行政總裁,佢退任後,董事長個位會交畀兩個仔,之前就先安排兩人做副董事長。雖則冇講明畀邊個,但阿大喺集團唔同部門學嘢,市場都當正佢係明日 之星。行政總裁會內部提拔,魏應州已心中有數,報道指方便事業群副總裁劉乾宗,同飲品事業群副總裁黃國書係熱門人選。魏應州話唔會夠鐘就起身走人,要接班 人一下子孭起晒擔子,咁樣好大壓力,容易失方向。佢又安排老臣子輔政,睇住阿仔,講到尾,佢都係一個廿四孝老竇囉。
PermaLink: https://articles.zkiz.com/?id=2773

太子奶疯狂扩张致资金链濒临断裂

http://finance.sina.com.cn/chanjing/b/20081029/00235441130.shtml

http://finance.sina.com.cn/chanjing/b/20081029/03205441724.shtml
PermaLink: https://articles.zkiz.com/?id=2903

资产清算组进驻太子奶 李途纯疑败于对赌陷阱

http://finance.sina.com.cn/chanjing/b/20081030/03205446972.shtml
PermaLink: https://articles.zkiz.com/?id=2936

传联想准备接手太子奶进入乳业行业

http://finance.sina.com.cn/g/20081121/03002526967.shtml
PermaLink: https://articles.zkiz.com/?id=3326

中環在線:榮太子堂妹撐老公場 李華華

2008-12-08  AppleDaily

 

香 港每年暑假都舉行動漫節,武漢上個周末都舉行咗國際網絡遊戲嘉年華,本來咁遠華華都冇乜留意,但見承辦機構係中青基業(1182)就有啲唔同,因為呢間上 市公司主席兼大股東成之德,係人大副委員長成思危個姪,佢太太就係榮智健堂妹榮智豐、已故國家副主席榮毅仁姪女。據講,成之德諗住下年嚟香港搞,香港今年 暑假嘅動漫節,5日入場人次超過60萬,咁好景,在商言商成生梗想分一杯羮。呢個IEF(International E-sports Festival)今年已經係第3年搞,中青基業首次攞到獨家承辦權,有兩個咁有實力嘅人撐,個嘉年華梗要搞得好好睇睇。3日入場人次有15萬,成生仲帶 埋太座親身到武漢打點,實行夫唱婦隨嘛。
PermaLink: https://articles.zkiz.com/?id=4424

中環在線:南早太子女做揸弗人


2008-12-09  AppleDaily
http://www.hkexnews.hk/listedco/listconews/sehk/20081208/LTN20081208641_C.pdf

 

臨 近年尾,雖則話好多機構因金融海嘯取消一年一度嘅annual dinner,但亦有唔少公司照搞,而且仲好事成雙!好似噚晚喺九龍灣Mega Box舉行周年聯歡嘅SCMP南華早報(583)咁,趁未開飯就公佈埋「權力核心」變動。04年已經係執行董事嘅太子女郭惠光,將會做埋董事總經理兼行政 總裁。佢大佬郭孔演就由執行主席調任非執董;做過機管局行政總裁、有「飛機彭」之稱嘅非執董彭定中,就會做非執行主席。

大佬讓位轉非執董

換句話講,南早今後就由年僅31歲嘅郭鶴年千金掌權。至於喺呢行裁員之聲此起彼落之際,郭小姐會唔會幫自己個字頭嚟個大整治,不妨拭目以待。
 
PermaLink: https://articles.zkiz.com/?id=4467

中環在線:太古太子準備接班 李華華


2009-01-02  AppleDaily


 

太 古(019)同港機工程(044)嘅大股東施懷雅(Swire)家族,下一代接班人已經蠢蠢欲動,準備好隨時接棒。太古同埋港機宣佈,施雅廸爵士服務咗集 團30年後,係時候退落嚟,由元旦日起,佢長子施銘倫(Merlin Swire)會擔任非常務董事,為未來順利接棒鋪路。

35歲就上位

睇 番資料,施銘倫並唔係貿貿然入董事局,97年佢已經加入英國太古集團,駐守英國、本港同埋內地,06年5月至08年6月期間,佢曾經做過廈門太古飛機工程 董事兼行政總裁,又係英國太古集團董事兼股東。通告仲話,施銘倫任職至今年股東大會舉行為止,就合乎資格參選董事喇。換句話講,好快就可以坐正做管理層。 講開又講,施銘倫今年只係三十有五,加上係英國一級名牌學府牛津大學古典文學榮譽學士,稱得上年輕有為,唔知佢名草有主未呢?
 
PermaLink: https://articles.zkiz.com/?id=5024

中環在線:散戶叫孔丹炒榮太子 李華華

2009-04-06  AppleDaily





 

上 個禮拜,中信泰富(267)因為炒燶外滙accumulator事件,搞到商罪科都要插手,對於中信泰富嘅散戶嚟講,當然不滿,華華喺討論區見到,有股東 聲稱,話已經寫咗封信畀中信集團董事長孔丹,要求佢炒咗中信泰富主席榮智健。寫呢封信位散戶自稱Jerry,佢喺討論區話,事件已經影響中信泰富同中信集 團嘅名聲,仲話「現在我很心痛」。唔只Jerry,相信一眾散戶都估,今日開市,中信泰富一定大幅低開,所以Jerry要求孔丹星期一開市嘅時候宣佈中信 泰富停牌,並「以年齡理由通過辭退主席榮智健,改派中信集團總經理常振明任主席」,Jerry話咁先可以令公司重新振作,仲話會繼續支持公司喎。孔丹會唔 會接受呢位股東嘅意見,就真係只有時間先可以證明。



PermaLink: https://articles.zkiz.com/?id=7220

中環在線:榮太子炒燶外滙照加薪 李華華


2009-04-15  AppleDaily





 

炒 燶外滙累計認購期權「I kill you later」狂蝕過百億元嘅中信泰富(267),噚日公佈前主席榮太子榮智健主政嘅最後一份年報,封面雖然強調「實力為本」,但配相嘅香港中信大廈總部商 場中庭,睇落好似墮落深淵咁,唔通預示咗榮氏年代告一段落?真係該煨!華華睇番榮太子最後嘅《致股東書》,署名日期係3月25日,當時仲未「面對現實,選 擇退位讓賢」,文句依然對未來充滿希望,可惜警方喺4月初介入調查,溫家寶爺爺又揚言絕不手軟,呢位叱咤一時嘅風雲人物先無奈咁自「叮」。

中信20董事冇花紅分

講 到尾,炒燶外滙令中信泰富08年成績表首次見紅,20位董事一律「連坐」冇花紅分,之不過,單計薪金加津貼同實物收益,大部份嘅涉案主角都逆市有進賬,榮 智健舊年就多14.64%至368萬銀;阿仔榮明杰仲誇張,多45.54%至163萬銀;阿女榮明方雖已降職處分,但因為唔係董事,搵幾多毋須公開。至 於公職王兼前董事總經理范鴻齡,亦多14.29%至344萬銀。不過,有份喺外滙合約簽名嘅莫偉龍,08年遭減薪2萬大元至206萬,唔知算唔算係人間 悲劇?李華華[email protected]
 



PermaLink: https://articles.zkiz.com/?id=7354

Next Page

ZKIZ Archives @ 2019