| ||||||
| 滙控（005）舊年業績大倒退，股價仲俾人質到殘。往時滙控贊助唔少體育運動，包括欖球、網球同F1賽車等，今後要佢科水睇怕冇咁容易。滙控贊助部主管基利斯摩根早幾日出席贊助活動時，話將會重新評估嚟緊呢年嘅贊助計劃。 滙 控贊助女子高球職業巡迴賽（LPGA）嘅合約今年就完，基利斯摩根好老實話：「o依家唔會討論延續贊助嘅問題，直至有證據顯示呢啲投資係成功，家陣仲言之 過早。我哋仲要分析一系列數字同資料，例如電視報道、觀眾數目等。不過可以肯定咁講，呢兩年嘅贊助令銀行喺新加坡同亞洲建立良好形象。」 果然係做銀行，贊助都好似投資咁，要睇數據分析，若然業務分析都係咁深入同仔細，可能隻大笨象就冇咁傷。 | ||||||
| ||||||
| 身 兼港交所（388）上市委員會委員嘅僑豐金融行政總裁許照中，噚日同傳媒食飯，華華亦係座上客，熱門話題當然離唔開滙控（005），許照中話早前喺60蚊 賣咗手上嘅港交所，換馬買滙控，入貨價係42蚊，諗住第日留畀孫女喎。估唔到「勁假時段」戲劇化咁將滙控質到33蚊收市，佢咪好唔開心？點知許照中話冇嘢 噃，仲話噚日滙控收市都見42.7蚊啦，有信心會好番，仲叠埋心水等供股o忝。許照中的確好撐呢隻大笨象，佢早前喺網上發表對滙控被質到33蚊嘅睇法，話 大笨象係發鈔銀行，唔應該咁俾人質。不過有網友唔多認同，反指大笨象大勢已去喎，許照中語重心長咁叫網友唔好只向錢看，因為大笨象唔掂，香港都唔掂。家陣 經濟不穩，啲人自然人云亦云，又有幾多人會聽佢講呢？ | ||||||
| ||||||
| 大笨象滙控（005）嘅股價，轉眼間已經由屢受供股陰霾困擾嘅谷底33蚊，絕地反彈至噚日收市報65.05港銀，身為滙控執行董事兼滙豐亞太區行政總裁嘅霍嘉治（圖），除咗有人工、董事袍金外，仲有認股權，可以超筍價買入滙控股份o忝！ 根 據滙控噚日公佈，喺4月29日至5月27日嘅員工儲蓄優先認股計劃，涉及1.5億股，當中英國員工有近9000萬，香港員工有超過5000萬，加埋佔咗九 成。霍嘉治都有4529股，每股行使價37.8797港銀，比噚日收市價折讓四成有多，雖然認股權要5年後先可以行使，但以超低價買滙控股份已經賺到笑 啦，暫時賬面上賺咗12萬銀有多喇！ 另外，滙豐銀行宣佈一系列人事變動，亞太區個人理財業務總監安志高將於6月1日出任巴西滙豐行政總裁兼總裁，佢原本個位由現時香港區個人理財業務主管鄭蔚彤接任；現時巴拿馬個人理財業務主管麥倩華將會執掌本港個人理財業務主管一職，7月生效。 | ||||||
|
||||||
|
滙豐呢隻最近唔係點郁嘅大笨象，最近都冇乜好消息。早排班極高層因為爭做主席，搞場六國大封相，前日又俾美國嘅散戶將佢軍！ 美國紐約曼克頓聯邦法院喺星期三，收到兩宗分別控告滙豐同摩根大通嘅case，內容係兩名散戶狀告呢兩間大行操控銀價，令到佢哋輸錢喎。 咁告咩呢？其中一個散戶P先生話，08年嗰陣買咗啲白銀期貨同期權玩吓，點知滙豐同摩通狂造淡倉，懷疑兩間行打籠通質低個價，累佢輸錢。 另一個訴訟人B，話自己喺08年8月買銀，但摩通沽貨搞到銀價兩日跌2成，投資者嘈完之後政府就跟進，自此銀價表現就好省鏡，仲要跑贏埋黃金，畫公仔唔使畫出腸！ 其實呢班散戶應該係新丁入場，華華聽行內專家話，大行俾人話操控銀價根本唔算新聞，因為銀市場其實得嗰幾個大戶玩家，華華都好想知佢兩位究竟告得入否！ |
||||||