投資band房夠畀首期供樓樂隊秋紅用音樂感染港人
1 :
GS(14)@2017-06-10 12:40:55本地獨立樂隊秋紅，成軍15年，成員以主音Jan、低音結他手Hippo、結他手Andrew、鼓手華、結他手Hei五位成員組成，音樂風格以Heavy Metal帶出生活中有感而發的事而令大家有所共鳴，你可能不認識他們，但他們確實堅持一樣東西15年……跟很多獨立樂隊一樣，秋紅成員各自也要工作來維持樂隊上的開支，以Hei及Hippo為例，Hei的正職是建築師，Hippo則為香港一間大型樂器中心的項目製作。Hei及華更合伙開設音樂室，設於人流極高的旺角區，兩人表示：「我哋算好彩喇，可以以興趣音樂方向開音樂室，不過兩間舖頭前前後後夾埋我哋幾個人，可以供到層樓俾到首期。我哋成日都講笑，我哋員工出嘅糧仲多過我哋自己，唔蝕錢已經好好喇，唔使自己攞錢出嚟，但又有個地方，提供到一啲地方俾有需要嘅band。」剛入行電影配樂工作的主音Jan表示，香港樂隊風氣越來越好：「如果你係鍾意音樂呢樣嘢係大家都要去參與，每個人都要出一分力，多啲黎睇local嘅show。呢個係生態鏈，如果你唔去支持佢，佢又點去維生？又點可以請多啲樂隊嚟呢？」講到band房的開支，Jan很滿意地說：「呢度五千幾蚊，每人千幾蚊，一個星期夾兩晚起碼，就平時唔夾嘢，我都會返嚟做下其他嘢，很滿足了。」Hei續說：「因為返office工，一個星期吊命去睇着呢啲日子，放工可以去夾嘢，其實幾開心嘅，呢個地方係我哋，除咗夾band之外，維繫我哋五個人嘅地方。」對於近年有不少樂隊成功突圍，都可以以夾band成為職業，Jan表示：「我哋暫未能夠可以以全職身份去做音樂，不過我哋以興趣去夾band，所以如果你保持到，我希望做音樂係興趣你就可以保持初衷，我地隊band個slogan都係話直到永遠。」採訪：吉吉攝錄：馮峰、Neo場地提供：觸Studio
來源:
http://hk.apple.nextmedia.com/entertainment/art/20170606/20045558