| ||||||
國美電器 (493)大股東黃光裕竟然可以喺監獄入面投反對票,謎底終於響噚日解開。呢件被稱為財經界「不可思議的真人真事」,原來係阿爺(即係國家)特別批准佢咁 做o架!根據《新京報》引述北京高級法院人員話,佢哋係考慮到國美實際經營情況,破天荒俾黃光裕喺看守所入面簽文件喎! 錄低全程有問題就罰 呢 位法院人員響一個叫「涉刑企業家民事權利的行使與保障」嘅研討會,第一次透露可以咁做。個位仁兄話,其實以前都唔可以咁做,但o依家制訂咗監督機制,全程 錄低簽署儀式,有乜問題就會即刻處罰,但點罰同點解要罰,佢就無講到。 報道又搵咗北京中銀律師所律師趙志成解讀,佢話俾黃光裕簽名,應該係 司法機關考慮到國美數十萬人嘅就業,同埋對市場嘅影響,所以先會破格決定喎!超鍾意陰謀論嘅華華就覺得件事冇咁簡單嘅,會唔會好似傳聞咁,國家唔想國美落 喺外資手上呢?一句講晒,共產黨啲嘢,你係無法子諗到嘅。 點都好啦,覺得判坐14年監係罰得太重嘅黃光裕,上個禮拜已經正式提出上訴。另一 邊廂,條街又傳緊佢會減刑期,呢場國美爭奪戰如箭在弦,唔知會唔會同世界盃同步開波呢?! 李華華 [email protected] |
| ||||||
在娛樂圈叱咤一時的陳達志Ba叔,自○五年捲入上市公司中科環保六千萬元洗黑錢案後,事業一落千丈。 Ba叔的生意幾乎全面停頓,接連有債主追債,最終破產收場,要靠朋友送餐飲券接濟,更一度患上抑鬱症,一日三餐不出房門半步,暴瘦四十磅。 他早有心理準備隨時踎監,為了方便日後適應獄中「臭格」,竟然去公廁聞臭味實習環境。 舊下屬見證他六年淪落生涯,心痛Ba叔做了多年「黃大仙」有求必應,最後卻落得如斯田地。 中科環保(現稱亞洲能源物流,351)兩代前主席陳達志和韓明光,聯同公司職員挪用公司逾六千萬元資金一案,由○六年開審至今足足纏擾了五年,本週一終於了結。 嚴重抑鬱 六十四歲的Ba叔早在開審時承認串謀詐騙、盜竊及洗黑錢等罪名,並答應做金手指,最後成功頂證其他被告入獄,包括他指稱氹他入局的韓明光。案件涉款六千多 萬元,無可避免被判監,於是找來包括劉德華、許冠傑、爾冬陞和徐小明等巨星及製作人求情,希望判刑減得幾多得幾多。雖然法官曾形容他是黃大仙,但嚴斥他今 次犯案只因貪心︰「看見一個如此成功的商人,事業落得如此田地,感到可惜及惋惜。雖然這不是終結,他可能會再次成功,但也可能是其中一個悲劇。」因他認罪 及做金手指,刑期由七年減至三年。未來三年Ba叔要在獄中度過,但其實過去五年,他早經歷了人生低潮,日子也不見得好過。跟隨Ba叔十幾年的下屬John 說,Ba叔被捕後的首兩年,過着近乎避世的生活。「佢諗唔通自己一直咁信韓明光,用晒全副身家幫佢,到頭來俾佢呃,仲搞到雞毛鴨血。」他指Ba叔長期將手 機關上,躲在家中不願外出,胃口大減,暴瘦四十磅,雙頰凹陷,憔悴得彷彿老了十年。根據他的精神心理醫生指,Ba叔患上嚴重抑鬱。足足花了兩年多,他才平 復心情。不過,他一改過往高調作風,行事十分低調。有圈中人與他劃清界線,就算有人邀請他搞演唱會或拍電影,他也婉拒。「佢都係唔想連累其他人。」 John說。 欠債破產 Ba叔極少提及以往,尤其是他雄厚財力的來源。據知他十幾歲便由大陸偷渡來港捱世界,十六歲與一位德國人合作做生意,創造「Abba Jeans」牛仔褲系列,在德國及瑞士大賣。其後他轉戰娛樂圈,幫很多明星在內地搞演唱會,之後涉足地產,在○四年豪花二億元入股京士活地產代理,並高調 以逾億元狂掃豪宅君頤峰,同時又進軍飲食業,可謂百足咁多爪。但他一出事,不少人即劃清界線,債主亦從四面八方湧來追債。其中仁愛堂前主席任德章控制的本 匯融資(亞洲)便指Ba叔拖欠四百萬元,Ba叔無力還款,去年被高院頒令破產。據田土廳資料顯示,Ba叔在○五年被捕前以公司名義持有市值約二千五百多萬 元住宅單位和工廈,但被捕後陸續將所有物業賣掉,可說是山窮水盡。John說他從無向人求助,有朋友取笑他一向節儉,清茶淡飯又一餐,著來著去也是同一件 衫。跟他相識廿多年的好友邱先生,兩年前開始每月送他一萬元旗下酒家的飲食券,而Ba叔則不想白攞着數,會找藝人幫酒家剪綵和介紹生意。邱先生說,一萬元 飲食券只為對這位有情有義的「黃大仙」聊表心意。 講義氣 「做朋友幫到就幫!我以前都受過佢唔少恩惠,呢啲真係唔算得啲咩!」邱先生在九四年從事進出口生意,接到來自印尼一宗訂製幾百萬布料的訂單,於是找來從事 紡織的Ba叔趕製,但他交貨後適逢印尼排華,買家遲遲未付款,他因此欠Ba叔幾百萬貨款。「我公司要執笠咁滯,係Ba叔拍心口話筆數佢孭。」幸邱最後收到 錢還給Ba叔,事件令他對Ba叔這份幫朋友的義氣,銘記於心。他說,任何人只要開口,Ba叔不理是否相熟也會幫手,小事至演唱會門券,或是借錢也永無托手 踭。他也是娛樂圈出了名的拆彈專家,喜歡做和事老排解糾紛。當年張栢芝和經理人朱永龍鬧翻,朱找來Ba叔出面調停,Ba叔二話不說答應。對於一些遇到阻滯 的藝人,他會不計賺蝕幫他們搞演唱會和出面接工作,陳慧嫻和周啟生便曾獲他出手幫助。鄭中基就連買車和經紀有錢銀爭拗,也找他企圖擺平事件。「佢真係大豪 俠,但就無去諗啲嘢係咪有風險。」John慨嘆。Ba叔的確不是首次因信錯人而被騙,早在○三年,他誤信一名相識八年的髮型師,髮型師訛稱獲發牌開銀行, 氹得Ba叔借出二百廿五萬元,Ba叔後來閱報得悉兩人行騙被捕,始知自己是其中一名受害者。 外號黃大仙 但他經一事並無長一智,就連今次這宗洗黑錢案的主審法官也形容,Ba叔容易信人,有求必應,故有黃大仙外號,而這種性格令他正好被韓明光利用。四十四歲的 韓明光,自稱從事船務運輸業逾十五年,背景極為神秘。原來韓在內地人脈極廣,早年已認識從事貿易生意的李鵬幼子李小勇,二人份屬好友。他在九四年認識Ba 叔,四年後獲委任為東聯(現稱中青基業,1182)行政總裁時,剛巧Ba叔是東聯的獨立非執行董事,二人由此熟落。Ba叔後來跌入陷阱,緣於他以擔保人身 份幫韓向財務公司借下的一筆三千萬元貸款。當時韓聲稱周轉不靈,Ba叔見韓在一間聲稱在內地搞垃圾發電的公司中科環保有話事權,並說可將中科以配股形式轉 給他,於是決定助他解財困。Ba叔又用接近四千萬元購入中科五成多股權,成為公司主席。○四年,Ba叔的中科和另一間由韓擔任主席的中國環保電力(現稱中 國富強集團,290)有所動作,兩間公司互換主席,由韓明光轉任中科主席,Ba叔則成為中國環保電力主席,但同時在中科環保做執行董事。 一借無回頭 韓明光跟着為中科環保大搞噱頭,最轟動莫過於○五年邀請前國家總理李鵬女兒李小琳打骰的中國電力入股,只是後來韓與Ba叔被捕,有關交易便告吹。韓把中科 環保搞大,無非繼續引Ba叔這條水魚入局。Ba叔供稱,他為了借錢給韓,賣樓賣股票,並將作價一億四千萬的中科環保股份全數借給韓。而韓一直表示,會從中 科環保調出資金還債,可是一借無回頭。「至今一個仙都無還俾我,佢令我一無所有。」Ba叔在庭上作供時說。跟着韓便以還錢為名,叫Ba叔和其他高層幫手偽 造文件,虛構採購開支,然後用貸款來還錢給Ba叔。至○四年,Ba叔等人已挪用了中科四千一百萬元,為了數冚數,眾人又虛構投資和貸款項目,令公司賬面上 批出五千一百萬元,大部分資金會回流至中科的戶口,填補之前的竊款。但原來當時廉署已秘密展開調查,○五年九月大舉拉人,粉碎這個億元掠水騙局。事件更越 揭越臭,曾掌管有組織罪案及三合會調查科的總警司馮建民亦被拖落水,馮疑與Ba叔和韓明光過從甚密,就在○六年九月四日Ba叔示意會認罪並願擔任金手指, 四日後馮跳樓身亡。事件牽連甚廣,纏擾了六年,Ba叔選擇一早認罪,由始至終只希望案件盡快有個了結,因他很掛念身在加拿大九十多歲的母親,但惹官非後一 直限制離境。John說:「佢好孝順,以前年年都去探佢,但呢件事之後就無得探,如果無事,佢第一件事就係要探阿媽,然後就會諗點樣繼續喺娛樂圈發展。」 | ||||||
| ||||||
立法會內務委員會上星期五開會,惹火焦點有兩個,一個係毓民提出對曾鈺成主席嘅不信任議案,另一個係蔣麗芸提出罷免毓民同陳偉業。毓民提出議案辯論嗰陣,佢大罵建制派議員發言質素參差,文不對題,仲叫人「咁鍾意講嘢,返屋企同你老公講」。等緊表決嗰五分鐘,蔣元秋忍咗四分鐘終於頂唔順,走咗埋去毓民個位度話毓民,令部分議員起哄。究竟佢講咗乜嘢? 秋姐會後真係好唔開心咁話:「因為上一次佢已經提及我家人,其實我覺得唔好成日揭人哋瘡疤!我尊重佢,我一路到依家都冇提過佢家人,你知道佢家人好多嘢o架啦,我都冇提,我都知道佢好多嘢。我走埋去叫佢唔好提我家人,有啲乜事你同我講,唔好好似爛仔咁,我邊度會同你打爛仔交,唔好咁樣啦!」元秋口中嘅毓民家人,相信係指因為毒品問題被深圳公安扣押嘅長子黃特漢。毓民都唔弱,兩個星期前,有報紙報導毓民曾經講過秋姐係「含住金鎖匙出世嘅大小姐,佢細妹蔣麗莉亦都坐過監」! 嗰日蔣麗芸真係諸事不順,連佢提出罷免毓民同大嚿個議案都因為有法律觀點要澄清,被迫主動提出押後,仲要俾黨友Tree Gun寸一句:「咁今日傾咗咁耐做乜呀?」難怪佢開完會出嚟心情咁差! 六四前夕自由黨派「自由花」 每年母親節同父親節,都係大小政黨搞聯誼兼派蛇齋餅糉嘅好日子。自由黨上星期四晚喺金鐘名都酒樓訂咗八十圍枱,舉行「頌親恩」聯歡晚宴,招呼支持自由黨嘅「自由之友」,禮物人人有份,由砂煲罌罉到名牌Polo都有,每人收費一百八十蚊,抵到爛。呢啲場合,點少得由該黨立法會議員親自出馬派禮物呃like嘅環節?現場所見,地區直選出身嘅田北俊,比起另外四個功能界別出身嘅方剛、張宇人、鍾國斌、易志明受歡迎得多,尤其當田少高舉「自由花」派俾街坊時,一班公公婆婆、阿叔阿嬸不知幾熱情,拎住枝花爭住同田少影相。點解田少咁「斗膽」臨近六四派「自由花」?原來「自由花」係一支花形嘅原子筆,唔通自由黨想曲線撐平反六四? CCTVB袁志偉擺記者上枱 CCTVB新聞部繼早前臨時抽起《新聞透視》碼頭風雲,又再整一劑破壞記者採訪獨立性。舊年四月一號,古思堯同馬雲祺「慶」梁振英上場,喺中聯辦疑似燃燒國旗,被律政署控告企圖以焚燒侮辱國旗。法庭星期一開審,控方傳召當日在場採訪嘅首席記者何永康做證人。何永康唔多想作供,一開波就向裁判官杜浩成申請豁免,話記者由採訪變成參與案件,日後接觸受訪者,專業嘅獨立性會受質疑。不過杜官話就算律師都冇豁免權,要佢繼續作供。有咩證供要搞到記者做證人?原來主控官黎劍華靠一條Youtube嘅片段,拍攝到當日中聯辦門外場面,做控方主要證供。主控官話搵唔到拍片人,要靠在場TVB記者確認片段係當日事發現場。舊年四月事發後,警方問TVB攞播出街嘅新聞片段做證物,九月仲入去TVB同處理過呢單新聞嘅員工錄口供,包括:攝影師、傳送片段嘅工程師、甚至剪片、編輯。新聞及資訊部總監袁志偉「花哥」原本都有機會做證人,後來證人名單就冇咗佢個名,但下屬走唔甩,要上證人台。有律師話,警方邀請任何人錄口供,當事人都有權保持緘默。佢話提供資料協助警方調查係公民責任,但如果係惡法挑戰新聞界嘅中立身份,就可以使用緘默權。有TVB新聞部人話,錄口供前,都有問過上司係咪應該去,「花哥」就毫無敏感度,以為警民合作。袁志偉透過發言人回應,警方要求何永康作供非經TVB安排。 | ||||||