| 2009-06-04 AppleDaily | ||
| 一 直四圍撲水嘅意馬國際（585），上周終於決定用供股方式籌錢，而私人持有約10%意馬股權嘅瑞安建業（983）主席羅康瑞（圖）噚日話，前晚先返香港， 未得閒諗供唔供股。雖然話佢嘅襟兄弟洪錦標快將入主意馬，但上海姑爺似乎唔算好緊張意馬嘅業務，亦冇睇過意馬新片《阿童木》嘅毛片。佢仲自爆，入股全因洪 錦標嘅邀請咋。羅康瑞話，當年睇完《隱者龜》嘅毛片後，先至扑槌入股意馬，佢到o依家都覺得，電腦動畫電影係有得搞。 佢仲話對佢嚟講，呢個投資真係好細， 所以唔係好計較賺蝕，自己亦好忙，應該唔會搵代表又或者自己入去意馬個董事局。講真，有襟兄弟睇住，應該可以放心嘅。講到供股，按上海姑爺揸住大約 2.09億股意馬計，4供1，每股供0.25元，即係大約要攞1300萬銀出嚟供。對佢嚟講，好小數目啫，斷估冇理由托手踭啩。李華華 [email protected] | ||