ZKIZ Archives


何君堯嘲朱似做新聞

1 : GS(14)@2016-09-13 00:13:50

■與曾樹和(左)素有往來的何君堯昨斥朱凱廸無誠意解決橫洲問題。資料圖片



【本報訊】候任立法會議員朱凱廸的人身威脅未除,另一候任議員何君堯卻於fb隔空嘲諷對方,認為對方正受警方保護,行事理應低調,近日卻連番在公眾地方予傳媒追訪,「似做新聞居多」;又斥朱凱廸連累家人居無定所,如游牧民族」。


籲單刀赴橫洲見曾樹和


朱凱廸疑因介入橫洲發展計劃被恐嚇,正受警方保護。何君堯稱,雖認同朱凱廸在有危險下立即報警,但應減少露面,更指朱應單人匹馬前往橫洲,與屏山鄉事委員會主席曾樹和會面,商討如何解決橫洲用地問題,「好過搵啲CID傍住你」。他更批評朱凱廸未上任已盡用公帑,認為他報警便應「算數」,「已經有『公眼』望住,使乜驚你斬我箒!」,又斥朱連日帶同家眷四處找尋協助,「(家人)叠埋一齊,綑綁式咁,同你好似做現代游牧民族、現代嘅Gypsies(吉卜賽人),咁何苦呢?」何認為朱的舉動違反樸素、行公義的主張,「(朱)唔好令配票、調票畀你嘅選民失望」。曾任前保安局局長的葉劉淑儀則相信朱受到恐嚇,「因為佢幾多就土地議題發言,可能得罪咗啲人」,但認為朱欲入住立法會的建議不實際:「立法會個土地用途唔係居住嘅,但係佢想住立法會亦都反映呢……香港係好唔夠地方畀人住。」■記者于健民




來源: http://hk.apple.nextmedia.com/news/art/20160912/19768228
PermaLink: https://articles.zkiz.com/?id=308692

Next Page

ZKIZ Archives @ 2019