翁嘉穗相隔15年再有喜
1 :
GS(14)@2015-03-22 22:37:31
■翁嘉穗腹大便便現身記招，老公鄔友正陪伴在側。
一九九九年嫁得寢室用品商人鄔友正兼育有一子的前港姐冠軍翁嘉穗，既是幸福少奶奶又是女強人。她昨日與夫婿鄔友正以贊助商身份現身李敏鎬演唱會記招，被發現相隔十五年再度有喜，腹大便便的翁嘉穗身穿黑白碎花裙、粉紅色外套，腳踏三吋Valentino船踭鞋，上台時有工作人員扶實，祝酒時亦只象徵式舉杯。
■現年四十一歲的翁嘉穗，早已育有一子鄔謨雲。《壹週刊》圖片
本報昨日致電準媽媽，翁嘉穗透露BB預產期約六月中：「BB係仔，已經六個幾月，今胎陀得唔辛苦，重咗八公斤，計劃開刀生，生阿哥個時都開刀。」記者笑言她連腹中B仔、老公及大仔合共三條King，她笑言：「係呀，屋企陽氣好盛。」翁透露會睇李敏鎬演唱會：「唔怕嘈，BB喺肚入面最大反應係我食嘢嗰時，尤其是我食pasta西餐，會好大力踢我最開心，可能我平時多數食中餐。」採訪：唐如攝影：陳俊強
來源:
http://hk.apple.nextmedia.com/entertainment/art/20150322/19085077
翁嘉穗畀錢大仔教細佬
1 :
GS(14)@2017-02-02 02:34:13翁嘉穗、王敏德、張崇基和太太劉美娟及李霖恩昨日到澳門出席「狂歡雪地嘉年華」，眾嘉賓均帶子女現身，惟獨翁嘉穗單獨到場。翁嘉穗細仔今年歲半，已經開始百厭，她說：「成日走嚟走去好難睇佢，所以唔敢周圍飛。」她又透露今年十六歲的大仔會幫手照顧細佬，她說：「會同佢講吓故事認識吓ABC，都想佢哋溝通多啲，因為兩個年紀相差比較多，起初我有畀番學費大仔，後來佢都唔需要啦，自動自覺去照顧細佬。」而王敏德一家五口到場，他說：「外國新年淨係玩一日，農曆新年有年初一、初二、初三咁多日玩，又會派利是。」問有甚麼新年願望？馬詩慧說：「最緊要身體健康，已經好足夠啦。」採訪、攝影：曹家誠
來源:
http://hk.apple.nextmedia.com/entertainment/art/20170201/19913905
翁嘉穗大仔入港隊
1 :
GS(14)@2017-05-27 08:54:32翁嘉穗與衛詩雅昨日在灣仔出席「百家寶BB展及教學展」揭幕禮，提到栽培兒子，翁嘉穗表示不是專家，最着重是孩子的品德教育。提到長子Jason早前奪得「香港健力錦標賽」青年組冠軍，翁嘉穗透露囝囝已獲選加入港隊，而原定一家暑假到倫敦慶祝，但受恐襲影響，決定取消行程，她說：「?家唔敢去，好彩未買機票，但之前已經安排好行程，book晒酒店同餐廳，安全緊要啲。」另外，衛詩雅到BB展為姪女掃貨，更自爆遭家人投訴教壞小朋友，她說：「我叫佢唔使執玩具，係壞榜樣。我精力多，可以陪玩，但揀另一半一定要成熟啲，識教小朋友。」採訪：羅慧敏攝影：仇志德
來源:
http://hk.apple.nextmedia.com/entertainment/art/20170527/20034906
97港姐翁嘉穗嫁人生仔無憾事
1 :
GS(14)@2017-06-25 11:27:00■翁嘉穗因為不習慣，未有加入娛樂圈。
1997年香港小姐冠軍43歲翁嘉穗，履行一年港姐職務後，選擇離開，嫁作人妻，翁嘉穗受訪時說：「當選後有一年喺娛樂圈，我覺得幾新鮮，但唔係好習慣。」在99年與海馬老闆、現年63歲的鄔友正結婚，翁嘉穗覺得一切都是緣份。結婚多年，夫妻相處是一門深奧的學問，遷就、忍讓和尊重箇中要訣，哪怕跟丈夫年齡相差很遠，翁嘉穗說：「可能我個人好需要安全感，反而年紀有一段距離，好似會保護到我，穩重啲。」翁嘉穗現育有兩名兒子，大仔跟細仔相差十五年，大仔早前更奪得「香港健力錦標賽」青年組冠軍，被選入港隊。在這二十年間，翁嘉穗覺得最開心是看着兩個兒子出世，問到至今有何憾事？她說：「人生係一個過程，好同唔好應該要去感受吓。」採訪：黃曉妍攝影：沈健程場地提供：香港仔軒琴居首飾提供：Piaget
■翁嘉穗97年奪得港姐后冠。資料圖片
■翁嘉穗卸任港姐後，隨即嫁給鄔友正。資料圖片
來源:
http://hk.apple.nextmedia.com/entertainment/art/20170625/20067572
Next Page