|
||||||
發財要立品,呢個道理華華明,但原來連鬼佬都明!Esprit宣佈,佢哋贊助印度嘅SOS兒童村開咗幕,隨即又搞個叫BIG BANG「敲響您的愛心」嘅全球慈善活動,呼籲大家響下個月5至13號期間,去北京道旗艦店敲響個鼓,又或者上佢哋個網站敲響「虛擬超級巨鼓」。 如 果全球累積滿300萬次鼓聲,Esprit就捐50萬歐元畀SOS兒童村!曾經提名奧斯卡嘅瑪姬嘉倫賀(Maggie Gyllenhaal)同老公彼得沙斯格(Peter Sarsgaard)都話力撐,華華誠心祝願11月頭開始,北京道會不斷有舞龍舞獅咁嘅嘭嘭聲,越嘈就越好,得閒的話,大家記得去幫手製造噪音呀! |
||||||
|
||||||
2010-12-29 AD
|
||||||
華華記得喺 2005年,蒙牛(2319)創辦人牛根生(圖)話過,會將佢擁有嘅蒙牛股份,除咗小部份嘅股息要用嚟畀佢屋企之外,其他所有嘅經濟收益都會用晒嚟貢獻慈 善事業。大丈夫果然一言九鼎,噚日,蒙牛宣佈,牛總已經將佢名下擁有嘅蒙牛股權資產,全數轉讓畀Hengxin信託,用喺公益事業度。 呢個 信託嘅受益單位,除咗牛總搞嗰個老牛基金,仲有老牛基金合作開嘅partner,即係中國紅十字會、中國扶貧基金、壹基金、大自然保護協會同埋內蒙古慈善 總會。牛總話,捐獻股權資產回饋社會,係佢多年嘅心願,公益慈善係一項長期嘅事業,佢會繼續努力……咁有善心,華華都希望佢為善最樂,福有「牛」歸! |