2010-06-11 AD
| ||||||
呢邊廂「假想 敵」騰訊(700)俾人狙擊QQ,那邊廂阿里巴巴(1688)無你咁好氣,已經籌備緊喺9月舉行,佢哋一年一度嘅「網商大會」。同花旗國關係唔錯嘅馬雲, 今年都係搵番花旗國啲老友做網商節嘉賓,但相對之前嗰幾屆嘅嘉賓,好似美國前總統克林頓、NBA洛杉機湖人隊高比拜恩,同星巴克首席執行官舒爾茨,今年呢 個就真係夠晒「重量級」,佢就係前「未來戰士」阿諾舒華辛力加(圖)……唔好意思,大隻佬嘅正確title係美國加州第38任州長至真! 咁 阿諾到時去到馬雲地頭杭州要做乜?梗唔會係同細細粒嘅馬雲分享健美心得啦,亦唔會淨係去西湖泛吓舟咁簡單。阿諾除咗要同大家分享佢做咗7年州長嘅心得,仲 會同大家討論吓環保嘅重要性,同埋剖析培育企業家點解會係促進經濟增長必須嘅一環。加插合照嘅環節,會唔會無咁悶呢又? |